23 Ta tsʼakal li Moises xchiʼuk Aarone ochik talel li ta karpana sventa tsobobbaile, laje lokʼik batel sventa xakʼbeik bendision li jteklume.+

Te laj yakʼ ta ilel ta stojolal jteklum smukʼulal li Jeovae,+ 24 lokʼ talel kʼokʼ ta stojolal Jeova,+ vaʼun li kʼokʼe lik slajes li chikʼbil matanale xchiʼuk li jujutuchʼ xepuʼaltak ta sba li skajleb matanale. Li jteklume lik avanikuk kʼalal jech laj yilik taje xchiʼuk la snijan yalel satik ta lumtik.+

24 Yuʼun li Jeova Dios avuʼune jaʼ jun kʼokʼ ti chchikʼvane,+ jaʼ jun Dios ti stuk noʼox tskʼan ichʼel ta mukʼe.+

21 Li yaj-anjel Jeovae la syeʼ li snamteʼ te stsakoje xchiʼuk la stij ta sniʼ snamteʼ li bekʼet xchiʼuk li pan ti muʼyuk slevaduraile. Tsan skʼakʼal li mukʼta tone, vaʼun la xchikʼ li bekʼet xchiʼuk li pan ti muʼyuk slevaduraile.+ Li yaj-anjel Jeova une te sakchʼay batel ta sat li Jedeone.

26 Vaʼun, li Davide la spasbe li skajleb smoton+ Jeovae, te laj yakʼ chikʼbil matanaletik xchiʼuk milbil matanaletik sventa jun oʼontonal, te lik skʼanbe vokol li Jeovae. Li senyail ti takʼbate jaʼ ti yal tal kʼokʼ+ ta vinajel ti te kʼot ta sba li skajleb chikʼbil matanale.

7 Vaʼun, kʼalal naka noʼox laj yoʼonton ta spasel orasion li Salomone,+ yal tal kʼokʼ ta vinajel+ ti la slajes li chikʼbil matanal xchiʼuk li milbil matanale, jech lik nojuk ta smukʼulal Jeova li nae.+