Proverbios
25 Liʼ xtoke jaʼ pʼijil loʼiletik yuʼun Salomon+ ti jaʼ la slokʼtaik* li sviniktak Esekiase,+ li ajvalil ta Judae:
2 chichʼ mukʼibtasbel-o skʼoplal Dios ta skoj ti oy kʼusitik mukul yuʼune,+
chichʼ mukʼibtasbel-o skʼoplal ajvaliletik kʼalal tsabeik lek smelolal li yojtikinobile.
3 Jech kʼuchaʼal toj toyol oy li vinajele xchiʼuk ti toj nat xyal li balumile,
jaʼ jech li yoʼonton ajvaliletike mu xa noʼox stakʼ aʼibel smelolal.
4 Lokʼesbo yikʼobal li platae,
vaʼun lek xa sak chkom.+
5 Lokʼeso batel ta yeloval ajvalil li buchʼu toj chopole,
vaʼun li xchotleb sventa ajvalile lek nakal chkom ta skoj tukʼilal.+
6 Mu xatoy akʼoplal atuk ta yeloval li ajvalile+
xchiʼuk mu teuk xbat chotlan ti bu yavil li buchʼutik tsots skʼoplalike.+
7 Yuʼun mas lek mi xi chalbot stuke: «Laʼ chotlan liʼe»,
jaʼ muʼyuk lek mi laj yakʼot ta kʼexlal ta yeloval li buchʼu tsots yabtele.+
8 Mu ta aniluk xbat akʼan chapanel ta snail chapanobbail,
yuʼun ¿kʼusi chapas mi laj yakʼ ta ilel achiʼil ti mu meleluk li kʼusi chavale?+
9 Chapano akʼopik xchiʼuk li achiʼile,+
pe mu xaval li kʼusi laj yalbot ti mu stakʼ alel batele,*+
10 yuʼun li buchʼu chaʼie ta xakʼot ta kʼexlal
xchiʼuk li kʼusi chopol chapuk batele* mu xa stakʼ tsobel sutel tal.
11 Kʼalal oy kʼusi lek chichʼ alel ta yorail noʼoxe,
xkoʼolaj kʼuchaʼal slokʼol mantsanaetik ta oro ti te lokʼtabil ta lechlech plato ti pasbil ta platae.+
12 Li jun pʼijil jtukʼibtasvaneje xkoʼolaj kʼuchaʼal arete pasbil ta oro xchiʼuk ta natsʼiletik pasbil ta lekil oro,
jaʼ jech ta xkʼot ta stojolal li buchʼu lek snaʼ xchikintae.+
13 Li jun tukʼil j-almantale xkoʼolaj kʼuchaʼal sikil uchʼbol* kʼalal chichʼ tsobel li sat tsʼunobile,
jaʼ jech chaʼiik li buchʼutik la stakik batele,
yuʼun jaʼ tsikubtasbe yoʼonton li yajvale.+
14 Jech kʼuchaʼal tok xchiʼuk ikʼ ti muʼyuk chkuch talel voʼe,
jaʼ jech li jun vinik ti xtoyet xa chaʼi sba ta skoj jun matanal ti muʼyuk yakʼoje.*+
15 Ta skoj li smalaele, xuʼ xichʼ tsalel jun komandante
xchiʼuk li lekil kʼopojele xuʼ skʼas yuʼun jun bak.+
16 Mi oy bu la ata pome, mu me toj epuk xaloʼ,
yuʼun xuʼ xaxeta lokʼel mi toj ep la alajese.+
17 Mu me teuk xavaʼvun ta sna achiʼil
sventa mu x-echʼ yoʼonton avuʼun xchiʼuk sventa mu spʼajot.
18 Li jun vinik ti jecheʼ tstikʼbe smul xchiʼile
xkoʼolaj kʼuchaʼal jtel teʼ sventa paskʼop, jun espada xchiʼuk jun flecha ti lek tsʼubtsʼub sniʼe.+
19 Mi ta jpat koʼontontik ta stojolal li buchʼu chvalopatinvan komel ta yorail vokolile,
xkoʼolaj kʼuchaʼal tanal eil ti kʼaseme xchiʼuk jun akanil ti mu xtekʼij leke.
20 Kʼalal chichʼ kʼejintabel junuk son li buchʼu chat yoʼontone,
xkoʼolaj kʼuchaʼal oy buchʼu ta jlokʼbetik skʼuʼ spokʼ kʼalal yorail sike
xchiʼuk xkoʼolaj kʼuchaʼal chichʼ akʼbel pajal vino li vikarvonatoe.+
21 Mi chviʼnaj li avajkontrae,* akʼbo sveʼ pan;
mi chaʼi takitiʼile, akʼbo yuchʼ voʼ,+
22 yuʼun mi jech chapase, ta xatokanbe tsanal akʼal ta sjol,*+
vaʼun tstojbot sutel li Jeovae.
23 Li ikʼ chlik talel ta nortee chichʼ talel tsatsal voʼ
xchiʼuk li eil ti lek xaʼi xloʼiltavane chakʼbe skʼakʼal yoʼonton yantik.+
24 Jaʼ mas lek mi ta xchikin jol na nakalutike,
jaʼ muʼyuk lek mi koʼol nakalutik xchiʼuk jun ajnilal ti lek saʼkʼope.*+
25 Li lekil aʼyej chlik talel ta namal lume
xkoʼolaj kʼuchaʼal sikil voʼ ta stojolal li buchʼu* chaʼi takitiʼile.+
26 Li jun tukʼil krixchano ti chakʼ sba ta tsalel* ta stojolal li buchʼu toj chopole
xkoʼolaj kʼuchaʼal nioʼ ti noj ta achʼele xchiʼuk xkoʼolaj kʼuchaʼal poso ti noj ta ikʼobale.
28 Li vinik ti mu xpaj yuʼun skapemal sjole
xkoʼolaj kʼuchaʼal jun jteklum ti jinem smuroale.+