Junuk koʼtantik akʼa jmaliytikxan

¿Jayebix tiempo yakat ta smaliyel te ya xjajch ta mantalteswanej te Wentainel yuʼun te Diose? ¿Junbal awoʼtan yakat ta smaliyel manchukme ay awokol? (Ro 8:25). Ay ermanoetik te yakik ta yichʼel lab-oʼtantayel, utsʼinel, chukel sok ya yichʼik albeyel te ya yichʼik milele. Jaʼnix jich ay tsobol ermanoetik te ay swokolik ta swenta jun chamel te maʼyuk spoxil o ta skaj te ayix yaʼbilalike.

¿Bin ya skʼan ya jpastik yuʼun jun koʼtantik ya jmaliytikxan te bin-ora ya xjajch ta mantalteswanej te Wentainele? Ya skʼan ya kakʼbeytik yip te schʼuunel koʼtantik te kʼalal ya jkʼopontik ta spisil-ora te Biblia sok te ya jnopilan ta koʼtantike. Yame skʼan ayuk ta koʼtantik te bin yakotik ta smaliyele (2Co 4:16-18; Heb 12:2). Soknix ya skʼan ya jkʼanbeytik te Jehová te yakuk yakʼbotik yip koʼtantik ta swenta te schʼul espiritue (Lu 11:10, 13; Heb 5:7). Te jTatik te kʼuxotik ta yoʼtan, yame skoltayotik yuʼun jun koʼtantik ya xkujch kuʼuntik te jwokoltike (Col 1:11).

ILAWIL TE BIDEO YA SKʼAN MA XLUJBOTIK YUʼUN TE ANIMAL: AYUK SMUKʼUL KOʼTANTIK TE BITʼIL YA JTATIK TE PREMIO, TA PATIL AKʼBEYA SUJTIB TE JOJKʼOYELETIK INI:

• 

  ¿Binwan ya xjuʼ ya xkʼot ta jtojoltik te ma maliybiluk kuʼuntike? (Ec 9:11, 12).

• 

  ¿Bin-utʼil ya skoltayotik te skʼoponel te Dios yuʼun ya jsitintaytik te jwokoltike?

• 

  Teme ay ma xjuʼix kuʼuntik abatinel ta stojol Jehová jich te bitʼil yakotik ta spasel-ae, ¿bin yuʼun te jaʼ ya skʼan ya kakʼtik ta koʼtantik te bin yato xjuʼ kuʼuntik spasele?

• 

  ¿Bin ya skoltayat te jaʼat yuʼun ya schʼuunxan awoʼtan te ya xjuʼ ya ata te premioe?