«Acʼa taluc te cuentahinel awuʼun», jich ya yalulanik bayal miyon ta tul ants winiketik
¿Aybal akʼanoj te yakuk xtalix te Wentainel yuʼun te Diose? Jaʼ te bin skʼanojik bayal ta tul ants winiketik te ayix tal bayal jaʼbile. ¿Bin yuʼun? Melel te Jesús la yalbey te jnopojeletik yuʼun te jichuk ya skʼanik: «Akʼa taluk te Wentainel awuʼune».
Ta sjajchibal, te jnopojeletik ma kʼot ta yoʼtanik spisil te bin la scholbey skʼoplal te Jesús ta swenta te Wentainel yuʼun te Diose. Jich la sjojkʼoybeyik te Jesús: «Kajwal, ¿yorailixbal te ya achaʼjachxan te wentainel yuʼun te Israel?». Chajpnaxniwan la yaʼiyik-a te maba akʼbotik sujtib jich te bin-utʼil ya skʼanike (Hechos 1:6, 7). ¿Yuʼunbal ma xjuʼ ya jnaʼtik bin-a te Wentainel yuʼun Dios sok te bin-ora ya xtale? Yak, ya xjuʼ.
Ta revista ini yame jtabeytik sujtib te jojkʼoyeletik ini:
¿Bin yuʼun ya jkʼantik te yakuk xtalix te Wentainel yuʼun te Diose?
¿Machʼa-a te Ajwalil yuʼun te Wentainel yuʼun te Diose?
¿Bin-ora ya xjajch ta wentainwanej ta Balumilal?
¿Bin ya spas te Wentainel yuʼun Dios ta stojol te ants winiketike?
¿Bin yuʼun ya skʼan ya kakʼ jbatik ta stojol te Wentainel yuʼun te Diose?
¿Bin-a te Wentainel yuʼun te Diose?