7 Jech xtok, li palee akʼo sbonbe jutebuk xchʼichʼel li ta xulubtak skajleb matanal sventa xchikʼobil pom ti oy sperfumeale+ ti te oy ta yeloval Jeova li ta karpana sventa tsobobbaile. Skotol li skomenal* xchʼichʼel tot vakaxe te akʼo smal li ta snakleb xchikʼobil matanal+ ti te oy li ta yochebal karpana sventa tsobobbaile.

14 Laje, laj yikʼ talel li tot vakax ti chichʼ akʼel ta matanal sventa mulile, vaʼun li Aaron xchiʼuk xnichʼnabtake laj yakʼ skʼobik ta sjol li tot vakax ti chichʼ akʼel ta matanal sventa mulile.+ 15 Li Moisese la smil li tot vakaxe xchiʼuk la stsak jutuk ta sniʼ skʼob li xchʼichʼele,+ la sbonbe li xulubtak skajleb matanal ti te oy ta jujujot xchikine. Jech la sakubtas ta mulil li skajleb matanale, pe li skomenal* xchʼichʼele te la smal batel li ta snakleb skajleb matanale sventa xchʼultajes yoʼ te xichʼ akʼel milbil matanale.