BIBLIOTECA TA INTERNET yuʼun Watchtower
BIBLIOTECA TA INTERNET
yuʼun Watchtower
Tseltal
ʼ
  • ʼ
  • BIBLIA
  • SPISIL JUNETIK
  • TSOBLEJETIK
  • wp22 Núm. 1 págs. 8-9
  • 2 | Mame xa asutbey spakol

Mayuk te video ini.

Pasa perdón, ma xjuʼ ta kojtesel te video.

  • 2 | Mame xa asutbey spakol
  • Te J-ilkʼinal ta toyol Ya spukbey skʼoplal te Wentainel yuʼun Jehová (te ya yichʼ pukel) 2022
  • Subtituloetik
  • Junetik te pajal sok
  • Te Biblia jich ya yal:
  • Te bin ya skʼan ya yal:
  • Pasa awil ini:
  • ¡Ya xjuʼ ya jtsaltik te pʼajaw!
    Te J-ilkʼinal ta toyol Ya spukbey skʼoplal te Wentainel yuʼun Jehová (te ya yichʼ pukel) 2022
  • Te bin-utʼil ya xlaj skʼoplal te pʼajaw
    Te J-ilkʼinal ta toyol Ya spukbey skʼoplal te Wentainel yuʼun Jehová (te ya yichʼ pukel) 2022
  • Sjajchibal yuʼun te parte 7
    Te bintik ya yakʼbon jnop te Biblia
  • Te José la spasbey perdon te yermanotak
    Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios (2020)
Ilawilxan
Te J-ilkʼinal ta toyol Ya spukbey skʼoplal te Wentainel yuʼun Jehová (te ya yichʼ pukel) 2022
wp22 Núm. 1 págs. 8-9
Chaʼtul winiketik te ilinemik nakajtik ta skʼab teʼ sok ya yilbey sba sitik. Jujuntul ya xotʼik ta serrucho te skʼab teʼ te banti nakajtike.

TE BIN-UTʼIL YA XLAJ SKʼOPLAL TE PʼAJAW

2 | Mame xa asutbey spakol

Te Biblia jich ya yal:

«Ma me xasutbeyic ta bin chopol te machʼa chopol bin ya spasbeyex; […]. Ta ban cʼalal ya xhuʼ awuʼunic, lamaluc me awoʼtanic soc spisil ants-winiquetic. Quermanotac te cʼuxex ta coʼtan, ma me xapac acʼabalic, […], como hich tsʼihbabil: Hoʼon cuʼun suhtesbeyel spacol; hoʼon ya caʼbe stoj», xchi te Jehová (ROMANOS 12:17-19).

Te bin ya skʼan ya yal:

Manchukme maba chopol te ya x-ilinotik kʼalal ay machʼa ay bin ma lek ya spasbotik, te Dios ma skʼan te ya jsutbeytik spakol. Ya yalbotik te yakuk jmaliytik, melel jaʼ yaloj te ya xbajt schajpan spisil te bintik maba stojiluk ya yichʼ pasele (Salmo 37:7, 10).

Pasa awil ini:

Kʼalal ya jsutbeytik spakol, jaʼnax ya xbatsʼejxan-a te pʼajawe. Jich yuʼun teme ay machʼa ay bin ma lek la spasbat, mame xa asutbey spakol. Lamajtesa awoʼtan sok ma xa awichʼ ta wenta (Proverbios 19:11). Ay baeltik te ya xjuʼ ya asitintay te wokoliletike sok yaniwan xjuʼ ya xbaat ta stojol te j-aʼtel patanetik teme ay ataoj tulan utsʼinel.

Ya yutsʼinotik teme ya jsutbeytik spakol te bin ma lek ya kichʼtik pasbeyel

¿Teme la apasix tulan ta schajpanel te kʼope, pero teme ma xjuʼ ta chajpanel ta leke? Mame xa asutbey spakol, melel jaʼnaxme ya yakʼ batsʼejuk te kʼopetike. Tsala te pʼajaw sok akʼa smukʼulin awoʼtan te jaʼ ya xbajt schajpan Dios te bin yak ta kʼaxel ta atojole. Ta Salmo 37:3-5 ya yal: «Ha acʼa smucʼulin awoʼtan, hich ya spas te bin ya scʼan pasele».

Te bin kʼax ta skuxlejal (ADRIÁN)

Juʼ yuʼun stsalel te sutbeyel spakol

Adrián.

Kʼalal jchʼielto-a te Adrián bayal ya yaʼiy pʼajaw-a sok ya sut spakol-a. Jich ya yal: «Bayal buelta kʼan kichʼ milel, ay baeltik te chʼojol ya xjilon ta calle, ya skuyik-a te lajemonixe».

Kʼalal 16 yaʼbilal-a, te Adrián jajch snop te Biblia. Jich ya xjul ta yoʼtan: «Kʼalal jajch jnop te Biblia la kil te ya skʼan ya jeltay te jtalele». La skʼan la yijkitay te pʼajaw sok te utsʼinwanej. Jun texto te tijbot yoʼtan yuʼune jaʼ te Romanos 12:17-19, banti ya yal te manchuk ya jsutbeytik spakol. Jich ya yal: «La jta ta ilel te jaʼ ya xbajt schajpan ta yorail te Jehová te bin ma tojuk ta pasele. Jich yuʼun la kijkitay te chopol jtalele».

Ta jun ajkʼabal, majot yuʼun te skontratak. Te jolal yuʼun te skontratak jich la yal: «¡Koltaya aba!». Te Adrián ya yal te la skʼan la skoltay sbae. Pero te bin la spase, jaʼ te la skʼopon te Jehová sok juʼ slokʼel ta anel.

Te Adrián jich ya yalxan: «Ta yan kʼajkʼal, stukel la jta te jolal yuʼun te jkontratak. Bayal ilinon; la jkʼan la jsutbey spakol. Yan buelta la jkʼopon te Jehová ta muken sok la jkʼanbey te yakuk yakʼbon slamalil koʼtan. Yan la kil-a te bitʼil te kerem noptsaj tal ta jtojol sok jich la yalbon: ‹Pasbon perdón yuʼun te bin kʼot ta pasel te ajkʼabeye. Ya jkʼan te jichukon te bitʼil jaʼate. Ya jkʼan ya jnop te Biblia›. ¡Lek te la jlamantes te kilinbae! Ta swenta-abi, jajch ta snopel te Bibliae».

Ya xjuʼ ya atabeyxan skʼoplal ta La Atalaya número 5 yuʼun 2016, página 14 sok 15.

    Junetik ta tseltal (2001-2026)
    Smakel
    Sjamel
    • Tseltal
    • Stikunel
    • Chajpana te bin yilel ya akʼan ya xchiknaje
    • Copyright © 2025 Watch Tower Bible and Tract Society of Pennsylvania
    • Mantaliletik te ya skʼan chʼuunel
    • Política de privacidad
    • Kanantaybil te información awuʼun
    • JW.ORG
    • Sjamel
    Stikunel