14 Te akʼo yakʼik ta sba li kʼusitik tstunesik kʼalal tspas yabtelik ta skajleb matanale: li yavtak akʼale, li natil chavchav takʼinetike, li palaetike, li mukʼta bochetike, skotol li kʼusitik te chtun ta skajleb matanale,+ akʼo skʼibeik snukulil fokaetik xchiʼuk akʼo xojbeik ta yavil li steʼeltak+ sventa xkuchik batel li skajleb matanale.

15 »Kʼalal tstotsik xa batel xchiʼuk skarpanaik li j-israeletike, li Aaron xchiʼuk xnichʼnabtake skʼan xpixik skotol li kʼusitik te oy ti bu chʼule+ xchiʼuk li kʼusitik te chtun ti bu chʼule. Mi laj xa ox xpixike, jaʼ to xuʼ x-ochik batel li xnichʼnabtak Koat sventa xkuchik batel li kʼusi oy ta sbaike,+ pe mu me stakʼ spikik li kʼusitik oy ti bu chʼule, yuʼun chchamik mi jech la spasike.+ Taje jaʼ li kʼusi oy ta sbaik* li xnichʼnabtak Koat te ta karpana sventa tsobobbaile.