¿Buchʼu spasojot?

1 Dios la spas li vinajeletik xchiʼuk li Balumile (Génesis 1:1).

2 Oy sbi stuk ti Diose. Li sbie jaʼ Jeova (Salmo 83:18).

Te oy ta vinajel ti Jeovae. Jaʼ jun espiritu. Mu xvinaj ta kʼelel (Isaías 66:1; Juan 1:18; 4:24).

3 La spas epal anjeletik ta vinajel ti Jeova Diose. Jaʼ espirituetik ek. Lekik toʼox skotolik. Ta voʼnee la toʼox jyichʼbeik yelanil krixchano sventa xuʼ x-ilatik yuʼun li krixchanoetike (Hebreos 1:7).

4 Baʼyel la spas chonetik ti Jeovae, jaʼ tsʼakal to li krixchanoe (Génesis 1:25).

5 Xchiʼuk noxtok, Jeova la spas jun vinik jaʼ sbi Adan xchiʼuk la spasbe yajnil jaʼ sbi Eva (Génesis 1:27).

Dios la jyakʼ ta jun alakʼ sba nichimaltik, jaʼ xkaltik, jun paraiso. La spasbe jun noʼox yajnil ti Adane. Li vinike kʼajomal noʼox jun yajnil chkom-o (Génesis 2:8, 21, 22, 24).

6 Li krixchanoe oy xkuxlejal (Génesis 2:7).

7 Li chonetike oy xkuxlejalik (Génesis 1:24).