31 Yuʼun li mukʼta ton yuʼunike mu xkoʼolaj kʼuchaʼal li Mukʼta Ton kuʼuntike,+

taje jech snaʼojik ek li kajkontratike.+

 2 Muʼyuk buchʼu yan chʼul jech kʼuchaʼal li Jeovae,

muʼyuk buchʼu yan, voʼot noʼox,+

muʼyuk yan mukʼta ton jech kʼuchaʼal li Jdiostike.+

33 Jaʼ jtsatsal pojobbail+ li melel Diose

xchiʼuk jaʼ tstukʼibtas li jbee.+

34 Jech chkʼot yuʼun kʼuchaʼal yakan teʼtikalchij li kakane;

te tsvaʼanun ti bu toyole.+

35 Chchanubtas ta paskʼop li jkʼobe;

li jkʼobe xuʼ yuʼun tslapʼun jun arko ti pasbil ta kovree.

36 Chavakʼbun li a-eskudo* sventa kolebale

xchiʼuk jaʼ tsmukʼibtasbun jkʼoplal+ ti bikʼit avakʼoj abae.

37 Voʼot chajam batel mas li jbe bu chkakʼ batel kakane;

muʼyuk bu chjaxpʼuj+ li kakane.*

38 Te tijil chibat ta spat li kajkontratak jaʼ to mi la jlajesike,

jaʼ to chisut tal mi laj xa ox jmilike.

39 Ta jlajesik xchiʼuk ta jyalesan ta lum sventa mu xa stotsik;+

ta jpechʼilanik ta tekʼel.

40 Voʼot chavakʼbun lek jtsatsal ta sventa li paskʼope;+

te jkʼeloj+ chyalik ta lum avuʼun li kajkontratake.

41 Chavakʼ jatavuk batel ta jtojolal*+ li kajkontratake;

ta jlajesbe skʼoplal* li buchʼutik spʼajojikune.+

42 X-avet tskʼanik koltael, pe muʼyuk buchʼu xuʼ xkoltaatik;

x-avetik ta stojolal Jeova xtok, pe muʼyuk bu chtakʼbatik.+

43 Nin tajek chkomik kuʼun ta noyel jech kʼuchaʼal li pukuk* oy ta balumile;

ta jlilin xchiʼuk ta jpechʼilan ta tekʼel jech kʼuchaʼal li achʼel oy ta kayetike.