• Isaias 41:7
    Xchʼul Kʼop Dios sventa Achʼ Balumil

    •  7 Jaʼ yuʼun, li buchʼu xtojob lek spasel kʼusitike tstsatsubtas li buchʼu chabtelan takʼine;+

      li buchʼu tsten ta martiyo li takʼine

      tstsatsubtas li buchʼu tsten takʼin ta stenobile.

      Xi chalbe li buchʼu tspakʼ takʼine: «Lek chkil une».

      Vaʼun, oy buchʼu tsbaj lek ta laux sventa mu xlom.

  • Isaias 46:6, 7
    Xchʼul Kʼop Dios sventa Achʼ Balumil

    •  6 Oy buchʼutik ti ixtol ta xaʼiik li oro ti te oy ta yavil yuʼunike;

      ta spʼisik ta kilo li platae.

      Ta stojik li buchʼu chabtelan takʼine, vaʼun ta spas-o ta jun dios li platae.+

      Laje, tskejan tspatan sbaik ta stojolal, ta xichʼik ta mukʼ.*+

       7 Ta skajan batel ta snekebik;+

      ta xkuchik batel xchiʼuk ta xakʼik ta yavil, vaʼun jecheʼ noʼox te vaʼal chkom.+

      Mi jaʼuk tsjel yavil, te chkom ti bu akʼate.

      Ta skʼoponik, pe mu xtakʼav;

      mu xpoj yuʼun li buchʼu chil svokole.+

  • Jeremias 10:3, 4
    Xchʼul Kʼop Dios sventa Achʼ Balumil

    •  3 Yuʼun jecheʼ noʼox* li kʼusitik nopem xaʼiik spasel li jteklumetike.

      Li buchʼu xtojob spasel kʼusitike ta xtuchʼ talel teʼ ta teʼtikaltik

      xchiʼuk tspas-o jun lokʼol.+

       4 Ta skʼupiltasik ta plata xchiʼuk ta oro+

      xchiʼuk tsbajbeik lek xlauxal ta martiyo sventa mu xlom.+