PARTE 12

¿Bin utʼil ya xjuʼ staik tseʼel oʼtanil te jujun wol nae?

Teme ay kʼuxul oʼtanil ta yutil nae jichme ay tseʼel oʼtanil (Efesios 5:33)

Jich bitʼil ya yal te mantalil yuʼun te Diose, jaʼnaxme ya xjuʼ xnujpunik jtul ants sok jtul winik.

Jtul mamlalil yak ta skanantayel te yiman te ay ta chamele, jtul inamil la schajpanbey sweʼel te smamlale

Te winik te lek yoʼtane lekme ya yil te yiname sok yame skanantay.

Te antse yame skʼan skoltay te smamlale.

Jtul tatil yak ta skoltayel te snichʼan swenta ya schʼam yaʼiy te bin ya xkʼax ta tsoblej

Te alnichʼanetike yame skʼan schʼuumbeyik smantal te smeʼ statike.

Te machʼatik nujpunemike mame skʼan ya yutsʼin sbaik sok mame skʼan ya sloʼlay sbaik ta spasel antsiwej o antsinel (Colosenses 3:5, 8-10)

Te meʼil tatil yakik ta yakʼbeyel snop Biblia te tut achʼix yuʼunike

Te Biblia ya yal te kʼuxuk ya yaʼiy ta yoʼtan yinam te winike, jichnix te bitʼil kʼux ya yaʼiy sba stukele. Te ants yame skʼan ya yichʼ ta mukʼ te smamlale.

Jtul inamil maba lek ya yaʼiy sba te kʼalal ya yil yan ants te smamlale

Jaʼnaxme ya xjuʼ sjokin sbaik ta wayel jtul ants sok jtul winik teme yuʼun nujpunemike. Te machʼa ya xnujpune yame skʼan te jtulnax te machʼa ya yikʼe.

Jun familia yakik ta yilel bitʼil ya xtupʼ bael te kʼajkʼale

Te Biblia ya yakʼ ta nopel te bin utʼil ya xjuʼ staik tseʼel oʼtanil te jujun wol nae.