BIBLIOTECA TA INTERNET yuʼun Watchtower
BIBLIOTECA TA INTERNET
yuʼun Watchtower
Tseltal
ʼ
  • ʼ
  • BIBLIA
  • SPISIL JUNETIK
  • TSOBLEJETIK
  • g20 Núm. 3 págs. 12-13
  • Ayuk skʼuxul awoʼtan

Mayuk te video ini.

Pasa perdón, ma xjuʼ ta kojtesel te video.

  • Ayuk skʼuxul awoʼtan
  • ¡Wikʼame asit!, 2020
  • Subtituloetik
  • Junetik te pajal sok
  • Te problema
  • Tojobtesel te ya yakʼ te Biblia
  • Te bin ya xjuʼ ya apase
  • Juʼ yuʼunik yijkitayel te pʼajawe
    ¡Wikʼame asit!, 2020
  • ¿Yabal awaʼiy pʼajaw?
    ¡Wikʼame asit!, 2020
  • Ya skʼan ya slajin te bin ma stojiluk ta pasele
    Jelontesbot skuxlejalik yuʼun te Biblia
  • Junuk ayukotik jich bitʼil jun ayik te Jehová sok te Jesús
    Te J-ilkʼinal ta toyol Ya spukbey skʼoplal te Ajwalinel yuʼun Jehová (te ya yichʼ nopel) 2018
Ilawilxan
¡Wikʼame asit!, 2020
g20 Núm. 3 págs. 12-13
Jtul ants te talem ta India yakal ta skoltayel jtul sakil ants te ayix yaʼbilale.

Ayuk skʼuxul awoʼtan

Te problema

Wokol ta lokʼesel te pʼajaw te ya kaʼiy ta koʼtantike. Melel jaʼ jich kʼoem bitʼil tulan chamel o jun birus te ya yichʼ tiempo sok te ya skʼan pasel tulan ta stael te spoxile. ¿Bin ya xjuʼ ya jpastik yuʼun ya jlokʼestik te pʼajaw ay ta koʼtantike?

Tojobtesel te ya yakʼ te Biblia

Fotoetik: 1. Jtul winik te talem ta Asia ya sjambey te puerta jtul ijkʼal winik. 2. Te ijkʼal winik yak ta spukel kafe, tey ay-a te ants te talem ta India.

«Lapahic te cʼuxul-oʼtanil, te ha ya xchuc spisil te jun ya xcʼohtic ta mero smelelil» (COLOSENSES 3:14).

¿Bin ya skʼan ya yal? Te kʼalal ay bintik lek ya jpastik ta stojol te yantik, jun ya yakʼotik. Teme kʼux ta awoʼtan te yantik sok ya awakʼbey yilik, kʼunkʼun maʼyuk bin chopol ya anop ta stojolik sok maʼyuk machʼa ya apʼaj ta awoʼtan.

Te bin ya xjuʼ ya apase

Fotoetik: 1. Jtul ants te talem ta India yakal ta skoltayel jtul sakil ants te ayix yaʼbilale. 2. Te sakil ants te ayix yaʼbilale ya yakʼbey gayeta te winik te talem ta Asia.

Lea bin-utʼil ya xjuʼ ya awakʼbey yil skʼuxul awoʼtan te machʼatik ma mero lek ya awil aba soke. Ma puersauk te kʼax mukʼ te bin ya apas ta stojolik. Ya xjuʼ jich ya apas ini:

Te kʼalal ya jpastik tulan ta yakʼel ta ilel skʼuxul koʼtantik ta stojol te yantike, lek ya xjajch kiltik jbatik sok.

  • Akʼbeya yil slekil awoʼtan, ya xjuʼ ya ajambey te puerta o te ya awakʼbey te anaktajib ta karro.

  • Pasa tulan te ya xkʼopojat soke, manchukme maba ya anaʼ ta lek te skʼope.

  • Ayuk slamalil awoʼtan te kʼalal ay ma xkʼot ta awoʼtan te bin ya spasike.

  • Chʼama awaʼiy ta lek te bin ya yalik, sok pasa tulan te ya xkʼot ta awoʼtan te swokolike.

Ay jich kʼoem ta pasel ta skuxlejalik: Nazaré (Guinea-Bissau)

«Ta namey ma lek ya kiltiklan te machʼatik ya xlokʼik ta anel ta slumalik. Ay kaʼiyoj te ya yalik te ya sloʼlayik te gobierno yuʼun jich ya yichʼik koltayel-a o te ya x-ochik ta utsʼinwanej, jaʼ yuʼun ma lek ya kiltiklan, pero ya jkuy te maba yakon ta pʼajaw, melel jichnix ya snopik te yantik ants winiketik ta stojolik.

Kʼalal kʼax te tiempoe la jta ta ilel te yuʼun-nix ma lek ya kiltiklan-a. Te bin la jnop ta Biblia la skoltayon yuʼun lek ya xjajch kiltiklan. Ta ora ini maba ya jpʼajtiklanix, ya jpas tulan te ya jkʼoponlan sok te ya jnaʼtiklanbey sba ta lek, ma jichuk ya kilix te bitʼil ta nailtoe lek nax ya kaʼiy jba te kʼalal ya jokinlan».

«Ya skʼan ya slajin te bin ma stojiluk ta pasele»

Rafika Morris.

Te Rafika och ta jun grupo te banti ya skʼan ya slajinbeyik skʼoplal te pʼajawe. Pero te kʼalal kʼot ta jun asamblea yuʼun te testigoetik yuʼun Jehová la sta te bin yak ta sleel-ae, jaʼ te jun-nax ayike.

Ilawil te bideo Rafika Morris: Ya skʼan ya slajin te bin ma stojiluk ta pasele. Ya xjuʼ ya ata ta www.pr418.com/tzh.

    Junetik ta tseltal (2001-2026)
    Smakel
    Sjamel
    • Tseltal
    • Stikunel
    • Chajpana te bin yilel ya akʼan ya xchiknaje
    • Copyright © 2025 Watch Tower Bible and Tract Society of Pennsylvania
    • Mantaliletik te ya skʼan chʼuunel
    • Política de privacidad
    • Kanantaybil te información awuʼun
    • JW.ORG
    • Sjamel
    Stikunel