Proverbios
28 Li buchʼutik toj chopolike chjatavik akʼo mi chʼabal nutsbilik,
yan li buchʼu tukʼike jun tajek yoʼontonik jech kʼuchaʼal jkot leon.*+
2 Kʼalal tspas smulik* li jnaklejetik ta lume, chjelilan noʼox li ajvalil yuʼunike,+
pe ta skoj ti chkoltavan li jun vinik ti oy kʼusi snabe lek skʼoplale xchiʼuk ti oy yojtikinobil yuʼune, jal tajek te chkom-o li jun ajvalile.+
3 Li povre vinik ti tsloʼla li buchʼu abol sbae+
xkoʼolaj kʼuchaʼal tsbekʼ* batel skotol veʼlil kʼalal chakʼ voʼe.
4 Li buchʼutik muʼyuk chchʼunik li mantale jaʼ tskʼupil kʼoptaik li buchʼu toj chopole,
pe li buchʼutik chchʼunik li mantale chkap tajek sjolik ta stojolal li buchʼutik muʼyuk chchʼunik mantale.+
5 Li buchʼutik toj chopolike mu xaʼibeik smelolal li kʼusi tukʼe,
yan li buchʼutik tsaʼik li Jeovae xaʼibeik smelolal skotol.+
6 Jaʼ mas lek mi povre noʼox li jun vinik mi oy stukʼil yoʼontone,
jaʼ altik mi jkʼulej li jun vinik mi muʼyuk stukʼil li kʼusitik tspase.*+
7 Li jun nichʼonil ti xaʼibe smelolale chchʼun li mantale,
pe jaʼuk li buchʼu jaʼ chchiʼin li buchʼu mu x-echʼ yoʼonton ta veʼele chakʼ ta kʼexlal li stote.+
8 Li buchʼu chepajes skʼulejal ta skoj ti toyol tajek tskʼanbe sjol stakʼine+
jaʼ tstsob ta sventa li buchʼu snaʼ xkʼuxubin li povreetike.+
10 Li buchʼu chikʼ batel ta chopol be li buchʼu tukʼe jaʼ te ch-och li ta petsʼ ti yakʼoj stuke,+
yan li buchʼutik muʼyuk smulike jaʼ chrextoinik* li kʼusi leke.+
11 Li jkʼulej vinike pʼij chaʼi sba,+
yan li buchʼu abol sba ti oy kʼusi xaʼibe lek smelolale xuʼ xil ta melel kʼu yelan li jkʼulej vinike.+
12 Kʼalal tspas kanal li buchʼutik tukʼike, chmuyubaj li jteklume,
pe kʼalal chichʼ sjuʼel li buchʼutik toj chopolike, chbat snakʼ* sba li krixchanoetike.+
13 Li buchʼu tsmuk smule muʼyuk kʼusi lek chkʼot ta stojolal,+
pe li buchʼu chal ta jamale xchiʼuk ti chikta spasele chichʼ kʼuxubinel.+
14 Xmuyubaj noʼox li vinik ti skotol ora xiʼtaoj* Diose,
pe buchʼuuk noʼox ti tsyijubtas yoʼontone ta sta svokol.+
15 Li jun ajvalil ti toj chopol ti sventainoj jun jteklum ti mu xpak yuʼun skʼoplale+
xkoʼolaj kʼuchaʼal jkot leon ti xloket snukʼe* xchiʼuk jkot oso ti chvochʼivane.
16 Li jnitvanej ti mu kʼusi xaʼibe lek smelolale ch-ilbajinvan ta skoj ti oy yabtele,+
pe jal ta xkuxi li buchʼu spʼajoj ti chloʼlavan sventa tspas kanal takʼine.+
17 Li vinik ti jaʼ ta smul ti oy buchʼu* chame jech-o chjatav jaʼ to mi bat ta mukinale.*+
Mu me buchʼu skolta.
18 Li buchʼu chʼabal spaltail* kuxule ta xkol,+
pe li buchʼu xotxot sbee ta anil noʼox chyal ta lum.+
19 Li buchʼu chabtelan yosile tsta ep span,
pe li buchʼu jaʼ noʼox tsaʼ li kʼusitik muʼyuk sbalile tspas tajek ta povre.+
20 Li jun tukʼil vinike tsta epal bendision,+
yan li buchʼu anil tskʼan tspas ta jkʼuleje ta onoʼox spas smul.+
21 Mu lekuk ti tʼujbil noʼox yajval buchʼu lek chkiltike;+
pe li jun vinike xuʼ oy kʼusi chopol spas ta skoj noʼox jxetʼuk pan.
22 Li jun vinik ti xpichʼet yoʼontone solel tskʼan tajek li kʼulejale,
pe mu snaʼ ti chvul ta stojolal li povreale.
23 Buchʼuuk noʼox ti tstukʼibtas li jun vinike+ mas lek ch-ilat ta tsʼakal,+
jaʼ muʼyuk li buchʼu lek xa kʼusi chlokʼ ta ye yilele.
24 Buchʼuuk noʼox ti oy kʼusi chelkʼanbe stot smeʼ xchiʼuk ti xi chale: «Muʼyuk chopol»,+
jaʼ xchiʼil li vinik ti chakʼ vokolile.+
25 Li buchʼu xpichʼet yoʼontone* tslikes kʼop,
yan li buchʼu tspat yoʼonton ta stojolal Jeovae ch-epaj kʼusitik yuʼun.*+
27 Buchʼuuk noʼox ti oy kʼusi chakʼbe li povree muʼyuk kʼusi tspas palta yuʼun,+
yan li buchʼu tsmutsʼ sat ta stojolalike chichʼ tajek chopol kʼoptael.