Génesis
10 Jaʼ jich ay te stsʼumbal te Sem, Cam sok te Jafet, te jaʼik snichʼnab te Noé.
Kʼalal kʼaxemix-a te Pulemale,* ayin* yal snichʼnabik. 2 Te snichʼnab Jafet jaʼik te Gómer, Magog, Madái, Javán, Tubal, Mesec sok te Tirás.
3 Te snichʼnab Gómer jaʼik te Askenaz, Rifat sok te Togarmá.
4 Te snichʼnab Javán jaʼik te Elisá, Tarsis, Kitim sok te Dodanim.
5 Te stsʼumbalike nainik ta sejpelsejp kʼinal te ay ta yolil mar, jaʼ chikan te skʼopik, te sfamiliaik sok te slumalike.
6 Te snichʼnab Cam jaʼik te Cus, Mizraim, Put sok te Canaán.
7 Te snichʼnab Cus jaʼik te Sebá, Havilá, Sabtá, Raamá sok te Sabtecá.
Te snichʼnab Raamá jaʼik te Seba sok te Dedán.
8 Te Cus jaʼnix jich ayin* yan snichʼan jaʼ te Nemrod, jaʼ te sbabial winik te bayal bin juʼ yuʼun spasel ta balumilal. 9 Te Nemrod jaʼ jtul winik te la smil chambalametik* ta skontrainel te Jehová. Jaʼ yuʼun, jich ay ta alel: «Jaʼ jich te bin-utʼil te Nemrod, te jaʼ jtul winik te la smil chambalametik ta skontrainel te Jehová». 10 Te mukʼul lumetik te nail la swentaine jaʼik te Babel, Erec, Akkad sok te Calné, te ayik ta skʼinal Sinar. 11 Te Nemrod lokʼ bael tey-a, bajt ta Asiria, tey la sjach mukʼul lumetik-a jaʼik te Nínive, Rehobot-Ir, Cálah 12 sok te Resen te ay ta olil yuʼun te Nínive sok te Cálah. Jaʼ-abi te mukʼul lume.*
13 Te snichʼnab Mizraim jaʼik te Ludim, Anamim, Lehabim, Naftuhim, 14 Patrusim, Casluhim —te banti chiknaj tal stsʼumbal te filisteoetik— sok te Caftorim.
15 Te sba snichʼan te Canaán jaʼ te Sidón. Jaʼnix jich ayin* yan snichʼan jaʼ te Het 16 soknix jaʼ stsʼumbal te jebuseoetik, amorreoetik, guirgaseoetik, 17 heveoetik, arqueoetik, sineoetik, 18 arvadeoetik, zemareoetik sok te hamateoetik. Ta patil la spuk sbaik te stsʼumbal te cananeoetik. 19 Jich yuʼun, te skʼinal te cananeoetik ya xjajch tal ta Sidón jaʼto kʼalal ta Guerar, te nopol* ay ta Gaza, soknix jaʼto kʼalal ta Sodoma, Gomorra, Admá sok te Zeboyim te nopol ay ta Lasa. 20 Jaʼik-abi te snichʼnab te Cam. Tsojboltsojb ayik jaʼ chikan te sfamiliaik sok te skʼopik; te slumalik sok te snacionik.
21 Te Sem jaʼnix jich ayin* snichʼnab. Jaʼ stsʼumbal kʼot te Sem spisil te yal snichʼnab te Éber. Te Sem jaʼ sbankil te Jafet.* 22 Te snichʼnab Sem jaʼik te Elam, Asur, Arpaksad, Lud sok te Aram.
23 Te snichʼnab Aram jaʼik te Uz, Hul, Guéter sok te Mas.
24 Te snichʼan Arpaksad jaʼ te Selá; te snichʼan Selá jaʼ te Éber.
25 Te Éber ayin* chaʼtul snichʼnab. Te jtule Péleg* sbiil, melel te kʼalal kuxine, la xat sba te ants winiketik ta balumilal.* Te yan snichʼane Joctán sbiil.
26 Te snichʼnab Joctán jaʼik te Almodad, Sélef, Hazarmávet, Jérah, 27 Hadoram, Uzal, Diclá, 28 Obal, Abimael, Seba, 29 Ofir, Havilá sok te Jobab. Jaʼik-abi te snichʼnab te Joctán.
30 Kʼotik ta nainel ta Mesá jaʼto kʼalal ta Sefar, jaʼ te witsetik te banti ya xlokʼ tal te kʼajkʼale.
31 Jaʼik-abi te snichʼnab te Sem. Tsojboltsojb ayik jaʼ chikan te sfamiliaik sok te skʼopik; te slumalik sok te snacionike.
32 Jaʼik-abi te sfamiliaik te snichʼnab te Noé, tsojboltsojb ayik jaʼ chikan te stsʼumbalik sok te slumalike. Tey chiknaj tal spisil te nacionetik te la snojesik te balumilal te kʼalal kʼaxemix-a te Pulemale.*