Chnel yuʼunik li chanob vun sventa Vivlia ta Galaad 124

Ta xichʼ koʼoltasel ta kʼulubetik li misioneroetike

SKOTOL li buchʼutik te chtunik ta Betel ta Estados Unidose ta onoʼox xichʼik takel ta ikʼel sventa xbatik kʼalal ta xnel li Chanob vun sventa Vivlia ta Galaad yuʼun Watchtower, ti ta vakvak u chkʼot ta pasele. Li ta 8 yuʼun marso ta 2008, li buchʼutik laj yichʼik takel ta ikʼel ti likemik talel ta 30 mukʼtik lumetike la stsob sba xchiʼukik li buchʼutik chnel yuʼunik li chanun 124. Ta skotole la stsob sbaik 6,411 ermanoetik, ti ay skʼelik li jtsop jchanunetik ti jaʼ jun kʼakʼal ti toj tsots skʼoplal ta sventaike.

Li buchʼu laj yichʼ ta venta li tsobajele, Stephen Lett ti jaʼ li ta Jtsop Jbeiltasvaneje, xi la slikes ta jun mantal li tsobajele: «Jmoj xa xanavik xchiʼuk li kʼulubetik yuʼun Jeova ta lokʼolkʼope». Li ta Apocalipsis 9:1-4 te chichʼ albel skʼoplal epal kʼulubetik ti ta ora lik abtejikuke, taje jaʼ skʼoplalik li juteb yajtsʼaklomtak Cristo ti yichʼojik tʼujel ti lik stam sbaik ta mantal ta sjabilal 1919. Li jchanunetik ti jaʼik li ta yan chijetike, vulesbat ta sjolik ti jaʼ chchiʼinik li epal kʼulubetik taje (Juan 10:16).

Li ermano ti Lon Schilling sbie, ti tikʼil ta komite ta Betel ta Estados Unidose, la sjelubtas jun mantal ti xi sbie: «Skʼan skolta sbaik li nupul-tsʼakaletike». Sventa stabeik sbalil li 28 nupul-tsʼakaletik ti chanunajike, li ermanoe laj yalbe skʼoplal Áquila xchiʼuk Priscila ti jaʼ jun nupul-tsʼakal ta baʼyel sigloe (Rom. 16:3, 4). Sventa lek xbat li yabtelik ta misioneroale, laj yal ti skʼan jmojuk oyik li nupul-tsʼakaletike. Kʼalal ch-albat skʼoplal ta Vivlia li Aquilae persa onoʼox ch-albat skʼoplal ek li yajnil ti Priscila sbie, taje jaʼ skʼan xal ti snaʼoj lek Pablo xchiʼuk tsobobbail ti jmoj onoʼox xlotetike. Jaʼ me jech ek un, li misioneroetike skʼan onoʼox me jmoj xcholik mantal, spasik orasion, jmojuk xchanunajik xchiʼuk ti jmoj stsalik li vokoliletik chilik ti bu chtunike; jaʼ xkaltik, ti skʼan skolta sbaike (Gén. 2:18).

Li yan mantal lik tale jaʼ sbi: «Jchanbetik slekil yoʼonton li Jeovae», ti laj yetʼes Guy Pierce ti jaʼ li ta Jtsop Jbeiltasvanej eke. La xchapbe smelol ti mu jaʼuk noʼox ta xikta spasel kʼusi chopol li jun krixchano ti oy slekil yoʼontone, moʼoj, yuʼun chakʼ persa ta spasel li kʼusi leke. Li Jeova Diose toj echʼem xa noʼox slekil yoʼonton (Zac. 9:16, 17). Jaʼ jech, li slekil yoʼonton xchiʼuk li kʼanel yuʼun Diose jaʼ me tstij koʼontontik ta xchanbel stalelal xchiʼuk ti lekuk kʼusi jpasbetik li yantike. Sventa tstsutses sdiskurso li ermanoe, xi laj yal sventa tspatbe yoʼonton li jchanunetike: «Li voʼoxuke laj xa avakʼik ta ilel ti oy slekil avoʼontonike. Ta jkʼantik ti jech-o xa chanbeik li slekil yoʼonton Diose xchiʼuk ti jechuk-o xa pasik batel li kʼusi lek ti bu cha stakoxuk echʼel li Jeovae».

Li yan j-etʼesej mantal ti Michael Burnett sbie, jaʼ toʼox jun misionero ti achʼ to yichʼoj vaʼanel ta jchanubtasvanej ta Galaade. Xi sbi li mantal laj yetʼese: «Oy smarkail ta stibaik yaʼel». Li labal sba kolebal laj yil j-israeletik ta Egiptoe skʼan me «oy smarkail ta stibaik yaʼel», jaʼ xkaltik, ti mu stakʼ xchʼay ta sjolik li kʼusi la spas Jeova ta stojolalik taje (Éxo. 13:16). Jaʼ jech ek un, laj yichʼ albel li jchanunetik ti skʼan me mu xchʼay ta sjolik li kʼusi la xchanik ta Chanob vun ta Galaade, moʼoj, jaʼ ti skʼan oyuk smarkail ta stibaike. Li ermanoe laj yal noxtok ti toj tsots me skʼoplal ti bikʼit xakʼ sbaik li misioneroetike xchiʼuk ti xakʼik venta ti oy noʼox spajeb li kʼusi spas yuʼunike, albatik xtok ti akʼo xakʼ ta xkuxlejalik li beiltaseletik ta Vivlia sventa xchapanik jtosuk kʼop ta stojolalik o xchiʼuk yan krixchanoetik (Mat. 5:23, 24).

Mark Noumair ti jaʼ jun jchanubtasvanej ta Galaad ti lek chaneme, xi sbi li mantal laj yetʼese: «¿Kʼusi ti cha kʼejintaike?». Li ta skʼakʼalil Vivliae nopem xaʼiik tspasbeik skʼejimolal kʼalal chkuch yuʼunik mukʼta pas kʼope. Jun li ta epal kʼejimol taje, te chakʼ ta ilel ti muʼyuk ta yoʼonton chakʼ sbaik ta vokol li jvokʼ nitilulal yuʼun Rubén, Dan xchiʼuk Asere; yan li jvokʼ nitilulal yuʼun Zabulone laj yakʼ sbaik ta vokol, jaʼ yuʼun laj yichʼik kʼupil kʼoptael (Jue. 5:16-18). Xuʼ xkaltik ek ti tskʼejintaik jlekil abteltik li buchʼutik ta jpak jxokontike. Kʼalal chkakʼbetik tajmek yipal spasbel yabtel li Diose xchiʼuk ti tukʼ koʼonton kakʼoj jbatik ta stojolal li s-organisasione, maʼuk noʼox me xmuyubaj yoʼonton kuʼuntik li Jeovae, moʼoj, yuʼun lek chkakʼ ta ilel jtalelaltik ta stojolal li ermanoetik ti chaʼiik li «kʼejimol» ti chalbe skʼoplal li jlekil abteltike xchiʼuk ti oy ta yoʼonton chchanike.

Li jchanunetik ta Chanob vun sventa Vivlia ta Galaad 124 abtejik van mas ta 3,000 ora li ta chol mantale, taje jaʼ te smakoj li chanubtasel laj yichʼike. Li mantal «Tsbeiltasutik li xchʼul espiritu Diose», ti xi sbie, jaʼ laj yetʼes li ermano Sam Roberson —ti te ch-abtej ta Departamento sventa Chanob vunetik sventa Diose—, vaʼun laj yalbe ti akʼo yal sloʼilik li jchanunetike xchiʼuk ti akʼo xakʼik ta ilel ti kʼusi kʼot ta pasel ta chol mantal yuʼunike. Ta tsʼakal une, li ermano Patrick LaFranca ti ch-abtej ta Komite ta Betel ta Estados Unidose, la sjakʼbe sloʼil jayvoʼuk ti buchʼu jelavemik xa ta chanob vun sventa Galaad ti chtunik xa ta yan balumile. Li jchanunetike la stojbeik ta vokol li tojobtasel laj yalike.

Li slajeb mantal ti xi sbie: «Vuleso ta ajolik li cʼusi chquil ta jsatique oy slajeb» ti xie, jaʼ la sjelubtas li ermano Anthony Morris, ti jaʼ ta Jtsop Jbeiltasvaneje. Li Vivliae chalbutik ti oyuk ta joltik li bendisionetik chakʼ tal Jeova ta tsʼakale xchiʼuk ti mu xi jlubtsaj yuʼun li vokoliletik ti j-echʼel be noʼoxe (2 Cor. 4:16-18). Li tsatsal povreale, ti chʼabal tukʼilale, li ilbajinele, li chamel xchiʼuk lajele jaʼ ti kʼusi chkʼot onoʼox ta pasel liʼ ta balumile, xchiʼuk xuʼ van jnuptantik jtosuk taje. Pe mi oy ta joltik ti j-echʼel be noʼox li vokoliletike, oy-o me li spatobil koʼontontike xchiʼuk lek noʼox me oyutik ta mantal.

Kʼalal laj xaʼox yichʼ sdiplomaike, li ermano Lett laj to yalbe jpʼelchaʼpʼeluk mantal li jchanunetik kʼalal te toʼox oyik ta plataformae. Laj yalbe ti mu me jutebuk slubtsajike xchiʼuk xi laj yale: «Liʼ oy ta jtojolaltik li Jeovae, jaʼ yuʼun muʼyuk chi jlubtsaj», xi. Laj yalbe li achʼ misioneroetik ti jechikuk kʼuchaʼal kʼulubetike, ti mu xlubtsajik ta spasbel yabtel Jeovae, ti akʼo yakʼik lek ta ilel ti ta sjunul yoʼontonik tspasike, ti ta stukʼil yoʼontonike xchiʼuk ti xchʼunik-o mantale.

[Lokʼol ta pajina 30]

[Lokʼol ta pajina 30]

LI KʼUSITIK SVENTA CHANUNE

[Lokʼol ta pajina 30]

Ta jayib lum likem li jchanunetike: 7 • Ta jayib lum chbatik ta abtel: 16

Jayib jchanunetik: 56 • Spromedioal sjabilalik: 33.8 • Spromedioal jabiletik oyik ta mantal: 18.2

Spromedioal jabiletik ta tsʼakal ora chol mantal: 13.8

[Lokʼol ta pajina 30]

[Lokʼol ta pajina 31]

Chanob vun sventa Vivlia ta Galaad yuʼun Watchtower 124

[Lokʼol ta pajina 31]

Chlik ta chapel ta sba fila ta yeloval kʼalal ta slajeb fila ta patil, xchiʼuk li biiletike chlik ta tsʼetkʼob kʼalal ta batsʼikʼob tstuts.

[Lokʼol ta pajina 31]

1) Nicholson, T.; Main, H.; Senge, Y.; Snape, L.; Vanegas, C.; Pou, L. 2) Santana, S.; Oh, K.; Lemaitre, C.; Williams, N.; Alexander, L. 3) Woods, B.; Stainton, L.; Huntley, E.; Álvarez, G.; Cruz, J.; Bennett, J. 4) Williamson, A.; González, N.; Zuroski, J.; Degandt, I.; May, J.; Diemmi, C.; Tavener, L. 5) Lemaitre, W.; Harris, A.; Wells, C.; Rodgers, S.; Durrant, M.; Senge, J. 6) Huntley, T.; Vanegas, A.; Pou, A.; Santana, M.; Bennett, V.; Tavener, D.; Oh, M. 7) Zuroski, M.; Rodgers, G.; Diemmi, D.; Nicholson, L.; Álvarez, C.; Snape, J. 8) Harris, M.; González, P.; Main, S.; Woods, S.; Stainton, B.; Williamson, D.; Durrant, J. 9) Cruz, P.; Degandt, B.; Williams, D.; Wells, S.; Alexander, D.; May, M.

[Lokʼol ta pajina 32]

Li Chanob vun ta Galaade te oy ta sMeʼ Chanubtasel yuʼun Watchtower