¡Kʼupino sbatel osil li kuxlejal ta Balumile!
Li vun liʼe la jyichʼ pasel sventa cha skoltaot ta yojtikinel buchʼu la spas li Balumil xchiʼuk skotol li kʼusitik te oye. Cha vojtikin ti Dios buchʼu la spas li Balumile, oy sbi stuk. Liʼe ta xkalkutik xtok kʼu yuʼun la spas krixchanoetik ti Diose xchiʼuk kʼuxi xuʼ cha kʼupin sbatel osil li kuxlejal ta Balumile.
Ta jmalakutik ti kʼusi ep lokʼtabilik liʼe cha skoltaot sventa cha vaʼibe lek smelolal. Sventa cha skoltaot lek, voʼote skʼan cha kʼel li tekstoetik lokʼesbil ta Vivlia ti te tsʼibabil ta xokon li lokʼoletike. Ja jech, voʼot atuk stakʼ cha kʼel junantik li kʼusitik lek yaloj onoʼox Dios te ta Vivliae xchiʼuk li kʼusi chal Dios ti skʼan cha pas sventa cha kʼel kʼalal chkʼot ta pasele.
Xuʼ van cha kʼan cha tunes li vun liʼe sventa cha koltaan yantik krixchanoetik. Mi oy avalab anichʼnabe, xuʼ cha tunes sventa cha koltaan ta yojtikinel ti Diose. Mi nakalot ta jun lum ti bu oy ep vinik-antsetik ti mu snaʼik skʼelele, xuʼ cha tunes li lokʼoletik sventa cha koltaan ti krixchanoetik ta yaʼibel smelolal li kʼusi yaloj onoʼox Dios ta spase, vaʼun, leʼik eke xuʼ skolta li slakʼnatake.
Ta melel ta jkʼankutik ti xchanel li vun liʼe ta sjambot sbelel epal lekilaletik, xchiʼuk xtok, sventa cha vakʼbe yil yantik kʼuxi stakʼ xkuxiik sbatel osil liʼ ta Balumile.