Salmos
78 Jteklumal, chikintao li jmantale;*
tsʼet chikintao li kʼusitik chlokʼ ta kee.
2 Ta jam ke ta yalel pʼijil loʼil.
Chkalbe skʼoplal li kʼusitik mukul skʼoplal ta voʼnee.+
3 Li kʼusitik kaʼiojtik xchiʼuk jnaʼojtike,
ti jaʼ yalojbutik skʼoplal li jtotike,+
4 muʼyuk ta jmukbetik skʼoplal ta stojolal li xnichʼnabike;
ta xkalbetik yaʼiik li jkʼol kuxlejal chtal+
li kʼusitik spasoj Jeova ti sta-o kʼupil kʼoptaele xchiʼuk li stsatsale,+
li kʼusitik labalik sba spasoje.+
5 Jaʼ laj yakʼ jun mantal ta stojolal Jakob
xchiʼuk laj yakʼ jun mantal li ta Israele;
laj yalbe jmoltotaktik
ti xakʼbeik snaʼ xnichʼnabik li kʼusitik taje,+
6 sventa xojtikinik li jkʼol kuxlejal chtale,
li alab nichʼnabiletik ti jaʼ to chvokʼike.+
Li stukik eke ta xalbeik batel li yalab xnichʼnabike.+
7 Vaʼun, tspat yoʼontonik ta stojolal Dios.
8 Vaʼun, mu jechuk tspasik kʼuchaʼal li smoltotakike,
jkʼol kuxlejal ti pimik ta mantale xchiʼuk ti jtoybaetike,+
jkʼol kuxlejal ti xtal xbat* yoʼontonike+
xchiʼuk ti muʼyuk tukʼ laj yakʼ sbaik ta stojolal li Diose.
9 Li snitilulal Efraine chapalik xa ox xchiʼuk s-arkoik,
pe jatavik sutel li ta skʼakʼalil paskʼope.
11 Jech xtok, la xchʼay ta sjolik li kʼusi la spase,+
li kʼusitik labalik sba la spas ti akʼbat yilike.+
12 Toj labalik sba kʼusitik la spas ti te yiloj
li smoltotakik+
li ta slumal Ejiptoe, li ta yosilal Soane.+
13 La xchʼak li nab sventa te xjelavik yuʼune
xchiʼuk xkoʼolaj kʼuchaʼal jun muro kom yuʼun li voʼe.+
14 Li ta kʼakʼaltike, la sbeiltas batel ta jvol tok
xchiʼuk li ta sjunul akʼobale, la sbeiltas batel ta xojobal kʼokʼ.+
15 La svokʼ mukʼta tonetik li ta takixokol balumile,
laj yakʼbe yuchʼik voʼ ti xkoʼolaj kʼuchaʼal chuchʼik ta natil voʼe.+
16 Laj yakʼ lokʼuk voʼ li ta tayal tone
xchiʼuk bein lokʼel tal yuʼun voʼ kʼuchaʼal ukʼum.+
17 Pe jech-o la saʼ smulik ta stojolal,
li ta takixokol balumile la stoy sbaik ta stojolal li Buchʼu toj toyol oye;+
18 laj yakʼik ta preva ta yoʼontonik li Diose,+
la skʼanbeik ta persa li kʼusi tskʼan tslajesike.
19 Jaʼ yuʼun, la xchopol kʼoptaik li Diose,
xi laj yalike: «¿Mi xuʼ xakʼ veʼlil* ta takixokol balumil li Diose?».+
20 ¡Kʼelavilik! La smaj jpʼej mukʼta ton
sventa xlokʼ tal voʼ te xchiʼuk ti xbein lokʼel tal ukʼume.+
Akʼo mi jech, xi laj yalike: «¿Mi xuʼ van xakʼbutik pan xtok
o mi xuʼ van xakʼbe bekʼet li steklumale?».+
21 Ilin kʼalal laj yaʼi li Jeovae;+
laj yakʼ tsanuk kʼokʼ+ ta stojolal li Jakobe
xchiʼuk tsan skʼakʼal yoʼonton ta stojolal li Israele.+
22 Yuʼun muʼyuk laj yakʼ xchʼunel yoʼontonik ta stojolal Dios;+
muʼyuk la spat yoʼontonik ti xuʼ yuʼun xkoltaatike.
23 Jech oxal, laj yalbe mantal li tayal vinajel ti makal ta toke
xchiʼuk la sjambe stiʼtak li vinajele.
25 Li krixchanoetike la slajesik li span anjeletike;*+
ep laj yakʼanbe, jaʼ to ti kʼuxi echʼ yoʼontonike.+
26 Ta skoj sjuʼel li Diose, xjumumet yuʼun likel li ikʼ ta slokʼeb kʼakʼal ta vinajele
xchiʼuk xjumumet yuʼun li ikʼ ta sure.+
27 Xlamet* noʼox vulel yuʼun bekʼet ta stojolalik jech kʼuchaʼal pukuk,*
sbuset noʼox vulel mutetik kʼuchaʼal jiʼtik* ta tiʼ nab.
28 Te vul yaluk yuʼun ta oʼlol ti bu spasoj skarpanaike,
ta sjunul li spat xokon skarpanaike.
29 La slajesik xchiʼuk echʼ yoʼontonik;
li Diose laj yakʼbe li kʼusi tskʼan yoʼontonike.+
30 Pe kʼalal mu toʼox ch-echʼ lek yoʼontonike,
kʼalal te to skatsʼoj li sveʼelike,
31 tsan skʼakʼal yoʼonton Dios ta stojolalik.+
La smil li viniketik ti mas tsotsik yuʼunike;+
la sjip ta lum li keremetik ta Israele.
32 Akʼo mi jech kʼot ta pasel, laj to saʼ mas smulik+
xchiʼuk muʼyuk laj yakʼ xchʼunel yoʼontonik ta sventa li kʼusitik labalik sba spasoje.+
33 Jaʼ yuʼun, laj yakʼbe slajeb ti jayib kʼakʼal kuxulik ti xkoʼolaj kʼuchaʼal jun noʼox velta yichʼel ikʼe+
xchiʼuk ti jayib jabil kuxulike laj ta skoj li vokolil ti anil vule.
34 Pe kʼalal chmilatik jlom yuʼun Diose, chakʼik persa saʼel;+
tsutik ta stojolal xchiʼuk tsaʼik.
35 Chvul ta sjolik ti jaʼ kʼotem ta Mukʼta Ton yuʼunik li Diose+
xchiʼuk ti jaʼ Jpojvanej* yuʼunik li Dios ti toj toyol oye.+
36 Pe laj ox sloʼla yalojik ta yeik
xchiʼuk laj ox sjutbeik kʼop* yalojik ta yokʼik.
37 Muʼyuk staoj-o yav yoʼontonik ta stojolal;+
xchiʼuk muʼyuk tukʼ laj yakʼ sbaik ta sventa li stratoe.+
38 Yan li stuke oy xkʼuxul yoʼonton;+
laj yakʼbe ta perton* li smulike xchiʼuk muʼyuk la stupʼbe skʼoplalik.+
Ep ta velta la stsʼik li skʼakʼal yoʼontone,+
muʼyuk la slokʼes skotol li skapemal sjole.
39 Yuʼun vul ta sjol ti jaʼik noʼox bekʼete,+
ti xkoʼolajik kʼuchaʼal ikʼ ti xjumumet ch-echʼe xchiʼuk ti muʼyuk xa tsut tale.*
40 ¡Solel ep ta velta la stoy sbaik ta stojolal ta takixokol balumil+
xchiʼuk la syayijesbeik yoʼonton li ta takixokol balumile!+
41 Ep ta velta laj yakʼik ta preva li Diose+
xchiʼuk laj yakʼbeik yatel yoʼonton* li Buchʼu chʼul yuʼun Israele.
42 Muʼyuk la svules ta sjolik li sjuʼele,*
li skʼakʼalil kʼalal pojatik* lokʼel ta stojolal li jkontrainvaneje,+
43 ti kʼu yelan laj yakʼ ta ilel senyailtak li ta Ejiptoe+
xchiʼuk li skʼelobiltak juʼelal la spas ta yosilal Soane,
44 xchiʼuk ti kʼu yelan la skʼatajes ta chʼichʼ ti butik chbein li Niloe,+
jaʼ yuʼun li j-ejiptoetike muʼyuk laj yuchʼbeik
yaʼlel li yukʼumike.
46 Laj yakʼ ti lilinbatuk yuʼun kʼulubetik li kʼusitik chlokʼ ta yosilike,
li kʼusitik stsʼunojike laj ta epal kʼulub.+
47 La slajesbe ta bot li steʼeltak s-uvaike+
xchiʼuk laj ta bot li sikomoro teʼetik yuʼunike.
48 La smilbe ta bot li j-ikatsnom chonbolometik yuʼunike,+
49 Laj yakʼ tal ta stojolalik li skʼakʼal yoʼonton ti xtiltun tajeke,
laj yakʼ tal skapemal sjol, stiʼemal sjol, vokolil
xchiʼuk jtsop anjeletik ti chakʼik vokolile.
50 La slokʼes skotol* li skʼakʼal yoʼontone.
Muʼyuk la spoj lokʼel li ta lajelale;
jech xtok, la smil ta tsatsal chamel.
51 Ta slajeb xa une, la smil skotol li sba nichʼoniletik ta Ejiptoe,+
li buchʼutik baʼyel vokʼik li ta karpanaetik ta Kame.
52 Vaʼun, la slokʼes tal kʼuchaʼal jtsop chij li steklumale+
xchiʼuk la sbeiltas kʼuchaʼal chijetik li ta takixokol balumile.
55 Te skʼelojik kʼalal la snuts lokʼel li mukʼtik lumetike;+
laj yakʼbe xrextoinik* ti bu pʼisbil ta chʼojone;+
te laj yakʼ nakluk ta snaik li nitilulaletik ta Israele.+
56 Pe jech-o laj yakʼik ta preva xchiʼuk la stoy sbaik ta stojolal+ li Dios ti toj toyol oye;
muʼyuk la stsʼet chikintabeik li smantaltake.+
57 Jech xtok, namajik xchiʼuk jech valopatinvanik kʼuchaʼal li smoltotakike.+
Mu stakʼ jpat koʼontontik ta stojolalik jech kʼuchaʼal jun arko ti yochol yakʼile.+
58 Jech-o la sabeik skapemal sjol ta skoj li tayal kʼopojebaletik* yuʼunike+
xchiʼuk la sabeik skʼakʼal yoʼonton* ta skoj ti spasojik lokʼoletike.+
59 Kʼalal laj yil li Diose, ilin-o,+
jaʼ yuʼun la spʼaj ta j-echʼel li Israele.
61 Laj yakʼ ti xichʼ pojel batel li senyail stsatsale;
laj yakʼbe ta skʼob jkontrainvanej li smukʼulale.+
62 Laj yakʼ ti xichʼik milel ta espada+ li steklumale
xchiʼuk ilin ta stojolal li xrextoe.*
63 Kʼakʼik ta kʼokʼ li skeremtakike
xchiʼuk muʼyuk kʼejintabatik kʼejimoletik sventa nupunel li stojol tsebetakike.*
65 Vaʼun, li Jeovae julav ti xkoʼolaj kʼuchaʼal vayem toʼoxe,+
xkoʼolaj kʼuchaʼal jun tsatsal vinik+ ti jaʼ to chjulav ta skoj ti ep tajek laj yuchʼ vinoe.
66 Jech xtok, la snuts sutel li yajkontratake;+
laj yakʼan ta kʼexlal ta sbatel osil.
67 La spʼaj li snitilulal Josee;
muʼyuk la stʼuj li snitilulal Efraine.
69 La svaʼan ti bu chʼul yuʼun ti te oy-o kʼuchaʼal vinajele,*+
kʼuchaʼal li balumil ti snakanoj ta sbatel osile.+