10 Xi la stakʼ li Eliase: «Ta sjunul koʼonton tunemun tal ta stojolal li Jeova Dios ti jaʼ bankilal yuʼun soltaroetike,*+ pe li jteklum Israele laj xa skomtsanik li atratoe,+ laj xa slilinik li skajlebtak amotone xchiʼuk laj xa smilik ta espada li avaj-alkʼoptake,+ jtuk xa noʼox kuxulun, pe tskʼan xa tsmilikun ek».+

12 Och batel ta templo li Jesuse, la snuts lokʼel skotol li buchʼutik te chchonolajik xchiʼuk chmanolajik ta temploe, la svalkʼunbe xmexaik li jeltakʼinetike xchiʼuk la svalkʼunbe svankaik li buchʼutik chchonik palomae.+ 13 Xchiʼuk xi laj yalanbee: «Xi tsʼibabile: ‹Li jnae spasobil orasion chichʼ albel skʼoplal›,+ pe li voʼoxuke apasojik xa ta xchʼen j-elekʼetik».+

15 Vaʼun, kʼotik ta Jerusalen. Te och batel ta templo xchiʼuk lik snuts lokʼel skotol li buchʼutik te chchonolajik xchiʼuk chmanolajik ta temploe, la svalkʼunbe xmexaik li jeltakʼinetike xchiʼuk la svalkʼunbe svankaik li buchʼutik chchonik palomae.+ 16 Jech xtok, mu xakʼ ti oy buchʼu xjelav xchiʼuk yikatsik li ta temploe. 17 Xi chanubtasvane xchiʼuk xi laj yale: «Xi tsʼibabile: ‹Li jnae spasobil orasion sventa skotol jteklumetik chichʼ albel skʼoplal›.+ Pe li voʼoxuke apasojik xa ta xchʼen j-elekʼetik».+

13 Vaʼun, jutuk xa ox skʼan li Kʼin Koltael+ yuʼun judaetike, jech oxal muy batel ta Jerusalen li Jesuse. 14 Te la sta ta templo li jchonvakaxetike, li jchonchijetike, li jchonpalomaetike+ xchiʼuk te chotajtik la sta li jvokʼtakʼinetike. 15 Vaʼun, kʼalal laj xa ox stsʼot jlik chʼojone, la snuts lokʼel ta templo skotol li krixchanoetik xchiʼuk li xchijike xchiʼuk li xvakaxike, la stanibe stakʼin li jeltakʼinetike xchiʼuk la svalkʼunbe li xmexaike.+ 16 Xi laj yalbe li jchonpalomaetike: «¡Lokʼesik batel skotol li kʼusitik liʼe! ¡Mu xapasik ta chʼivit* li sna Jtote!».+ 17 Vul ta sjol yajchankʼoptak ti xi onoʼox tsʼibabile: «Xkoʼolaj kʼuchaʼal kʼokʼ xtiltun* ta koʼonton ta skoj ti oy tajek ta koʼonton li anae».+