REVISTA SVENTA CHICHʼ CHANEL

LI KʼUSITIK CHICHʼ CHANELE

▪ Paso li avabtel ta xcholel li lekil aʼyeje

¿Buchʼu jaʼ li jchol lekil aʼyeje? Jaʼ tstakʼ li xchanobil liʼe xchiʼuk chakʼ kiltik kʼu yuʼun ti skʼan xaʼiik lekil aʼyej li krixchanoetike. Xchiʼuk chal kʼuxi xuʼ jpastik lek li kabteltik ta xcholel li lekil aʼyeje.

▪ ¿Mi jaʼutik yajtsʼaklom Cristo ti ta «jpastic ta sjunul coʼontic li cʼusitic leque»?

Li xchanobil liʼe chakʼ ta ilel ti jaʼ chnopaj-o tal ta stojolal Dios li krixchanoetik kʼalal oy kʼusi chaʼtos ta «jpastic ta sjunul coʼonti[ke]» (Tito 2:14, Scʼop Riox, ta skʼop Zinacantán). June jaʼ li xcholel mantale, li yane jaʼ li jtalelaltik kʼuchaʼal yajtsʼaklom Cristoe.

▪ Lek xachiʼin abaik ta loʼil sventa lekuk tsots li anupunelike

▪ Totil meʼil, alab nichʼnabil: ta kʼanelaluk xachiʼin abaik ta loʼil

Mi muʼyuk chchiʼin sbaik ta loʼil li jun nupultsʼakale muʼyuk me xmuyubajik xchiʼuk muʼyuk me tskʼupin xkuxlejal li jun utsʼ alalile. Li baʼyel xchanobile jaʼ chakʼ ta ilel kʼuyelan skʼan jtalelaltik sventa lekuk jchiʼin jbatik ta loʼil. Li ta xchibal xchanobile jaʼ chakʼ ta ilel kʼuxi ta tsalel li kʼusitik xuʼ xmakvan kʼalal chchiʼin sbaik ta loʼil li totil meʼil xchiʼuk li yalab xnichʼnabike.

▪ Lekuk kʼusi xkʼot ta nopel avuʼun sventa xachabi li arextoe

¿Kʼusi xrextoik ta mantal xuʼ staik li yajtsʼaklomtak Cristoe? ¿Kʼusi chakʼ jchantik ta sventa jrextotik ta mantal li xchopol talelal Esaue? ¿Kʼusi tskoltautik sventa lekuk kʼusi xkʼot ta nopel kuʼuntik ta sventa li jrextotike? Li xchanobil liʼe jaʼ tstakʼ li sjakʼobiltak taje.