20 Ta tsʼakale, tsakat ta kʼop yuʼun li ajvalil Tilgat-Pilneser+ ta Asiriae, muʼyuk xkoltaat, kʼajomal noʼox akʼbat svokol.+ 21 Yuʼun li Akase laj yichʼ lokʼel li kʼusitik te oy ta sna Jeovae, li kʼusitik te oy ta sna* ajvalile+ xchiʼuk ta sna li bankilal j-abteletike, jaʼ laj yakʼbe ta smoton li ajvalil ta Asiriae; pe muʼyuk kʼusi stu ti jech la spase. 22 Manchuk mi oy svokol li ajvalil Akase, mas to muʼyuk tukʼ laj yakʼ sba ta stojolal li Jeovae.