OSEAS
1 Li ta skʼakʼalil Usias,+ Jotan,+ Akas+ xchiʼuk Esekias+ ti jaʼ ajvaliletik ta Judae+ xchiʼuk li ta skʼakʼalil Jeroboan+ ti jaʼ xnichʼon Joas,+ ti jaʼ ajvalil ta Israele, li Jeovae oy kʼusi laj yalbe Oseas* ti jaʼ xnichʼon Beerie. 2 Kʼalal lik kʼopojuk Jeova ta stojolal Osease, xi albat yuʼun li Jeovae: «Batan, bat nupunan xchiʼuk jun jchonbail* ants ti chil yalab ta skoj ti chmulivaje, yuʼun li jnaklejetik ta balumile xkoʼolaj kʼuchaʼal chmulivajik ta skoj ti muʼyuk tukʼ laj yakʼ sbaik ta stojolal li Jeovae».+
3 Jaʼ yuʼun, bat xchiʼuk laj yikʼ Gomer ti jaʼ stseb Diblaime, vaʼun la xchiʼin yol; vokʼ jun skeremik.
4 Laj une, xi albat yuʼun li Jeovae: «Jesreel* xavakʼbe sbi, yuʼun poʼot xa xkakʼbe stoj smul li snitilulal Jeu+ ta skoj ti la smalik chʼichʼ ta Jesreele xchiʼuk chkakʼbe slajeb li ajvalilal* ta Israele.+ 5 Li vaʼ kʼakʼale, ta jkʼasbe s-arko Israel li ta stenlejaltik Jesreele».
6 La xchiʼin yol yan velta, vaʼun jaʼ jun uni tseb. Xi albat yuʼun Dios li Osease: «Lo-Ruama* xavakʼbe sbi, yuʼun muʼyuk xa ta jkʼuxubin+ li jteklum Israele, yuʼun ta jnamajesik batel.+ 7 Pe ta jkʼuxubin li jteklum Judae,+ voʼon ta jkolta, voʼon li Jeova Diosun yuʼune;+ maʼuk ta arko ta jkoltaik-o, mi jaʼuk ta espada, mi jaʼuk ta paskʼop, mi jaʼuk ta kaʼetik xchiʼuk mi jaʼuk ta stojolal viniketik ti kajajtik ta kaʼe».+
8 Li Gomere laj yiktabe xchuʼ li Lo-Ruamae, vaʼun laj to xchiʼin yol; laj yil yan skerem. 9 Vaʼun, xi laj yal li Diose: «Lo-Ammi* xavakʼbe sbi, yuʼun maʼuk xa jteklumaloxuk xchiʼuk maʼuk xa Adiosikun.
10 »Ti kʼu yepal li xnichʼnab j-israeletike chkʼotik jech kʼuchaʼal jiʼtik* ta nab ti mu stakʼ pʼisel xchiʼuk ti mu stakʼ chapele.+ Xchiʼuk ti bu xi laj kalbeike: ‹Li voʼoxuke maʼuk jteklumaloxuk›,+ xi chichʼ albel skʼoplalike: ‹Xnichʼnab kuxul Dios›.+ 11 Chichʼik tsobel li krixchanoetik ta Juda xchiʼuk ta Israel sventa jmoj oyikuke+ xchiʼuk tstʼuj stukik jun jolil yuʼunik xchiʼuk chlokʼik tal li ta jteklume, yuʼun toj echʼ xa noʼox labal sba ta sventa Jesreel+ li vaʼ kʼakʼale.
2 »Xi xavalbeik li abankil avitsʼintake: ‹¡Jteklumal!›*+
xchiʼuk xi xavalbeik li avix avixleltake: ‹¡Ants ti kʼuxubinbilote!›.*+
2 Tikʼbeik smul li ameʼike, tikʼbeik smul,
yuʼun maʼuk xa kajnil+ xchiʼuk maʼuk xa smalalun.
Skʼan xa xikta ti chchon sbae*
xchiʼuk skʼan mu xa sloʼla li snup xchiʼile.
3 Mi moʼoje, voʼon ta jlokʼbe li skʼuʼ spokʼe xchiʼuk tʼanal chkikta jech kʼuchaʼal vokʼe,
ta xkʼot kuʼun kʼuchaʼal takixokol balumil,
ta jpas ta takin balumil
xchiʼuk ti xcham ta takitiʼile.
4 Jech xtok, muʼyuk ta jkʼuxubinbe li yalabe,
yuʼun jaʼ yalab ta skoj ti chchon sbae.*
5 Yuʼun mulivajem* li smeʼike.+
Li buchʼu chiʼinatik ta xchʼute toj kʼexlal sba kʼusi spasoj,+ yuʼun xi laj yale:
‹Te tijil chibat ta stojolal li jmalaltake,+
ti jaʼ chakʼbeikun jpan xchiʼuk kaʼale,
ti jaʼ chakʼbeikun li jtsotse* xchiʼuk li jlinoe, li j-aseitee xchiʼuk li kuchʼbole›.
6 Jaʼ yuʼun, ta jmakbe ta chʼixtik li sbee;
xchiʼuk ta jvaʼan ta yeloval jun muro ti pasbil ta tone,
jech muʼyuk xa tsta jelavel li sbee.
7 Tijil chbat ta anil ta spat li smalaltake, pe muʼyuk bu tsta ta be;+
ta saʼ, pe muʼyuk ta sta.
Vaʼun, xi chale: ‹Chisut batel ta stojolal li baʼyel jmalale,+
yuʼun mas toʼox lek oyun kʼalal te toʼox jchiʼuke, avie mu xa jechuk›.+
8 Muʼyuk laj yakʼ venta ti voʼon laj kakʼbe li sat tsʼunobile,+ li achʼ vinoe xchiʼuk li aseitee
xchiʼuk ti voʼon kakʼojbe li epal platae
xchiʼuk li oro ti la stunesik sventa xichʼik ta mukʼ li Baale.+
9 ‹Jaʼ yuʼun, chisut batel xchiʼuk ta jpojbe sutel li sat jtsʼunob ti chlokʼ ta yoraile
xchiʼuk li achʼ vino kuʼun ti chlokʼ ta yoraile,+
jech xtok, ta jochbe sutel li jtsotse* xchiʼuk li jlino ti jaʼ toʼox xpixoj-o sbekʼtale.
10 Li avi une, chkakʼ ta ilel ta stojolal smalaltak li sbekʼtal butik nakʼale*
xchiʼuk mi junuk vinik xuʼ spoj lokʼel li ta jkʼobe.+
11 Ta jchʼaybe skʼoplal skotol li xkuxetel yoʼontone,
li kʼinetik yuʼune,+ li jujun achʼ luna* yuʼune, li savadoetik yuʼune xchiʼuk skotol li stsobajel ti tsotsik skʼoplale.
12 Jech xtok, ta jlajesbe li steʼeltak s-uvae xchiʼuk li steʼeltak s-igo ti xi laj yalbe skʼoplal li antse:
«Taje jaʼ jtojol yakʼojbeikun li jmalaltake»;
ta jkʼatajesbe ta teʼtikaltik
xchiʼuk jaʼ chtal sloʼik li teʼtikal chonbolometike.
13 Ta xkakʼbe stoj smul ta skoj ti kʼu sjalil laj yakʼbe milbil matanal li slokʼol Baale,+
kʼalal tskʼupiltas sba ta arete* xchiʼuk ta natsʼiletike xchiʼuk ti chbat sta li smalaltake,
vaʼun voʼon la xchʼayun ta sjol›,+ xi laj yal li Jeovae.
14 ‹Jaʼ yuʼun, ta jtijbe yoʼonton,
chkikʼ batel ta takixokol balumil
xchiʼuk ta jchiʼin ta loʼil sventa xikʼot ta yoʼonton.
15 Li vaʼ kʼakʼale, chkakʼbe sutel ti butik tsʼunbil s-uvae+
xchiʼuk ch-echʼ batel ta stenlejaltik Akor+ sventa x-och li ta yosilal spatobil oʼontonale;
jaʼ te tstakʼbun kʼuchaʼal la stakʼ ta stsebale,
jech kʼuchaʼal kʼalal lokʼ tal li ta yosilal Ejiptoe.+
17 ‹Muʼyuk xa chkakʼ ti xalbe sbi li slokʼoltak Baale+
xchiʼuk muʼyuk xa buchʼu tsvulesbe ta sjol li sbie.+
18 Li vaʼ kʼakʼale, ta jpas jun trato sventa jteklumal xchiʼuk li teʼtikal chonbolometike,+
li mutetik ta vinajele xchiʼuk li kʼusitik xkilet chanavik ta lumtike;+
ta jlajesbe skʼoplal ta balumil li arkoe, li espadae xchiʼuk li paskʼope+
19 Chkakʼ ke ta atojolal ta sbatel osil;
chkakʼ ke ta atojolal ta skoj li tukʼilale,
li tukʼil kʼanelale xchiʼuk li kʼuxubinele.+
20 Chkakʼ ke ta atojolal ta skoj ti tukʼ chkakʼ jbae
xchiʼuk chavojtikinun ta melel ti voʼon Jeovaune›.+
21 Xi chal li Jeovae: ‹Li vaʼ kʼakʼale, voʼon ta jtakʼ,
ta jtakʼbe li vinajele,
vaʼun li vinajele tstakʼbe li balumile;+
22 li balumil eke tstakʼbe li sat tsʼunobile, li achʼ vinoe xchiʼuk li aseitee;
23 Ta jtsʼun ta balumil kʼuchaʼal sbekʼ jtsʼunob li antse+
xchiʼuk ta jkʼuxubin li buchʼu muʼyuk kʼuxubinbile,*
xi chkalbe li buchʼutik maʼuk jteklumale:* «Voʼot jteklumalot»,+
vaʼun xi chalike: «Voʼot Jdiosot»›».+
3 Vaʼun, xi laj yalbun li Jeovae: «Batan yan velta, kʼano li avajnil ti kʼanbil ta yan vinike xchiʼuk ti yakal tsmukul satiote,+ jech kʼuchaʼal skʼanoj steklumal Israel li Jeovae+ akʼo mi chichʼik ta mukʼ yan diosetik+ xchiʼuk ti tskʼupinik yakʼbel pan ti pasbil ta takin sat uvae».*
2 Jaʼ yuʼun, sventa xkuʼunine, la jman ta 15 ta sep plata xchiʼuk jpʼis xchiʼuk oʼlol jomer* ta sevada. 3 Vaʼun, xi laj kalbee: «Epal kʼakʼal chkuʼuninot. Mu xa xachon aba* xchiʼuk mu xa xachiʼin ta vayel yan vinik, vaʼun li voʼon eke muʼyuk ta jchiʼinot ta vayel».
4 Jaʼ yuʼun, jal* muʼyuk ajvalil yuʼunik li krixchanoetik ta Israele,+ muʼyuk bankilal* yuʼunik, muʼyuk chakʼik milbil matanal, muʼyuk tsvaʼanik tonetik ti chʼule, muʼyuk mokankʼuʼil+ yuʼunik xchiʼuk muʼyuk slokʼoltak terafim* yuʼunik.+ 5 Vaʼun, li ta slajebaltik xa kʼakʼale, ta sutik tal li krixchanoetik ta Israele xchiʼuk ta saʼik li Jeova ti jaʼ Sdiosike+ xchiʼuk li David ti jaʼ ajvalil yuʼunike,+ jech xtok, ta skoj ti xiʼtaojik* Jeovae, chtalik ta stojolal sventa x-akʼbatik ta ilel slekil yoʼonton.+
4 Jteklum Israel, chikintaik li kʼusi chal Jeovae,
yuʼun li Jeovae chchapan li jnaklejetik ta balumile,+
yuʼun li krixchanoetik ta balumile mu meleluk xkʼopojik, muʼyuk tukʼil kʼanelal yuʼunik xchiʼuk mu xojtikinik Dios yileluk.+
2 Pukem tajek ti mu xkʼot ta pasel li kʼusi jamal chalike, ti chloʼlavanike,+ ti chmilvanike,+
ti ch-elkʼajike xchiʼuk ti tsloʼla snup xchiʼilike+
xchiʼuk ti nopajtik noʼox tsmalik chʼichʼe.+
3 Jaʼ yuʼun, oy ta at-oʼonton li balumile+
xchiʼuk chchʼay batel skʼoplal skotol li jnaklejetik tee;
chchamik li teʼtikal chonbolometike, li mutetik ta vinajele
xchiʼuk li choyetik ta nabe.
4 «Akʼo mi jech, mi junuk vinik ta stsakot ta kʼop mi jaʼuk ta stukʼibtasot,+
yuʼun xakoʼolaj kʼuchaʼal li buchʼutik tstsakik ta kʼop li jun palee.+
5 Jaʼ yuʼun, ta xamak* avakan akʼo mi ta kʼakʼaltik,
ta smak yakan ek li j-alkʼopetike, xkoʼolaj kʼuchaʼal ta akʼobaltik.
Xchiʼuk voʼon ta xkakʼbe slajeb* li ameʼe.
6 Chichʼ lajesel* li jteklumal ta skoj ti mu xojtikinikune.
Yuʼun mu skʼan xojtikinikun,+
li voʼon eke mu jkʼan ti xtunik kʼuchaʼal pale ta jtojolale;
jech xtok, ta skoj ti achʼayoj ta ajol li smantal* Adiose,+
ta jchʼay ta jol li anichʼnabtake.
7 Kʼalal mas epaj li paleetike, mas la saʼ smulik ta jtojolal.+
Voʼon ta jkʼatajesbe ta vokolil li smukʼulalike.*
8 Li paleetike chveʼik ta bekʼet kʼalal tspas smulik li jteklumale
9 Koʼol kʼusi chkʼot ta stojolal li krixchanoetike xchiʼuk li palee;
chkakʼbeik kastigo ta skoj li kʼusitik tspasike*
xchiʼuk chkakʼbe stojik li kʼusitik spasojike.+
10 Chveʼik, pe muʼyuk chnoj xchʼutik.+
Chmulivajik tajek,* pe muʼyuk ta x-epajik,+
yuʼun muʼyuk yakʼojik ta ilel ti chichʼik ta mukʼ li Jeovae.
12 Li jteklumale tskʼanbeik koltael li santoetik yuʼunik ti pasbil ta teʼe,
jaʼ tspasik li kʼusi ch-albatik yuʼun li xvaxtonike;*
ta xkʼejpʼujik* batel ta skoj ti oy ta yoʼonton chchon sbaike*
xchiʼuk mu skʼan xchʼunbeik smantal Sdiosik ta skoj ti chchon sbaike.*
13 Chakʼik milbil matanal li ta jol vitsetike+
xchiʼuk li ta sjol bikʼtal vitsetike xtomet muyel yuʼunik xchʼailal* li milbil matanale,
ta yolon tulan, ta estorake teʼ xchiʼuk ta skotol li mukʼtik teʼetike,+
yuʼun toj lek li yaxinale.*
Jaʼ yuʼun, chchon sbaik* li atsebetakike
xchiʼuk tsloʼla snup xchiʼilik li avalibtakike.
14 Muʼyuk chkakʼbe kastigo li atsebetakik ti chchon sbaike*+
mi jaʼuk li avalibtakik ti tsloʼla snup xchiʼilike.
Yuʼun li viniketike chbat saʼik li jchonbail antsetike
xchiʼuk chakʼik milbil matanal xchiʼuk li buchʼutik chchon sbaik ta temploe;
ta skoj ti mu xaʼibeik smelolal li jteklum taje, ta xlaj skʼoplal.
Mu me xatalik ta Guilgal+ o ta Bet-Aven+
xchiʼuk mu me xiuk jamal xavalike: ‹¡Jamal chkal ta skoj kuxul Jeova!›.+
16 Yuʼun jech kʼuchaʼal jkot simaron vakaxe, jaʼ jech pasem ta simaron li Israele.+
¿Mi jech van ta xchabi Jeova kʼuchaʼal jkot chʼiom tot chij ta jamal yaxaltik?*
17 Li Efraine yakʼoj sba ta stojolal li santoetike.+
¡Iktao komel stuk!
Li ajvaliletik* yuʼune skʼanojik tajek li kʼusi kʼexlal sbae.+
19 Kuchbil chbat ta ikʼ,*
vaʼun ta kʼexlal chkom ta skoj li milbil matanal chakʼe».
5 «Paleetik, chikintaik liʼe,+
jteklum Israel, tsʼet chikintaik,
yutsʼ yalal ajvalil, aʼiik,
yuʼun te tsakal akʼoplalik li ta chapanele;
yuʼun kʼotemoxuk ta petsʼ ta stojolal li Mispae
xchiʼuk xakoʼolajik kʼuchaʼal timanbil chʼojon ta stojolal li Tabore.+
3 Xkojtikin li Efraine
xchiʼuk muʼyuk nakʼal* ta jtojolal li Israele.
4 Ta skoj li kʼusitik tspasike, mu xuʼ sutik ta stojolal Sdiosik,
yuʼun oy ta yoʼontonik ti chchon sbaike;*+
xchiʼuk mu xojtikinik li Jeovae.
5 Chtikʼbat* smul yuʼun stoyobbail li Israele;+
li Israel xchiʼuk Efraine smakoj* yakanik ta skoj li spaltailike*
xchiʼuk smakoj yakan ek li Judae.+
6 Xlamet* batel xchiʼuk xchijik xchiʼuk xvakaxik bat saʼik li Jeovae,
pe muʼyuk bu la staik.
Yuʼun svokʼoj xa ox sba lokʼel ta stojolalik.+
7 Svalopatinojik komel li Jeovae,+
yuʼun kʼotem ta xnichʼnabik li jyanlum ololetike.
Li avi une, ta jun noʼox u chlajik xchiʼuk chlaj li sparteike.*
8 ¡Jupanik kachu+ ta Guibea, jupanik okʼes ta Rama!+
¡Avananik sventa paskʼop li ta Bet-Avene!+ ¡Benjamin, te tijil chitalkutik ta apat!
9 Efrain, chavakʼ xiʼel mi kʼot skʼakʼalil li kastigoe.+
Kakʼoj xa ta naʼel li kʼusi jpʼel skʼoplal chkʼot ta stojolal li nitilulal ta Israele.
10 Li jbeiltasvanejetik* ta Judae xkoʼolajik xchiʼuk li buchʼutik tsjelbeik yavil li stsʼakil osile.+
Ta jmal yalel tal ta stojolalik kʼuchaʼal voʼ li skapemal jole.
11 Ilbajinbil li Efraine, sta-o ti laj yichʼ pechʼel ta tekʼele,
yuʼun jpʼel ta yoʼonton la stsʼakli batel li yajkontrae.+
12 Jaʼ yuʼun, likʼot kʼuchaʼal jochʼ* ta stojolal li Efraine
xchiʼuk lik kuxinuk kuʼun li jteklum Judae.
13 Kʼalaluk laj yakʼ venta ti oy xchamel li Efraine xchiʼuk ti oy syayijemal li Judae,
bat ta Asiria li Efraine+ xchiʼuk la stak batel j-almantaletik ta stojolal jun mukʼta ajvalil.
Pe muʼyuk xapoxtajik yuʼun
xchiʼuk muʼyuk xpoxtaj yuʼun li ayayijemalike.
14 Yuʼun chikʼot kʼuchaʼal chʼiom leon ta stojolal li Efraine
xchiʼuk chikʼot kʼuchaʼal tsatsal leon* ta stojolal li jteklum Judae.
15 Chibat xchiʼuk chisut batel ti bu likemun tale, jaʼ to chisut talel mi laj yichʼik kastigo ta skoj li smulike,
vaʼun jaʼ to chlik saʼikun sventa tskʼanbeikun koltael.+
Kʼalal yakal chil svokolike, tsaʼikun».+
Jaʼ la syayijesutik, pe jaʼ ta xpix li jyayijemaltike.
2 Chijkuxi yuʼun yan velta mi echʼ chib kʼakʼale.
Li ta yoxibal kʼakʼale, tstoyutik likel
xchiʼuk te chijkuxiutik ta yeloval.
3 Ta xkojtikintik li Jeovae, ta sjunul koʼontontik ta jkʼan chkojtikintik.
Jpʼel skʼoplal chtal ta jtojolaltik jech kʼuchaʼal chlokʼ tal kʼakʼal ta sobe;
xkoʼolaj kʼuchaʼal tsatsal voʼ chtal ta jtojolaltik,
jech kʼuchaʼal chakʼ voʼ ta primavera* ti chtʼuxubtas li balumile».
4 «¿Kʼusi ta jpas ta atojolal un, Efrain?
¿Kʼusi ta jpas ta atojolal un, Juda?
Yuʼun li tukʼil kʼanelal avuʼune xkoʼolaj kʼuchaʼal li toketik ta sobe,
xkoʼolaj kʼuchaʼal tsʼujul ti anil noʼox chchʼay batele.
5 Jaʼ yuʼun, ta jlajesoxuk ta stojolal li j-alkʼopetike;+
ta jmiloxuk ta skoj li kʼusi chlokʼ ta kee.+
Jech xtok, li chapanel chvul ta atojolale jamal lek xvinaj kʼuchaʼal sakil osil.+
6 Yuʼun jaʼ kʼupil sba chkil li tukʼil kʼanelale,* maʼuk li milbil matanale
xchiʼuk jaʼ kʼupil sba chkaʼi ti chavojtikinikun ti voʼon Diosune, maʼuk li skotlej chikʼbil matanale.+
7 Pe muʼyuk stsakojik ta mukʼ li trato ta skoj ti krixchanoetik noʼoxe.+
Te la svalopatinikun komel.
9 Li jtsop paleetike xkoʼolajik kʼuchaʼal jtsop j-elekʼetik ti te nakʼal* tsmalaik jun krixchanoe.
Chmilvanik li ta be ti nopol xil Sikeme,+
yuʼun toj kʼexlal sba li stalelalike.
10 Oy kʼusi toj echʼ xa noʼox chopol kiloj ta stojolal li jteklum Israele.
11 Jech xtok, steklumal Juda, chapanbil xa avorail chavichʼ tsobel jech kʼuchaʼal oy yorail chichʼ tsobbel sat li tsʼunobiletike,
ta jtsob sutel yan velta li jteklumal ti chukbilik batele».+
7 «Kʼalal jaʼo la jpoxta li Israele,
lik vinajuk spaltail* li Efraine+
xchiʼuk li xchoplejal Samariae,+
yuʼun chloʼlavanik;+
li j-elekʼetike ch-ochik xchiʼuk te ch-elkʼajik, oy jtsop j-elekʼetik xtok ti te xjoyetik ta spate.+
2 Pe muʼyuk tsnopik ti ta jvules ta jol skotol li kʼusi chopol tspasike.+
La syak sba stukik ta skoj li xchoplejalike.
Chajal ta sba jsat skotol li kʼusi tspasike.
3 Ta xmuyubaj yuʼunik li ajvalil ta skoj li xchoplejalike
xchiʼuk ta xmuyubaj yuʼunik li jbeiltasvanejetik* ta skoj ti chloʼlavanike.
4 Skotolik tsloʼla snup xchiʼilik,
xtiltun* skʼakʼalik jech kʼuchaʼal li orno ti kʼokʼ tajek ti jaʼ stsanoj li jpaspane,
ti mu persauk chchuchbe skʼakʼal kʼalal chlik svotsʼ li arinae xchiʼuk kʼalal to mi sitʼ xa oxe.
5 Kʼalal jaʼo skʼinal li ajvalil kuʼuntike, ipajemik li jbeiltasvanejetike...*
kapem sjolik ta skoj li vinoe.+
Li ajvalile lek tajek xil sbaik xchiʼuk li jlabanvanejetike.
6 Yuʼun li kʼusi tskʼan yoʼontonike solel xtiltun ti xkoʼolaj kʼuchaʼal snopajesojik ta jun ornoe.*
Chvay sjunul akʼobal li jpaspane;
solel kʼokʼ-o ta sob li orno jech kʼuchaʼal li kʼokʼ ti xlomlune.*
7 Skotolik kʼokʼik tajek jech kʼuchaʼal li ornoe
xchiʼuk tslajesik li ajvaliletik* yuʼunike.
8 Li Efraine tskap sba xchiʼuk li mukʼtik lumetike.+
Li Efraine xkoʼolaj kʼuchaʼal set-set pan ti muʼyuk laj yichʼ valkʼunele.
9 Pojbat stsatsal yuʼun li yan krixchanoetike,+ pe mu snaʼ.
Jech xtok, sakubem xa
sjol, pe muʼyuk yakʼoj
venta.
10 Chtikʼbat smul yuʼun stoyobbail li Israele;+
akʼo mi jech kʼotem ta stojolal taje, muʼyuk sutem talel ta stojolal li Jeova ti jaʼ Sdiose+
xchiʼuk muʼyuk bu saʼoj-o.
11 Li Efraine xkoʼolaj kʼuchaʼal jkot paloma ti mu snaʼ snopele, ti muʼyuk spʼijile.*+
Skʼanojbeik koltael li Ejiptoe;+ saʼojik koltael ta stojolal li Asiriae.+
12 Buyuk noʼox ti chbatike, voʼon ta jlichʼanbe batel syakobilik.
Chkakʼ pʼajikuk* yalel jech kʼuchaʼal li mutetik ta vinajele.
Chkakʼbe kastigo jech kʼuchaʼal kalojbeik xa onoʼox skotolike.+
13 ¡Abol sbaik, yuʼun jatavemik ta jtojolal!
¡Chichʼik lajesel, yuʼun la saʼ smulik ta jtojolal!
Chapalun xa ox sventa ta jpojik, pe mu meleluk li kʼusi laj yalik ta jtojolale.+
14 Mu ta sjunuluk yoʼonton xvokoletik la skʼanbeikun koltael+
akʼo mi te x-avetik ta okʼel ta stemik.*
La sbojilan sbekʼtalik kʼalal jaʼo tslajesik li sat stsʼunobike xchiʼuk kʼalal jaʼo chuchʼik li achʼ vino yuʼunike;
la stoy sbaik ta jtojolal.
15 Akʼo mi la jtukʼibtasik xchiʼuk la jtsatsubtasbe li skʼobike,
oy kʼusi chopol yakal tsnop tspasik, jaʼ yuʼun la skontrainikun.
16 Jelemik, pe muʼyuk sutik ti bu melel yichʼel ta mukʼ Diose.*
Mu stakʼ jpat koʼontontik ta stojolalik jech kʼuchaʼal jun arko ti yochol yakʼile.+
Chlajik ta milel ta espada li jbeiltasvanejetik* yuʼunik ta skoj ti tsaʼvanik ta kʼop ta skʼopojelike.
Ta skoj taje, ta xichʼik labanel li ta yosilal Ejiptoe».+
8 «¡Akʼo junuk kachu ta ave sventa xajupan!+
Li jkontrainvaneje chtal kʼuchaʼal jkot aguila ta sna li Jeovae,+
yuʼun muʼyuk la stsakik ta venta li jtratoe+ xchiʼuk muʼyuk la xchʼunik li jmantale.+
2 Xi xvokoletik ta jtojolale: ‹¡Dios kuʼun, li j-israelunkutike xkojtikinotkutik!›.+
3 Spʼajoj kʼusi lek li Israele.+
Akʼo nutsatuk yuʼun li jkontrainvaneje.
4 Svaʼanojik ajvaliletik, pe muʼyuk la sjakʼbeikun.
Svaʼanojik jbeiltasvanejetik,* pe muʼyuk laj kojtikinik.
5 Samaria, pʼajbil li achʼiom tot vakaxe.+
Li skʼakʼal koʼontone solel tilem* ta atojolal.+
¿Bakʼin to van chkʼot ta pasel avuʼun ti muʼyuk xa amule?*
6 Yuʼun likem tal ta Israel taje.
Jaʼ yabtel skʼob jun vinik ti lek xtojobe, maʼuk li Diose;
chichʼ lilinel li chʼiom tot vakax yuʼun Samariae.
7 Yuʼun yakal tstsʼunik li ikʼe
xchiʼuk jaʼ noʼox tstaik ta tsobel li tsatsal ikʼe.+
Muʼyuk bu vaʼal lek tstaik li steʼel stsʼunobike,+
kʼusiuk noʼox xchʼi tal muʼyuk chakʼ arina.
Mi oy kʼusi lokʼe, jaʼ tslajes li jyanlumetike.*+
8 Chichʼ lajesel li Israele.+
Avie, jmoj xa te oyik xchiʼuk li mukʼtik lumetike,+
xkoʼolaj kʼuchaʼal jun vaso ti mu kʼusi xtun-oe.
9 Yuʼun muyemik batel ta stojolal Asiria+ jech kʼuchaʼal teʼtikal vuro ti stuk oye.
Stojoj yantstak li Efraine.+
10 Akʼo mi te likem tal yantstak li ta mukʼtik lumetike,
li avie ta jtsobik.
Ta xlik yil svokolik+ ta skoj li ikatsil ch-akʼbatik yuʼun li ajvalil xchiʼuk li jbeiltasvanejetike.
11 Yuʼun li Efraine ep spasoj skajlebtak matanal sventa saʼo smul.+
Tstunesik sventa tsaʼo smulik li skajlebtak matanal yuʼunike.+
13 Chakʼbeikun milbil matanal xchiʼuk tstibeik li sbekʼtale,
pe muʼyuk xkuxet yoʼonton yuʼunik li Jeovae.+
Li avi une, tsvulesbe ta sjol li spaltailike* xchiʼuk chakʼbe kastigo ta skoj li smulike.+
14 Li Israele xchʼayoj ta sjol Jpasvanej yuʼun+ xchiʼuk svaʼanoj temploetik,+
jech xtok, li Judae yepajesoj jteklumetik ti joyobtabil ta muroe.+
Pe chkakʼ batel kʼokʼ li ta jteklumetik yuʼune
xchiʼuk chkʼakʼ ta kʼokʼ ta jujuntal li tayal kʼelob osiletik yuʼune».+
9 «Israel, mu me xamuyubaj,+
mu xkuxetuk avoʼonton kʼuchaʼal li jteklumetike.
Yuʼun la achʼak aba lokʼel ta stojolal Adios ta skoj ti chachon abae.*+
La akʼupin li atojol ta skoj ti la achon aba li ta yikʼaobil tsʼunobile.+
2 Pe muʼyuk tsmakʼlinoxuk li yikʼaobil tsʼunobile xchiʼuk ti bu chichʼ pitsʼel uvae
xchiʼuk chlaj li achʼ vinoe.+
3 Mu teuk chnakiik-o li ta sbalumil Jeovae;+
moʼoj, yuʼun tsutik ta Ejipto li Efraine
4 Muʼyuk xa tsmalik vino sventa chakʼbeik ta smoton li Jeovae;+
muʼyuk xa lek chil li milbil matanal chakʼike.+
Xkoʼolajik kʼuchaʼal li pan sventa at-oʼontone;
skotol li buchʼutik tsveʼike ta sokes-o sbaik.
Yuʼun jaʼ noʼox yuʼun stukik li spanike;
muʼyuk chichʼ ichʼel ochel li ta sna Jeovae.
5 ¿Kʼusi van chapasik li ta skʼakʼalil tsobajele,*
li ta skʼakʼalil skʼinal Jeovae?
6 Yuʼun skʼan xajatavik ta skoj li lajelal chtale.+
Tstsoboxuk li Ejiptoe+ xchiʼuk jaʼ tsmukoxuk li lum Menfise.+
Li laetike* jaʼ chuʼunin li kʼusitik ep sbalil avuʼunik ti pasbil ta platae
xchiʼuk chchʼi chʼixetik li ta akarpanaike.
7 Chtal skʼakʼalil ti chavichʼik chajel ta kʼelele,+
chtal skʼakʼalil li kastigoe,
vaʼun chakʼ venta li Israele.
Ta xbolib li j-alkʼope xchiʼuk chlik xchuvaj li vinik ti chkʼopoj ta stojolal Diose;
solel pʼajbilot ta skoj ti toj echʼ xa noʼox ep li apaltaile».*
8 Li jkʼel-osil ta toyol+ yuʼun Efraine tukʼ tun ta stojolal li Diose.+
Pe li avie, skotol li sbetak j-alkʼopetik yuʼune+ xkoʼolaj kʼuchaʼal li spetsʼ jyakmute;
solel oy pʼajbail li ta sna Diose.
9 Solel tikʼilik ta jyalel ta spasel li kʼusitik chakʼ lajebale, jech kʼuchaʼal ta skʼakʼalil Guibeae.+
Li Diose tsvules ta sjol li spaltailike* xchiʼuk chakʼbe kastigo ta skoj li smulike.+
10 «Xkoʼolaj kʼuchaʼal uva la jta ta takixokol balumil li Israele.+
Li amoltotakike xkoʼolajik laj kil kʼuchaʼal sba sat igo ti baʼyel chyijube.
Pe batik ta stojolal li Baal ta Peore;+
jaʼ bat ta yoʼontonik li kʼusi kʼexlal sbae*+
xchiʼuk ibal sba kʼotik, xkoʼolajik kʼuchaʼal li kʼusi skʼanojike.
11 Chvil batel kʼuchaʼal mut li smukʼulal Efraine;
muʼyuk chchiʼin yolik xchiʼuk muʼyuk chvokʼ yuʼunik.+
12 Akʼo mi ta stsʼites xnichʼnabik,
mi junuk ta xkiktabeik, ta xkikʼbeik batel;+
jech, ¡toj abol sbaik mi la jchʼak jba lokʼel ta stojolalike!+
13 Li Efrain ti te tsʼunbil ta yaxaltike xkoʼolaj toʼox laj kil kʼuchaʼal li Tiroe;+
avi li Efrain une skʼan xakʼ lokʼel xnichʼnab sventa xichʼik milel».
14 Kajval Jeova, akʼbo li kʼusi skʼan xavakʼbee;
akʼo yaluk li yolike xchiʼuk akʼo takijuk li yaʼlel xchuʼike.*
15 «Te ta Guilgal+ la spasik skotol li kʼusitik chopole, yuʼun jaʼ te lik jpʼajik.
Ta skoj li kʼusitik toj chopol la spasike, ta jnutsik lokʼel li ta jnae.+
16 Chichʼ lomesel kʼuchaʼal jtekʼ teʼ li Efraine.+
Chtakij li yibelike xchiʼuk mi jsetʼuk* tsatinik,
akʼo mi xvokʼ xnichʼnabik, ta jmilbe li snitilulalik ti skʼanojike».
17 Chpʼajatik yuʼun li Jdiose,
yuʼun muʼyuk la xchikintabeik+
xchiʼuk jatvil krixchano chkʼotik li ta mukʼtik lumetike.+
10 «Li Israele xkoʼolaj kʼuchaʼal jpets uva ti muʼyuk sbalil ti chakʼ sate.+
Kʼalal mas ep chakʼ sate, mas ta x-epaj li skajleb matanal yuʼunike.+
Kʼalal mas ep kʼusitik chlokʼ li ta yosilike, mas labal sba xvinaj li vaʼanbil tonetik yuʼunik ti chʼule.+
2 Jloʼlavanej* li yoʼontonike;
li avie chichʼ tabel smulik.
Oy buchʼu tskʼasbat li skajleb matanal yuʼunike xchiʼuk ti chakʼbe slajeb li vaʼanbil tonetik yuʼunik ti chʼule.
3 Vaʼun, xi chalike: ‹Ta skoj ti muʼyuk jxiʼtaojtik* li Jeovae chʼabal ajvalil kuʼuntik.+
Xchiʼuk ¿kʼusi van xuʼ spas ta jtojolaltik li jun ajvalile?›.
4 Muʼyuk stu li kʼusi chalike,+ mu xkʼot ta pasel li kʼusi jamal chalike xchiʼuk kʼalal tspasik tratoetike;
jaʼ yuʼun li chopol chapanele pukem batel kʼuchaʼal jmilvanej tsʼiʼlel li ta surkoal* osile.+
5 Li jnaklejetik ta Samariae ta xiʼik mi oy kʼusi xkʼot ta stojolal li slokʼol chʼiom vakax ta Bet-Avene.+
Yuʼun li steklumale oyik ta at-oʼonton ta stojolal,
oyik ta at-oʼonton ek li paleetik yuʼunik ti xmuyubajik toʼox ta stojolal li jecheʼ diosetike xchiʼuk li ta smukʼulale,
yuʼun nom chichʼik ikʼel batel.
6 Chichʼ ikʼel talel ta Asiria kʼuchaʼal smoton jun mukʼta ajvalil.+
Chichʼ akʼel ta kʼexlal li Efraine
xchiʼuk chkʼexav li Israel ta skoj ti la stsʼakli li tojobtasele.+
7 Ta melel, ta xichʼ lajesel* li Samaria xchiʼuk li ajvalil yuʼune,+
jech kʼuchaʼal uni kʼob teʼ ti chchʼay batel ta voʼe.
8 Ta xichʼ lajesel+ li tayal kʼopojebaletik* ta Bet-Aven+ ti jaʼ te tsaʼ smulik li Israele.+
Te chchʼi chʼix xchiʼuk tomalchʼix* li ta skajleb matanal yuʼunike.+
Li krixchanoetike xi chalbeik li vitsetike: ‹¡Loman tal ta jbakutik!›,
xchiʼuk xi chalbeik li bikʼtal vitsetike: ‹¡Nakʼunkutik!›.*+
9 Israel, te xa onoʼox ta skʼakʼalil Guibea la apas amul.+
Jech te yakaloxuk-o spasel.
Li paskʼope muʼyuk bu la slajes ta j-echʼel li krixchanoetik ta Guibea ti muʼyuk tukʼike.
10 Jech xtok, ta jtukʼibtasik ti kʼusi ora xal koʼontone.
Xchiʼuk li jteklumetike ta stsob sbaik sventa xbat stsakik ta kʼop,
li kastigo chichʼike jaʼ ti chkuch* batel li chaʼtos spaltailike.*
11 Li Efraine jaʼ toʼox tsebal meʼ vakax ti lek chanubtasbil ti tskʼupin smajel sat tsʼunobile,
jaʼ yuʼun muʼyuk laj kakʼbe skʼatlom teʼal li ta snukʼ ti kʼupil sbae.
Li avie, ta xkakʼ ti oyuk buchʼu skajlebin* li Efraine.+
Ta slok balumil li Judae; li Jakobe tspas ta parejo li osile.
12 Tsʼunik tukʼilal, vaʼun chatsobik tukʼil kʼanelal.
Lokik li balumil ti bu oy kʼusi xchʼie,+
yoʼ to oy yorail sventa xasaʼik li Jeovae,+
jaʼ to mi tale xchiʼuk mi tal xchanubtasoxuk ta sventa tukʼilale.+
13 Pe li voʼoxuke atsʼunojik choplejal,*
jaʼ atsobojik li kʼusitik muʼyuk tukʼe,+
jech xtok, jaʼ la alobeik sat ti chaloʼlavanike,
yuʼun apatoj avoʼontonik ta avipal atukik
xchiʼuk ta stojolal li epal jpaskʼopetik avuʼunike.
14 Xvochlajetik* chlik stsakik ta kʼop li ateklumale
xchiʼuk ta xichʼ jinesel skotol li jteklumetik avuʼun ti joyobtabil ta muroe,+
jech kʼuchaʼal laj yichʼ lajesel yuʼun Salman li Bet-Arbele,
li ta skʼakʼalil paskʼop kʼalal laj yichʼik bojilanel xchiʼuk yalabik li meʼiletike.
15 Betel, taje jaʼ jech chavichʼ pasbel ta skoj ti toj echʼ xa noʼox achoplejale.+
Kʼalal jaʼ to chlokʼ talel li xojobal kʼakʼale, jpʼel skʼoplal chichʼ akʼbel slajeb* li ajvalil ta Israele».+
11 «La jkʼan li Israel kʼalal kʼox kerem toʼoxe+
xchiʼuk laj kikʼ lokʼel tal ta Ejipto li jnichʼone.+
Jech-o laj yakʼbeik milbil matanal li slokʼol Baale+
xchiʼuk laj yakʼbeik milbil matanal li lokʼoletik spasojike.+
3 Pe voʼon la jchanubtas ta xanbal li Efraine,+ la jkʼech ta jkʼob;+
muʼyuk laj yakʼik venta ti voʼon la jpoxtaike.
4 Ta xchʼojon viniketik* la jbeiltasik-o, ta xchʼojanaltak kʼanelal+
xchiʼuk voʼon la jlokʼesbeik li skʼatlom teʼal snukʼike
xchiʼuk ta slekil koʼonton laj kichʼbeik batel sveʼelik ta jujuntal.
5 Muʼyuk xa tsutik batel li ta yosilal Ejiptoe, pe jaʼ chkʼot ta ajvalil yuʼunik li Asiria+
ta skoj ti muʼyuk la skʼan sutik ta jtojolale.+
6 Xchiʼuk te xjoyoyet* jun espada li ta jteklumetik yuʼune+
xchiʼuk chakʼbe slajeb li stakʼinaltak te ta yochebale xchiʼuk tslajesatik ta skoj li kʼusitik chopol snopoj tspasike.+
7 Li jteklumale jaʼ noʼox oy ta yoʼontonik ti muʼyuk tukʼ chakʼ sbaik ta jtojolale.+
Akʼo mi laj yichʼik takel ta ikʼel sventa sutik ta stojolal li Buchʼu toj toyol oye, mi junuk buchʼu vaʼi.
8 ¿Kʼuxi xuʼ ta jkomtsanot, Efrain?+
¿Kʼuxi xuʼ xkakʼot ta stojolal li avajkontrae, Israel?
¿Kʼuxi van xuʼ jech xkilot kʼuchaʼal li lum Admae?
¿Kʼuxi van xuʼ jech jpasbot kʼuchaʼal li lum Seboyime?+
9 Muʼyuk chkakʼ lokʼuk li skʼakʼal koʼonton ti xtiltune.
Muʼyuk ta jlajes yan velta li Efraine,+
yuʼun Diosun, maʼuk vinikun,
li Buchʼu chʼul ti te oy ta atojolale;
xchiʼuk maʼuk ta skapemal jol chital ta atojolal.
10 Te xtijet* chbatik ta spat li Jeovae xchiʼuk li stuke tsots ta x-avan kʼuchaʼal jkot leon;+
kʼalaluk mi avane, xtʼelelet* chlikik tal ta smaleb kʼakʼal li xnichʼnabtake.+
11 Chtʼelik* kʼuchaʼal jkot mut kʼalal mi lokʼik tal ta Ejiptoe,
jechik kʼuchaʼal jkot paloma mi lokʼik tal ta yosilal Asiriae;+
vaʼun voʼon ta jnakan lek ta snaik», xi li Jeovae.+
12 «Naka jutbil kʼop* chalbun li Efraine,
buyuk noʼox ti chijoypʼij batele chkil ti chloʼlavan li Israele.+
Pe li Judae chanav to xchiʼuk Dios
xchiʼuk tukʼ yakʼoj sba ta stojolal li Buchʼu chʼule».+
12 «Li Efraine tsmakʼlin sba ta ikʼ,
skotol kʼakʼal tsnuts li ikʼ chlik tal ta smaleb kʼakʼale.
Tspʼoles li jutbil kʼope* xchiʼuk li saʼkʼope.
Tspasik trato xchiʼuk li Asiriae+ xchiʼuk chichʼ batel aseite ta Ejipto.+
2 Li Jeovae ta xchapan li Judae;+
chakʼbe kastigo Jakob ta skoj li kʼusitik tspase*
xchiʼuk chakʼbe stoj ta skoj li yabteltake.+
3 La stsakbe xchak yakan sbankil li ta yalajeb smeʼe+
xchiʼuk ta skotol yip la stsal sbaik xchiʼuk Dios.+
4 La stsal-o sbaik xchiʼuk jun anjel, vaʼun tsal yuʼun.
X-okʼolet xchiʼuk xvokolet la skʼan ti x-akʼbat bendisione».+
Li Diose te la sta ta Betel xchiʼuk te la skʼoponunkutik,+
5 li krixchanoetike skʼan svules ta sjolik ti Jeova sbi+
6 «Jaʼ yuʼun, sutan ta stojolal li Adiose,+
oyuk tukʼil kʼanelal avuʼun xchiʼuk tukʼilal+
xchiʼuk skotol ora pato avoʼonton ta stojolal li Adiose.
7 Pe te oy ta skʼob jpʼolmajel li jloʼlavanej kiloe;
lek xaʼi li loʼlavaneje.+
Jech xtok, ta skotol li kʼusi kakʼoj koʼonton spasele muʼyuk kʼusi chopol tstaik xchiʼuk muʼyuk tstaik mulil›.
9 Pe voʼon Jeovaun ti Adiosun xa onoʼox li ta yosilal Ejiptoe.+
Chkakʼ naklan yan velta li ta karpanaetike
jech kʼuchaʼal li ta skʼakʼalil ti akʼbil yoraile.*
10 Voʼon la jkʼopon li j-alkʼopetike,+
laj kepajesbe li kʼusitik laj kakʼbe yilike
xchiʼuk laj kal lokʼolkʼopetik ta stojolal j-alkʼopetik.
11 Li ta Galaade oy loʼlavanej+ xchiʼuk jutbil kʼop.*
Li ta Guilgale yakʼojik ta milbil matanal tot vakaxetik+
xchiʼuk li skajleb matanaletik yuʼunike xkoʼolaj kʼuchaʼal jaytsop tonetik ta surkoal* osil.+
12 Jatav batel ta yosilal Aram*+ li Jakobe;
te abtej ta skoj jun yajnil+ li Israele+
xchiʼuk ta skoj jun yajnil la xchabi chijetik.+
13 Li Jeovae ta stojolal j-alkʼop la slokʼes tal ta Ejipto li Israele+
xchiʼuk ta stojolal jun j-alkʼop la xchabi.+
14 Li Efraine chopol tajek laj yaʼi sba yuʼun li Diose;+
te chkom-o ta sba ti kʼusitik la spas ta smalel chʼichʼe;
ch-akʼbat stoj yuʼun Yajval li kʼusitik kʼexlal sba la spase».+
13 «Kʼalal kʼopoj li Efraine, nikik ta xiʼel li krixchanoetike;
lek toʼox ojtikinbil li ta Israele.+
Pe la sta smul ta skoj li Baale,+ vaʼun cham.
2 Li avie, mas to tspas li smulike
xchiʼuk tspasik lokʼoletik ti unijesbil ta splataike;+
xchanojik lek spasel santoetik, skotol jaʼ yabtel skʼob li buchʼu xtojob leke.
Xi chalbeike: ‹Li viniketik ti chakʼik milbil matanale akʼo stsʼutsʼik* li chʼiom tot vakaxetike›.+
3 Jech oxal, chkʼotik kʼuchaʼal li toketik ta sobe,
xkoʼolaj kʼuchaʼal tsʼujul ti sob noʼox chchʼay batele,
xkoʼolaj kʼuchaʼal solepal* tsʼunobil ti chkuchat batel ta tsatsal ikʼ li ta yikʼaobile
xchiʼuk xkoʼolaj kʼuchaʼal li chʼail* ti xtomet lokʼel ta jol nae.
4 Pe voʼon Jeovaun ti Adiosun xa onoʼox li ta yosilal Ejiptoe,+
mu toʼox xavojtikin yan Dios, jaʼ noʼox voʼon
xchiʼuk chʼabal yan jkoltavanej, jaʼ noʼox voʼon.+
5 Te laj kojtikinot ta takixokol balumil,+ te ta takin balumil.
6 Jun toʼox yoʼontonik ta sventa li kʼusitik xchʼi yuʼunike,+
noj lek xchʼutik, vaʼun lik stoy sbaik.
Jaʼ yuʼun, la xchʼayikun ta sjolik.+
7 Chikʼot kʼuchaʼal chʼiom leon ta stojolalik,+
kʼuchaʼal leopardo ti te xjoyet ta bee.
8 Chbat jmakik ta be kʼuchaʼal meʼ oso ti chʼayem yalabe
xchiʼuk ta javbe li stiʼ yoʼontonike.*
Te ta jlilinik kʼuchaʼal tspas jkot leon;
jkot jtiʼvanej chonbolom ta osiltik ta xlilinatik.
9 Israel, jaʼ ta slajesot taje,
yuʼun la akontrainun, la akontrain li jkoltavanej avuʼune.
10 Vaʼun chaʼa, ¿bu oy li ajvalil avuʼun sventa skoltaot xchiʼuk skolta skotol li jteklumetik avuʼune+
xchiʼuk bu oy li ajvaliletik* ti xi laj avalbun skʼoplale:
13 Chaʼibe xkʼuxul jech kʼuchaʼal chvokʼ yol jun ants.
Pe jaʼ jun bol nichʼonil;
muʼyuk chakʼ sba ta ilel kʼalal tsta xa yorail chvokʼe.
Lajelal, ¿bu oy li avenenoale?+
Mukinal, ¿bu oy li ajuʼel ti chmilvane?+
Muʼyuk xa chkakʼ ta ilel xkʼuxul koʼonton.
15 Akʼo mi xnichin li ta ajtike,
chtal ikʼ ta smaleb kʼakʼal, li ikʼ chakʼ Jeovae,
te chlik tal ta takixokol balumil sventa stakijesbe li sposoe xchiʼuk ti xtakij li snioʼal yaʼale.
Oy buchʼu chbat pojbatuk li kʼusitik ep sbalil yuʼun ti bu snakʼoje.*+
16 Oy smul chkʼot li Samariae,+ yuʼun stoyoj sba ta stojolal li Sdiose.+
Chlajik ta espada,+
chichʼik bojilanel li yalabike
xchiʼuk chichʼik jatel li antsetik yuʼunik ti xchiʼuk yolike».
14 «Israel, sutan tal ta stojolal li Jeova ti jaʼ Adiose,+
2 Sutanik tal ta stojolal Jeova, albeik ti asutesoj avoʼontonike,
xi xavalbeike: ‹Pasbunkutik perton li jmulkutike+ xchiʼuk chʼamo li kʼusi leke,
vaʼun ta jkʼupil kʼoptaotkutik ta kekutik+ ti xkoʼolaj kʼuchaʼal chkakʼbotkutik chʼiom tot vakaxetike.*
3 Muʼyuk xa tskoltaunkutik li Asiriae.+
Muʼyuk xa chikajikutik ta kaʼetik+
xchiʼuk muʼyuk xa xi chkalbekutik li yabtel jkʼobkutike: «¡Dios kuʼunkutik!»,
yuʼun voʼot chakʼuxubin li buchʼu chamem stote›.+
4 Ta jpoxtaik xchiʼuk tukʼ xa chakʼ sbaik.+
5 Chikʼot kʼuchaʼal tsʼujul ta stojolal li Israele;
ta xnichin kʼuchaʼal lirio nichim,
vaʼun tstsʼun yalel yibel jech kʼuchaʼal li teʼetik ta Libanoe.
6 Ta slin sba batel li skʼobkʼobtake,
ta xkoʼolaj kʼuchaʼal oliva teʼ li yutsilale
xchiʼuk ta xkoʼolaj kʼuchaʼal teʼetik ta Libano li smuile.
7 Li jteklumale ta xnaki yan velta li ta kaxinale.*
Ta stsʼunolajik xchiʼuk chkʼelomajik kʼuchaʼal steʼel
uva.+
Li krixchanoetike chalbeikun jkʼoplal jech kʼuchaʼal chalbeik skʼoplal li vino ta Libanoe.
8 Xi chal li Efraine: ‹¿Kʼusi xa stu kuʼun li santoetike?›,+
voʼon ta jtakʼbe xchiʼuk ta jchabi.+
Ta xikoʼolaj kʼuchaʼal mukʼta enebro teʼ ti lek yoxe.
Voʼon chkakʼbot li sat teʼe».
9 ¿Buchʼu ti pʼije? Akʼo yaʼibe smelolal li kʼusitik taje.
¿Buchʼu ti xaʼibe smelolale? Akʼo yojtikin.
Yuʼun lek tukʼ li sbetak Jeovae
xchiʼuk te chanavik li buchʼutik tukʼike;+
yan li jpasmuliletike jaʼ tsmak-o* yakanik.
Taje jaʼ skomkom bi Osaya ti jaʼ skʼan xal ‹koltabil yuʼun Jeova; koltavanem li Jeovae›.
O «jmulavil; jsaʼmalal».
Jaʼ skʼan xal ‹li Diose ta stsʼun sbekʼ tsʼunobil›.
Kʼelo Glosario, ajvalilal.
Jaʼ skʼan xal ‹muʼyuk chkʼuxubinat›.
Jaʼ skʼan xal ‹maʼuk jteklumal›.
O «yiʼtik».
Kʼelo Oseas 1:9, tsʼib ta yok vun.
Kʼelo Oseas 1:6, tsʼib ta yok vun.
O «ti chmulivaje; ti tsaʼ smalale».
O «ti jmulavile; ti jsaʼmalale».
O «xchonoj sba; saʼoj smalaltak».
Taje jaʼ stsotsil chij o stsotsil yan chonbolometik.
Taje jaʼ stsotsil chij o stsotsil yan chonbolometik.
O «makale».
O «achʼ u».
O «stakʼinal sniʼ».
O «Jbaal».
O «xkuxiike»
Jaʼ skʼan xal ‹li Diose ta stsʼun sbekʼ tsʼunobil›.
Kʼelo Oseas 1:6, tsʼib ta yok vun.
Kʼelo Oseas 1:9, tsʼib ta yok vun.
Jaʼ xkaltik, ti tstunesik sventa chichʼik ta mukʼ jecheʼ diosetike.
Li jun jomere jaʼ 220 litro. Kʼelo Apendise B14.
O «Mu xa xamulivaj; Mu xa xasaʼ amalal».
Literal «epal kʼakʼal».
O «xnichʼon ajvalil».
O «diosetik ta yut na; santoetik».
Kʼelo Glosario, xiʼtael Dios.
O «ta xtʼab».
O «ta jtsʼijtsan».
O «Chichʼ tsʼijtsanel».
O «chanubtasel yuʼun».
O jaʼ van skʼoplal «La sjelik ta vokolil li jmukʼulale».
O «chitʼixtaik».
O «li xchopolil».
Literal «li sbeike».
O «Chchiʼinik ta vayel epal krixchanoetik; Toj echʼ xa noʼox chchon sbaik».
O «Chmulivajik».
Literal «tslokʼes li yoʼontonike».
O «li steʼ jtʼunvaneje».
O «xkʼejevik; stsʼepʼujik».
O «chmulivajike».
O «chmulivajike».
O «xchʼayilal».
O «skeovale».
O «chmulivajik; tsaʼ smalalik».
O «chmulivajike; tsaʼ smalalike».
O «chamulivaj».
Literal «jamal osiltik».
O «servesa ti pasbil ta trigoe».
O «chlik xchiʼin ta vayel epal krixchanoetik; chlik xchon sba».
Literal «eskudoetik».
O «Chbekʼat batel ta ikʼ».
O «te nitil tajek skʼoplalik ta».
O «ta jtukʼibtas».
O «mukul».
O «achiʼinoj ta vayel epal krixchanoetik; achonoj aba».
O «ti chmulivajike».
Literal «Chtikʼbat ta sat».
O «tʼabem».
O «li xchopolilike».
O «Sbuset».
O «yosilike».
O «xnichʼon ajvalil».
Taje jaʼ skʼoplal bikʼtal chonetik ti chkʼux kʼusitik ti xkoʼolaj kʼuchaʼal pepene.
O «chʼiom leon ti xtinlajet sjol».
Jaʼ xkaltik, yorail uninaltik.
O «kʼuxubinele».
O «mukul».
O «xchopolil».
O «xnichʼon ajvalil».
O «xloklun; xpulpun».
O «xnichʼon ajvalil».
O jaʼ van skʼoplal «Yuʼun xkoʼolaj kʼuchaʼal orno yoʼontonik kʼalal chnopajik xchiʼuk li kʼusi smukoj ta yoʼontonike».
O «xloklune».
Literal «jchapanvanejetik».
Literal «muʼyuk yoʼontone».
O «tsʼujikuk».
O «svayebik».
Jaʼ xkaltik, maʼuk ti toyem xa skʼoplal ti kʼu yelan ch-ichʼvanik ta mukʼe.
O «xnichʼon ajvalil».
O «xnichʼon ajvalil».
O «tsanem».
O «muʼyuk xa achopolale».
O «li yan krixchanoetike».
O «chanubtaseletik».
O «li xchopolilike».
O jaʼ van skʼoplal «Ta sutik batel».
O «chamulivaje».
Kʼelo Glosario, ibal sba.
O «yorail akʼinike».
O «ortiga tsʼiʼleletike».
O «li achopolile».
O «li xchopolilike».
O «li dios ti kʼexlal sbae».
O «sotʼpʼijuk li xchuʼike».
O «xnichʼon ajvalil».
O «jutebuk».
O «Chʼulul; Kʼun».
Kʼelo Glosario, xiʼtael Dios.
O «sjiloal; xcholavil».
Literal «xichʼ tsʼijtsanel».
Kʼelo Glosario, tayal kʼopojebal.
O «chʼix nichim; sakil chʼix».
O «¡Mukunkutik!».
Jaʼ xkaltik, kʼalal chkuch batel kʼuchaʼal jun kʼatlom teʼ li stojobil smule.
O «xchopolilike».
O «ta xkakʼbe yakʼil».
Literal «alokojik choplejal».
O «X-avlajetik».
Literal «chichʼ tsʼijtsanel».
Jaʼ xkaltik, li j-alkʼopetik xchiʼuk li buchʼutik laj yichʼik takel batel sventa xchanubtasik li Israele.
O «xchʼojonal slekil oʼontonal», jech kʼuchaʼal tstunes jun totile.
O «setetet».
Literal «likʼakʼub xa».
O «xnapʼet».
O «xniklajet».
O «Chnikik».
O «nopbil kʼop; epal kʼop».
O «nopbil kʼope; epal kʼope».
Literal «li sbee».
Kʼelo Glosario, Jeova ti bankilal yuʼun soltaroetike.
O jaʼ van skʼoplal «jun kʼine».
O «nopbil kʼop; epal kʼop».
O «sjiloal; xcholavil».
O «Siria».
O «sbutsʼik; stsʼutsʼunik».
O «spat». Kʼelo Glosario, solepal.
O «chʼayil».
Literal «li xpix yoʼontonike».
Literal «jchapanvanejetik».
O «xnichʼon ajvalil».
O «Chabibil».
O «xchopolil».
O «Seol», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
O «smukoje».
O «tʼabem».
O «li achopolile».
Literal «chichʼ akʼel sutel li chʼiom tot vakaxetik ta stiʼil kekutike».
O «Ta jnop jtuk».
O «jkeovale».
O «chtʼab-o».