¿Anaʼojbal-a?

¿Snujpʼbal te la yichʼik biilintesel «jʼeleqʼuetic» te machʼatik la schonik chambalametik ta templo yuʼun Jerusalén?

TE SJUN Mateo ya yal: «Och bahel ta templo yuʼun Dios te Jesús, la stenticlan loqʼuel spisil te machʼatic yacalic ta chombajel soc ta mambajel ta Templo; la sbuchticlambe smesahic te jel-taqʼuinetic soc la sbuchticlambe shuctajibic te machʼatic yacalic ta chon stsuhmut, hich la yal: Hich tsʼihbabil: Te Jna, ha snahul scʼoponel Dios ya xcʼoht te sbihile, xchi, pero te haʼex, la acʼatpʼuniquix ta schʼen jʼeleqʼuetic» (Mateo 21:12, 13).

Te bintik kʼot ta pasel ta namey yuʼun te judioetik, ya yakʼ te ilel te machʼatik chonbajik ta templo la yutsʼinik te machʼatik ya xmanbajik, melel kʼax toyol stojol la yakʼik te bin la schonike. Jich bitʼil la yal te Misná (Keritot 1:7), ay jich kʼot ta pasel ta sbabial siglo, te chaʼkojt stsumut toy stojol ta jun denario yuʼun oro. Te jaʼ jich ya spas ganar ta 25 kʼajkʼal jtul winik te maba pʼijuben ta spasel jun aʼtelil. Te ley ya yal te ya xjuʼ ya yakʼik ta majtʼanil xpuliwok o stsumut, jaʼukmeto toyem stojol te ma xjuʼ ya smanik te ants winiketike (Levítico 1:14; 5:7; 12:6-8). Te Simeón ben Gamaliel te snopbeyoj skʼoplal leyetik ma lekuk la yil te bin yakik ta spasele. La spejkʼanbey yajtalul te majtʼaniletik te sujbilik ta yakʼel-ae. Te bin lokʼ-ae, te stojol chaʼkojt tsumute, cien buelta ko te bitʼilnix stojol-ae.

Jich bitʼil la kiltikixe, te Jesús snujpʼ te la sbiilintes «jʼeleqʼuetic» te jchonbajeletik ta templo, melel jaʼik j-utsʼinwanejetik sok jbikʼtal-oʼtanetik.