12 »Xi chal li Jeovae: ‹Kʼalal mi tsʼaki li 70 jabile,+ chkakʼbe kastigo ta skoj smul li ajvalil ta Babiloniae+ xchiʼuk chkakʼbe kastigo ta skoj smul li slumale xchiʼuk xokol chkom kuʼun ta sbatel osil li yosilal jkaldeaetike.+

14 Li voʼon eke chkakʼ ti xataikun ta saʼele›,+ xi li Jeovae. ‹Ta jtsoboxuk sutel tal voʼoxuk ti chukbiloxuk batele, ta jtsoboxuk sutel tal ta skotol li mukʼtik lumetik xchiʼuk ti butik tanpuk labatik kuʼune.+ Ta xkikʼoxuk sutel tal ti bu lachukatik toʼox batel kuʼune›, xi li Jeovae.+

10 «Xi chal li Jeovae: ‹Ti chavalik ti jecheʼ xokol li jteklume, ti chʼabal krixchanoetik xchiʼuk ti chʼabal tsʼunbal chonbolometike, li ta jteklumetik ta Juda xchiʼuk ta skayealtak Jerusalen ti jecheʼ xokole, ti bu chʼabal krixchanoetik, jnaklejetik mi jaʼuk tsʼunbal chonbolometike, chichʼ aʼiel yan velta 11 ti xkuxet yoʼontonike xchiʼuk ti xmuyubajike,+ li yechʼomal ye jnupunel kereme xchiʼuk li yechʼomal ye jnupunel tsebe xchiʼuk li yechʼomal ye li buchʼutik xi chalike: «¡Tojbeik ta vokol li Jeova ti jaʼ bankilal yuʼun soltaroetike,* yuʼun toj lek yoʼonton li Jeovae;+ te oy-o sbatel osil li tukʼil kʼanelal yuʼune!»›.+

»‹Chichʼik tal chikʼbil matanal ta sna Jeova kʼalal tstojik ta vokole,+ yuʼun chkikʼik sutel tal ta jteklum li buchʼutik chukbilik batel jech kʼuchaʼal onoʼox ta slikebale›, xi li Jeovae».