Proverbios
19 Mas lek mi oy stukʼil koʼontontik akʼo mi povreutike,+
2 Muʼyuk lek mi muʼyuk yojtikinobil yuʼun li jun krixchanoe*+
xchiʼuk li buchʼu anil noʼox kʼusitik tspase* yakal tspas smul.
3 Ta skoj sbolil stuk li jun vinike, tsokes li sbee,
vaʼun ch-ilin ta stojolal Jeova li yoʼontone.
4 Ep tajek yamigotak li buchʼu jkʼuleje,
yan li buchʼu povree ch-iktaat yuʼun kʼalal ta yamigo.+
5 Persa chichʼ kastigo li jecheʼ testigoe+
xchiʼuk li buchʼu chloʼlavan skotol orae muʼyuk kolem chkom.+
6 Ep buchʼutik chkʼot ta yamigo li buchʼu lek yoʼontone*
xchiʼuk skotolik tskʼan chamigoinik li buchʼu chakʼ matanaletike.
Te xtijet* ta spatik sventa tskʼanbe vokol, pe mi junuk buchʼu xtakʼav.
8 Buchʼuuk noʼox ti tskʼan tsaʼ spʼijile* skʼanoj sba stuk,+
buchʼuuk noʼox ti ep sbalil chil ti oy kʼusi lek snabe skʼoplale lek kʼusi chkʼot ta stojolal.+
9 Persa chichʼ kastigo li jecheʼ testigoe
xchiʼuk li buchʼu chloʼlavan skotol orae chlaj skʼoplal.+
10 Mu sta-o ti toj echʼem kʼusitik oy yuʼun li buchʼu bole;
¡mas to mu sta-o ti jaʼ sventain bankilaletik li jun jtunele!+
11 Li spʼijil jun vinike jaʼ chkoltaat sventa mu xlik ta anil skʼakʼal yoʼonton+
xchiʼuk tsta-o ichʼel ta mukʼ ta skoj ti mu stsak ta mukʼ* li kʼusi chopol tspasbate.*+
12 Li skapemal sjol jun ajvalile xkoʼolaj kʼuchaʼal jkot leon* ti xloket snukʼe,*+
pe li slekil yoʼontone xkoʼolaj kʼuchaʼal tsʼujul ta sba tsʼiʼleltik.
13 Chakʼbe svokol stot li bol nichʼonile+
xchiʼuk li jsaʼkʼop ajnilale* xkoʼolaj kʼuchaʼal jol na ti te noʼox stsʼujtsʼun-o chyal voʼe.+
14 Li nae xchiʼuk li kʼulejale jaʼ chakʼik komel ta rextoil* li totiletike,
pe li pʼijil ajnilale jaʼ chakʼ li Jeovae.+
16 Li buchʼu chchʼun mantale chchabi li xkuxlejale;+
li buchʼu muʼyuk spʼijil kʼusi tspas ta xkuxlejale chcham.+
17 Li buchʼu tskolta li povree oy kʼusi chakʼbe ta chʼom li Jeovae+
xchiʼuk jaʼ chtojbat sutel* yuʼun Dios ta skoj li kʼusi tspase.+
19 Persa chichʼ kastigo li buchʼu anil snaʼ x-iline;
mi chakʼan chapoje, ep ta velta skʼan jech xapoj.+
21 Ep kʼusi snopoj ta yoʼonton tspas li jun vinike,
pe li tojobtasel yuʼun* Jeovae jaʼ muʼyuk chlaj-o skʼoplal.+
22 Li kʼusi kʼupil sba yuʼun li jun vinike jaʼ li tukʼil kʼanelal yuʼune.+
Mas lek mi povreutike, jaʼ muʼyuk lek mi jutkʼoputike.*
23 Li xiʼtael* Jeovae ch-ikʼvan batel ta kuxlejal;+
li buchʼu xiʼtaoje jun yoʼonton chkux, muʼyuk kʼusi chopol chvul ta stojolal.+
24 Li chʼajil krixchanoe tstikʼ ochel skʼob li ta setsʼal* veʼlile,
pe mi jaʼuk chakʼ persa tstikʼ ochel ta ye li sveʼele.+
25 Majo li jlabanvaneje,+ vaʼun ta xpʼijub li buchʼu muʼyuk spʼijile+
xchiʼuk tukʼibtaso li buchʼu xaʼibe smelolal sventa x-epaj li yojtikinobil yuʼune.+
26 Li buchʼu chilbajin stote xchiʼuk ti tsnuts lokʼel smeʼe
jaʼ jun kerem ti ch-akʼvan ta kʼexlal xchiʼuk ta vokole.+
27 Kuni nichʼon, mi laj avikta xchikintael li tukʼibtasele,
chakʼejpʼuj* lokʼel ta sbelel li yojtikinobile.