Proverbios
2 Kuni nichʼon, mi chachʼam li kʼusitik chlokʼ ta kee
xchiʼuk mi chakʼej* kʼuchaʼal kʼulejal li jmantaltake,+
2 taje jaʼo kʼalal chatsʼetan achikin ta stojolal li pʼijilale+
xchiʼuk jaʼo kʼalal chajam avoʼonton sventa jamal xavil lek li kʼusitike;+
3 jech xtok, mi xavokolet ta skʼanel li yaʼibel smelolale+
xchiʼuk mi xa-avet ta skʼanel ti oyuk kʼusi lek xanabe skʼoplale,+
4 mi chasaʼilan-o kʼuchaʼal li platae,+
mi chasaʼilan-o kʼuchaʼal li kʼulejal ti mukule;+
5 vaʼun bi, chavaʼibe smelolal kʼuxi ta xiʼtael* li Jeovae+
xchiʼuk chavojtikin li Diose.+
6 Yuʼun jaʼ chakʼ jpʼijiltik li Jeovae;+
jaʼ chlokʼ tal ta ye li yojtikinobile xchiʼuk li yaʼibel smelolale.
7 Chakʼbe spʼijil li buchʼutik tukʼike;
chkʼot ta jun eskudo* ta stojolal li buchʼutik tukʼ yoʼontonike.+
8 Tskʼelbe sbe li buchʼutik tukʼike
xchiʼuk chchabibe sbe li buchʼutik tukʼ chakʼ sbaik ta stojolale.+
9 Vaʼun, chavaʼibe smelolal li tukʼilale, ti kʼusi tukʼe xchiʼuk ti kʼusi lek ta pasele,
chavaʼibe smelolal bu li tukʼil be skʼan xabate.+
10 Kʼalal ch-och ta avoʼonton li pʼijilale+
xchiʼuk kʼalal kʼupil sba chavaʼi li yojtikinobile,+
11 jaʼ chchabiot ti xatojob snopele+
xchiʼuk jaʼ chchabiot ti oy kʼusi lek xanabe skʼoplale,
12 tskoltaot sventa mu xatam batel li chopol bee,
tskoltaot lokʼel ta stojolal li vinik ti chopol kʼusitik chale,+
13 ta stojolal li buchʼutik chiktaik li tukʼil be
sventa jaʼ tstamik batel li sbelel ikʼal osile,+
14 ta stojolal li buchʼutik xmuyubajik ta spasel li kʼusi chopole,
ti xkuxet yoʼontonik ta loʼlavanej xchiʼuk ta spasel li kʼusi toj chopole,
15 ti muʼyuk tukʼ sbeike
xchiʼuk ti jaʼ stamojik batel ta sjunul xkuxlejalik li loʼlavaneje.
16 Tskoltaot lokʼel ta stojolal li jtoyba* antse,
ta stojolal li jmulavil* ants ti toj manya* kʼu yelan chkʼopoje,+
17 ti tsjip komel li smalal* ta stsebale+
xchiʼuk ti chchʼay ta sjol li strato spasoj xchiʼuk Sdiose.
18 Yuʼun li snae chmutʼij* yalel ta lajelal
xchiʼuk li sbetake te chkʼot ti bu oy li buchʼutik mu xa kʼusi stakʼ spasik ta lajelale.+
19 Mi junuk xa tsutik-o tal li buchʼutik chchiʼinike*
xchiʼuk muʼyuk xa tstaik yan velta li sbelel kuxlejale.+
20 Jaʼ yuʼun, te xabat ta sbe li buchʼutik lekike
xchiʼuk jaʼ xatambe-o batel sbe li buchʼutik tukʼike.+
21 Yuʼun jaʼ noʼox chnakiik ta balumil li buchʼutik tukʼike