Proverbios

 2 Te ants winik ya skuy te toj spisil te beetik yuʼune,

pero te Jehová jaʼ ya yil ta lek te bin-nix ay ta oʼtanil-ae.*

 3 Te lekil talelil sok te bin toj ta pasel

jaʼ lekxan yoʼtan yuʼun te Jehová, ma jaʼuk te milbil majtanil.

 4 Te toyba sitil sok te toyba-oʼtanil

jaʼ jich te bin-utʼil tsumbil kʼajkʼ ta sbe te machʼatik chopolik* sok jaʼ mulil.

 5 Te bin snopoj ya spas te j-aʼtel ants winik leknanix ya xkʼot ta lokʼel-a,

yan stukel te machʼa oranax bin ya spas ya x-akʼot ta pobreil yuʼun.

 6 Te stael kʼulejalil ta swenta spasel lot

jaʼ jich te bin-utʼil sjab lumkʼinal te jkʼaxelnax ay, jaʼ pejtsʼ yuʼun lajel.*

 7 Te bintik ma lek ya spasik te machʼatik chopolik* ya x-ikʼotik bael ta lajel yuʼun,

melel ma skʼan ya spasik te bin stojil ta pasel.

 8 Te sbe te machʼa ay smul maba toj ay,

pero toj stukel te bintik ya spas te machʼa lek yoʼtan.

 9 Jaʼ lekxan te nainel ta xujk ba na,

ma jaʼuk te sjokinel ta nainel te inamil te ya smulan sjachel kʼop.*

10 Te machʼa chopol* kʼaxto ya x-ikʼbot yoʼtan spasel te bintik chopol;

ma snaʼbey yoʼbolil sba ni jtebuk te spatxujke.

11 Te kʼalal ya yichʼ castigo te jlabanwanej, yame yichʼxan spʼijil yoʼtan yuʼun te machʼa maʼyuk bin ya snaʼ,

te kʼalal ay bin ya snopxan te machʼa pʼij yoʼtan, ay bin ya snaʼxan yuʼun.*

12 Te Dios te toj yoʼtan ya snaʼ te bin yak ta pasel ta sna te machʼa chopol,*

jaʼ yuʼun ya yakʼ te ya xtal lajinel ta stojol.

13 Te machʼa ya smak schikin yuʼun ma xyaʼiybey yaw te pobre,

jaʼnix jich maba ya yichʼ aʼiybeyel skʼop te kʼalal ya skʼan koltayele.

14 Te majtanil te muken ya yichʼ akʼel ya slamantes te ilinba;

te majtanil te muken ya yichʼ tsakel ya slamantes te tulan ilinba.

15 Spasel te bin stojil ta pasel ya x-akʼbot stseʼelil yoʼtan te machʼa toj yoʼtan;

pero te machʼatik ya spasik te bin chopol* kʼaxto ma smulanik stukel.

16 Te machʼa ya xlokʼ ta sbelal te bintik ay ta ichʼbeyel swentail

yame xbajt sjokin ta kux-oʼtan te machʼatik lajemik te maʼyuk bin ya xjuʼ ya spasikix.

17 Te machʼa jaʼnax ya xbajt ta yoʼtan te bin ya skʼases kʼajkʼal-ae yame x-akʼot ta pobre yuʼun;

te machʼa kʼaxto ya smulan te vino sok te aceite maba ya xkʼulejub yuʼun.

18 Te machʼa chopol* jaʼ ya stojbey jilel smul te machʼa toj yoʼtane,

te jloʼlaywanej jaʼ ya yichʼ castigo ta swenta te machʼa toj yoʼtane.

19 Jaʼ lekxan te nainel ta jochol takin kʼinal,

ma jaʼuk te sjokinel ta nainel te inamil te ya smulan sjachel kʼop* sok te ora ya x-iline.

20 Ta sna te machʼa ay spʼijil yoʼtan ay aceite sok kʼulejalil te bayal stojol,

pero te machʼa maʼyuk spʼijil yoʼtan yanax stojol lajin te bintik ay yuʼune.

21 Te machʼa ya spas tulan ta sleel te bin stojil ta pasel sok te ya yakʼ ta ilel kʼuxul oʼtanil te ma x-ijkitaywan

yame sta skuxlejal, yutsilal sok toj yoʼtan ya xkʼot.

22 Te machʼa ay spʼijil yoʼtan ya xjuʼ ya yuʼunin te mukʼul lum yuʼun te winiketik te ay yipik ta yakʼel guerra,

sok ya xjuʼ ya spejkʼanbey yip te bin smukʼulinoj yoʼtanik-ae.

23 Te machʼa ya skanantay te ye sok te yakʼe

ma sta swokol.

24 Te machʼa jkʼaxel ma spʼis te bin ya yal sok te bin ya spas,

jich ya yichʼ naʼbeyel sba te ya stoy sba sok te mukʼ skʼoplal ya skuy sba.

25 Te bin ya skʼan yoʼtan te chʼajil ants winik ya xmilot yuʼun,

melel ma skʼan ya x-aʼtej te skʼabe.

26 Sjunal kʼajkʼal ay bin yak ta skʼanel sok sbikʼtal yoʼtan;

yan stukel te machʼa toj yoʼtan maʼyuk bin ya skʼej jilel te kʼalal ay bin ya yakʼe.

28 Te lotil testigo yame yichʼ lajinel,

pero te machʼa ya schʼam yaʼiy te kʼop lekme ya xkʼot ta lokʼel te kʼalal ya xbajt ta testigo.*

29 Te chopol ants winik* ya yakʼ ta ilel te leknax ay ta skʼop,

pero te machʼa toj yoʼtan toj ay stukel te sbe.*

31 Te caballo chapalix ta skʼajkʼalel yakʼel guerra,

pero te kolel jaʼ ya yakʼ te Jehová.