KʼULEJALIL TE AY TA BIBLIA
Te Jehová ya skoltayotik ta sitintayel te wokoliletik
Jich bitʼil te ayotikix ta slajibal kʼajkʼal, jpisiltik ya jsitintaytik tulan wokoliletik. Ay baeltik ya kaʼiytik te ma xjuʼix kuʼuntike. Pero teme ya jletik te koltayel ya yakʼ te Jehová, ya xkujch kuʼuntik te wokoliletik te maʼyuk schajpajibal yilele (Is 43:2, 4). Teme yak ta kʼaxel jun tulan wokolil ta atojole, ¿bin ya skoltayat yuʼun ya xnoptsajatxan ta stojol te Jehová?
Te skʼoponel Dios. Teme ya kalbeytik te Jehová te jwokoltik, yame yakʼbotik te lamalkʼinal sok kiptik yuʼun ya xjuʼ ya jsitintaytik te wokole (Flp 4:6, 7; 1Te 5:17).
Te tsoblejetik. Ta ora ini ya xtuunxan kuʼuntik te ya jnoptik te skʼop Dios sok te mukʼul oʼtanil te ya yakʼbotik te kermanotaktik ta tsoblejetik (Heb 10:24, 25). Kʼalal ya xbootik ta tsoblejetik, ya jchajpan jbatik ta lek sok ya kakʼ jcomentariotik, te schʼul espíritu te Jehová ya skoltayotikxan (Ap 2:29).
Te scholel skʼop Dios. Teme ya jpastik tulan yuʼun ma jkom jbatik ta scholel te skʼop Dios, jaʼme ya skoltayotik yuʼun ma jaʼuk ya xbajt ta koʼtantik te jwokoltike, jaʼnix jich ya xlekubxan te bitʼil lek kiloj jbatik sok te Jehová soknix te kermanotaktike, melel jun-nax ya x-aʼtejotik (1Co 3:5-10).
KʼALAL LA AWILIX-A TE VIDEO YA YIKʼAT TA STOJOL TE JEHOVÁ, AKʼBEYA SUJTIB TE JOJKʼOYELETIKE:
¿Bin koltayot yuʼun te Malu swenta nopol ay ta stojol te Jehová?
Jich bitʼil te Malu, ¿bin-utʼil ya yakʼ smukʼul koʼtantik te Salmo 34:18?
Kʼalal ya xkʼax tulan jwokoltik, ¿bin-utʼil ya yakʼ kiltik te bin kʼax ta stojol te Malu te ya yakʼbotik «kiptik» te Jehová? (2Co 4:7).