¿Kʼu yuʼun chcham li krixchanoe?

8 Jeova Dios tskʼan ox ti krixchanoetike akʼo spas ta jun alakʼ sba paraiso spʼejel li Balumile, sventa oyuk smuyubajelik skotolik (Génesis 1:28).

Lauk xchʼunbeik smantal Jeova ti Adan xchiʼuk Evae, li krixchanoetike xuʼ van kuxiik-o sbatel osil ti jechuke. Albatik ti mu xuʼ sloʼik sat teʼ yuʼun yojtikinobil li kʼusi lek xchiʼuk li kʼusi chopole (Génesis 2:15-17).

9 Jun anjel, chopol la spas sba xchiʼuk la stunes jkot kiletel chon sventa mu xchʼunbeik smantal Dios ti Eva xchiʼuk Adane (Génesis 3:1-6).

10 Li voʼne kiletel chone jaʼ sbi Yavlo xchiʼuk Satanas, li anjel ti la sloʼla Evae (Apocalipsis 12:9).

11 Jeova la slokʼes ta paraiso xchaʼvoʼal krixchano kʼalal muʼyuk la xchʼunike (Génesis 3:23, 24).

12 La jyil yalab xnichʼnabik ti Adan xchiʼuk Evae, pe muʼyuk xmuyubajik skotol li utsʼ alalile (Génesis 3:17, 18).

13 Ta onoʼox xmalubik (xyijubik) xchiʼuk ta xchamik, jech kʼuchaʼal yaloj onoʼox Jeovae (Génesis 3:19; Romanos 5:12).

14 Jaʼ yuʼun chamik jech kʼuchaʼal li chonetike.

Skotol kʼusi kuxul ta Balumile chcham (Eclesiastés 3:18-20; Ezequiel 18:4).