BIBLIOTECA TA INTERNET yuʼun Watchtower
BIBLIOTECA TA INTERNET
yuʼun Watchtower
Tseltal
ʼ
  • ʼ
  • BIBLIA
  • SPISIL JUNETIK
  • TSOBLEJETIK
  • lff lección 60 puntos 1-6
  • Noptsajanxan ta stojol te Jehová

Mayuk te video ini.

Pasa perdón, ma xjuʼ ta kojtesel te video.

  • Noptsajanxan ta stojol te Jehová
  • ¡Mulana te akuxlejal ta sbajtelkʼinal! Te Biblia ya yalbat bin-utʼil
  • Subtituloetik
  • Junetik te pajal sok
  • JNOPTIKXAN TA LEK
  • ¿BINTIK LA JNOPTIK?
  • YA XJUʼ YA ANOPXAN INI
  • Ayuk bin ya kakʼ ta koʼtantik spasel ta stojol te Jpaswanej kuʼuntike
    Te J-ilkʼinal ta toyol Ya spukbey skʼoplal te Ajwalinel yuʼun Jehová 2004
  • 12 Nopa bin ya apas ta akuxlejal
    ¡Wikʼame asit!, 2018
  • Jchʼiel, mukʼubukxan te schʼuunel awoʼtan te kʼalal awichʼojix jaʼ-ae
    Te J-ilkʼinal ta toyol Ya spukbey skʼoplal te Wentainel yuʼun Jehová (te ya yichʼ nopel) 2022
  • Kakʼ ta koʼtantik te bin jnopojtik spasel
    Te J-ilkʼinal ta toyol Ya spukbey skʼoplal te Wentainel yuʼun Jehová (te ya yichʼ nopel) 2022
Ilawilxan
¡Mulana te akuxlejal ta sbajtelkʼinal! Te Biblia ya yalbat bin-utʼil
lff lección 60 puntos 1-6
Lección 60. Jtul ants nakal ta toyol ta sventana yak ta skʼoponel te sBiblia.

LECCIÓN 60

Noptsajanxan ta stojol te Jehová

Partitura
Partitura
Partitura

Ta sjunal te libro ini, bayal bin la anopix ta swenta te Jehová. Ta swenta-abi mukʼubix te skʼuxul awoʼtan ta stojol, jaʼ yuʼun laniwan awakʼix akuxlejal ta stojol sok la awichʼix jaʼ. Teme ma apasoje, yakniwan anopbelix te jich ya apase. Pero te kʼalal la awichʼix jaʼ-ae, ya skʼan ya xnoptsajatxan bael ta stojol te Jehová ta ora ini sok ta sbajtelkʼinal. Kiltik bin-utʼil.

1. ¿Bin yuʼun ya skʼan ya awamigoinxan ta lek te Jehová?

Ya skʼan ya jpastik tulan swenta ya kamigointikxan ta lek te Jehová. ¿Bin yuʼun? Swenta ma «xhowiyotic bahel» te jich ya xnamajotik ta stojol te Jehová (Hebreos 2:1). ¿Bin ya skoltayotik swenta spisil-ora jun koʼtantik ta stojol te Jehovae? Jaʼ te spisil-ora ya jcholtik te skʼop Dios sok ya jletik bintikxan aʼtelil ya xjuʼ ya jpastik ta stojol (kʼopona Filipenses 3:16). ¡Jaʼ kʼax lekil kuxlejalil te ya x-abatinotik ta stojol te Jehová! (Salmo 84:10).

2. ¿Bin-a te ma skʼan ya akom aba ta spasele?

Lajix anopbel te libro ini, pero te bitʼil ya x-abatinat ta stojol te Jehová sjajchibaltonax. Te Biblia ya yal te ya skʼan ya slapik «te yachʼil cuxlejal» spisil te j-abatetik yuʼun te Diose (Efesios 4:23, 24). Teme ma xa akom aba ta snopel te sKʼop Dios sok maba ya achʼay te tsoblejetik, ya anaʼbeyxan sba ta lek te Jehová. Nopa awaʼiy bin ya xjuʼ ya apas swenta ya akʼayinbeyxan stalel. Sok teme ay bin ya skʼan ya ajeltay ta akuxlejale, jeltaya swenta ya awakʼbey stseʼelil yoʼtan te Jehová.

3. ¿Bin-utʼil ya skoltayat te Jehová swenta ya xnoptsajatxan ta stojol?

Te Biblia jich ya yalbotik: «Te Dios [...] ha ni me ya slecubtesex, ya yaʼbeyex awipic, ya yaʼbeyex yip awoʼtanic soc te jun awoʼtanic» (1 Pedro 5:10). Ta jpisiltik ayniwan bin-ora ya yikʼ koʼtantik spasel te bin ma lek, pero te Jehová ya skoltayotik swenta ma jpastik (Salmo 139:23, 24). Jaʼnix jich, te Jehová ya yal ta jamal te ya yakʼ ta koʼtantik te ya jmulantik abatinel ta stojole (kʼopona Filipenses 2:13).

JNOPTIKXAN TA LEK

Kiltik bin ya xjuʼ ya apas swenta ya xnoptsajatxan ta stojol te Jehová sok bintik bendición ya yakʼbat.

4. Kʼopona spisil-ora te Jehová te jaʼ awamigoe

Te skʼoponel Dios sok te snopel te Biblia jaʼ skoltayojat ta yamigoinel te Jehová. ¿Yabal skoltayat yuʼun ya xnoptsajatxan ta stojol? ¿Bin-utʼil?

Kʼoponaik Salmo 62:8 sok albeyaik skʼoplal ini:

  • Teme ya alekubtesxan te bin-utʼil ya akʼopon te Diose, ya xnoptsajatxan ta stojol. ¿Bin-utʼil ya alekubtes?

Kʼoponaik Salmo 1:2 sok albeyaik skʼoplal ini:

  • Teme ya anopxan ta lek te Biblia, ya xnoptsajatxan ta stojol te Jehová. ¿Bin-utʼil ya xjuʼ ya anopxan ta lek?

Swenta ya anop ta lek te aBiblia, ¿bin ya xjuʼ ya apas? Swenta ya anaʼ, ilawilik te VIDEO. Ta patil albeyaik skʼoplal ini:

VIDEO: Nopaxan ta lek te aBiblia (5:22)

  • ¿Bintik la awil ta video te ya xjuʼ ya apas-euk te jaʼate?

  • ¿Bintik ya akʼan ya anop ta Biblia?

5. Ayuk bin ya apas ta stojol te Jehová

Teme ya awakʼxan aba ta abatinel ta stojol te Jehová, ya xnoptsajatxan ta stojol. Ilawilik te VIDEO sok albeyaik skʼoplal ini:

VIDEO: Maʼyuk yan lekil kuxlejalil (3:31)

  • ¿Bin lekilal la sta te Cameron te bitʼil abatinxan ta stojol te Jehová?

Ma jpisiltikuk ya xjuʼ ya xbootik ta scholel skʼop Dios ta yan nación. Pero ay yan bintik ya xjuʼ ya jpastik. Kʼoponaik Proverbios 21:5 sok albeyaik skʼoplal bintik ya akʼan ya apas...

  • ... ta congregación.

  • ... ta scholel skʼop Dios.

¿Bin-utʼil ya xjuʼ ya skoltayat te texto-abi ta skʼotesel ta pasel te bin anopoj ya apas ta stojol te Jehová?

Te bintik ya xjuʼ ya apas

  • Lekubtesa te bin-utʼil ya akʼopon te Diose.

  • Kʼopona spajkal te Bibliae.

  • Naʼbeya sba spisil te hermanoetik ta congregación.

  • Ayuk machʼa ya anojptes ta Biblia.

  • Ochan ta precursor auxiliar o regular.

  • Te winiketik ya xjuʼ ya x-ochik ta siervo ministerial.

6. ¡Mulana te akuxlejal ta sbajtelkʼinal!

Kʼoponaik Salmo 22:26 sok albeyaik skʼoplal ini:

  • ¿Bin ya skʼan ya apas yuʼun ya amulan te akuxlejal ta ora ini sok ta sbajtelkʼinal?

Ants winiketik ayik ta nichimal kʼinal liʼ ta Balumilal.

¿BINTIK LA JNOPTIK?

Noptsajanxan ta stojol te Jehová sok akʼaxan aba ta abatinel ta stojol. ¡Jichme ya amulan te akuxlejal ta sbajtelkʼinal!

¿Jilbal ta awoʼtan into?

  • ¿Bin yuʼun ya schʼuun awoʼtan te jaʼ ya skoltayat te Jehová ta abatinel ta stojol?

  • ¿Bintik ya xjuʼ ya apas yuʼun ya awamigoinxan ta lek te Jehová?

  • Swenta ya xnoptsajatxan ta stojol te Jehová, ¿bin yuʼun mukʼ skʼoplal te ya x-abatinatxan ta stojol?

Pasa bael awil ini

YA XJUʼ YA ANOPXAN INI

¿Bin-a te mukʼxan skʼoplal ya yil te Jehová: jaʼbal te ay bin lek ya jpastik ta jun-nax buelta, o jaʼ te spisil-ora jun koʼtantik ta stojole?

Junuk koʼtantik jich bitʼil te Abrahán (9:20)

Jtul j-abat yuʼun Dios ya xjuʼ ya xchʼay te stseʼelil yoʼtane. Ilawil bin-utʼil ya xjuʼ ya staxan.

Te bin-utʼil la jtaxan stseʼelil koʼtan ta abatinel ta stojol Jehová (5:25)

¿Bin ya skoltayat swenta ay bin ya xjuʼ awuʼun spasel ta stojol te Jehová?

«Ayuk bin ya kakʼ ta koʼtantik spasel ta stojol te Jpaswanej kuʼuntike» (Te J-ilkʼinal ta toyol, 15 yuʼun julio 2004)

¿Bin yuʼun ya skʼan te tulanuk schʼuunel awoʼtan, sok bin-utʼil ya xtulanubxan?

«‹¡Nopolix te smucʼul cʼahcʼalel yuʼun Jehová!›: tulanuk te schʼuunel koʼtantik» (Te J-ilkʼinal ta toyol, 15 yuʼun mayo 2009)

    Junetik ta tseltal (2001-2026)
    Smakel
    Sjamel
    • Tseltal
    • Stikunel
    • Chajpana te bin yilel ya akʼan ya xchiknaje
    • Copyright © 2025 Watch Tower Bible and Tract Society of Pennsylvania
    • Mantaliletik te ya skʼan chʼuunel
    • Política de privacidad
    • Kanantaybil te información awuʼun
    • JW.ORG
    • Sjamel
    Stikunel