• 2 Reyes 21:16
    Xchʼul Kʼop Dios sventa Achʼ Balumil

    • 16 Li Manasese maʼuk noʼox la sta-o smul ti la saʼ smul yuʼun li Juda kʼalal la spasik li kʼusi chopol ta sat Jeovae, yuʼun toj ep buchʼutik la smalbe xchʼichʼel ti muʼyuk smulike, jaʼ to ti kʼuxi noj ta chʼichʼ yuʼun sjunul li Jerusalene.+

  • Isaias 10:1, 2
    Xchʼul Kʼop Dios sventa Achʼ Balumil

    • 10 ¡Abol sbaik li buchʼutik chakʼik mantaletik ti chakʼ vokolile,+

      li buchʼutik nopajtik noʼox tstsʼibaik mantaletik ti chakʼbe svokol krixchanoetike,

       2 ti jaʼ sventa mu stsakik ta mukʼ li buchʼutik povreik ti tskʼanik chapanele,

      sventa mu xchapanik li buchʼutik abol sbaik ta jteklume,+

      sventa spojbeik kʼusitik oy yuʼunik li buchʼutik chamem smalalike

      xchiʼuk sventa chelkʼanbeik kʼusitik oy yuʼunik li buchʼutik chamem stotike!*+

  • Mateo 23:35
    Xchʼul Kʼop Dios sventa Achʼ Balumil

    • 35 Vaʼun, jech chkom ta abaik skotol li buchʼutik malem xchʼichʼelik ta sba balumil ti tukʼ echʼike, ti te lik tal ta xchʼichʼel li tukʼil Abel+ kʼalal to ta xchʼichʼel Sakarias ti jaʼ xnichʼon Barakiase, ti voʼoxuk te la amilik ta yeloval temploe, ta stsʼel skajleb matanal.+