VIVLIOTEKA TA INTERNET yuʼun Watchtower
VIVLIOTEKA TA INTERNET
yuʼun Watchtower
tsotsil
ʼ
  • ʼ
  • VIVLIA
  • VUNETIK
  • TSOBAJELETIK
  • w13 15/5 paj. 13
  • Li kʼusitik tsjakʼ jkʼelvunetike

Muʼyuk svideoal.

Paso perton, mu stij li videoe.

  • Li kʼusitik tsjakʼ jkʼelvunetike
  • Li Jkʼel osil ta toyole Yakal chalbe skʼoplal li Ajvalilal yuʼun Jeovae 2013
  • Yan vunetik ti xkoʼolaje
  • ¿Mi anaʼoj xa?
    Li Jkʼel-osil ta toyole Yakal chalbe skʼoplal li Ajvalilal yuʼun Jeovae (sventa chichʼ chanel) 2022
  • ¿Mi anaʼoj xa?
    Li Jkʼel osil ta toyole Yakal chalbe skʼoplal li Ajvalilal yuʼun Jeovae 2014
  • Jokʼol ta jtel teʼ chil svokol jun Ajvalil ti muʼyuk smule
    Li Jesuse: jaʼ li bee, jaʼ li melele, jaʼ li kuxlejale
  • ¿Mi xvul ta ajol?
    Li Jkʼel osil ta toyole Yakal chalbe skʼoplal li Ajvalilal yuʼun Jeovae 2013
Li Jkʼel osil ta toyole Yakal chalbe skʼoplal li Ajvalilal yuʼun Jeovae 2013
w13 15/5 paj. 13

LI KʼUSITIK TSJAKʼ JKʼELVUNETIKE

¿Mi tsjokʼanik ta jtel teʼ jpas tsatsal mulil li j-israeletike?

Epal lumetik ta voʼnee, tsjokʼanik ta jtel teʼ jlom jpas tsatsal muliletik. Jaʼ jech tspasik toʼox li jromaetike, chchukik ta jtel teʼ o tsbajik ta laux, te jokʼol jayibuk kʼakʼal jaʼ to mi cham ta skoj li kʼusitik kʼux chaʼie, li takitiʼile, li viʼnale xchiʼuk ta skoj yan kʼusitik. Toj echʼ xa noʼox kʼexlal sba ti vaʼ yelan chlajik ta milele, jaʼ yuʼun jaʼ noʼox jech chichʼik milel li jpas tsatsal mulil ti toj chopolik ta bu kʼalale.

Pe ¿mi jech tsmilik li jpas tsatsal mulil li ta voʼneal Israele? Xi chal li Smantal Moisese: «Me oy jun vinic la sta tsots smul ti chapanbil xa ti [chichʼ milele]» skʼan me «mu me teuc jocʼol chcom sjunul acʼubal [li sbekʼtale]. Acʼo yichʼ muquel ta scʼacʼalil noʼox» (Deut. 21:22, 23). Jamal xvinaj chaʼa, kʼalal maʼuk toʼox jkʼakʼaliltike baʼyel chichʼ milel li jpas tsatsal mulile, vaʼun ta tsʼakale chichʼ jokʼanel ta jtel teʼ o ta jtekʼ teʼ.

Xi chal li Levítico 20:2 ta sventa taje: «Bochʼouc noʼox, me israel, o me yanlum ti te nacal ta Israele, me ta xacʼ xnichʼon ta smoton li dios Moloque, acʼo yichʼ milel ta ton yuʼun li achiʼiltaquic te ta avosilalique». Li buchʼutik «xchanoj icʼchʼulelale xchiʼuc ti chchan xa tʼunule» skʼan jech xichʼik chapanel ek, jaʼ xkaltik, ti skʼan xichʼik akʼbel ton jaʼ to mi chamike (Lev. 20:27).

Jech noxtok, xi chal li Deuteronomio 22:23, 24: «Me oy jun tojol tseb ti chapal xa chicʼ sbaic xchiʼuc jun vinique, pero me icʼopanat yuʼun yan vinic te ta lume, me la xchiʼin sba ta vayel xchiʼuque, xchibalic acʼo yichʼic iqʼuel batel ta stojol li banquilaletic te ta lum yoʼ bu xuʼ chchapaj ti acʼo yichʼic milel ta ton xchibalique. Li tsebe jaʼ smul chcʼot ti muc xʼavan, ti muc scʼan coltael yuʼun li bochʼotic te oyic ta lume. Yan li vinique jaʼ smul ti laj yutsʼintabe yajnil li xchiʼile. Jech ta xʼul o li cʼusi chopol te ta atojolique». Jech kʼuchaʼal chkiltike, li buchʼutik tsots chtabat smulik ta Israel ta skoj ti tspʼajik mantale, chichʼik akʼbel ton.a

Jamal xvinaj chaʼa, kʼalal maʼuk toʼox jkʼakʼaliltike baʼyel chichʼ milel li jpas tsatsal mulile, vaʼun ta tsʼakale chichʼ jokʼanel ta jtel teʼ o ta jtekʼ teʼ

Xi chal li Deuteronomio 21:23, ta Xchʼul Cʼop ti Jtotic Diose, ta skʼop Chamula: «Ta xʼalbat ti bisbil xa ta cotol chaval yuʼun ti Dios ti buchʼu jocʼol» ta jtel teʼe. Jaʼ yuʼun, li buchʼutik chilik ti jokʼol ta jtel teʼ o ta jtekʼ teʼ sbekʼtal li chopol krixchanoe, «bisbil xa ta cotol chaval yuʼun ti [Diose]». Taje jaʼ sventa mu spasik-o choplejal li j-israeletike.

a Ep krixchanoetik ti xchanojbeik skʼoplale, chalik ti baʼyel chichʼ milel li jpas tsatsal mulile, vaʼun jaʼ to chichʼ jokʼanel ta jtel teʼ ta skoj ti jech chal li Mantale. Akʼo mi jech, li ta baʼyel sigloe oy bu vinaj ti kuxul chjokʼanvanik ta jtel teʼ li judioetike xchiʼuk ti te chcham yuʼunike.

    Vunetik ta tsotsil (2001-2025)
    Lokʼan
    Ochan
    • tsotsil
    • Tako batel
    • Ti kʼu yelan chak'ane
    • Copyright © 2025 Watch Tower Bible and Tract Society of Pennsylvania
    • Ti kʼutik yelan xuʼ xichʼ tunesele
    • Política de privacidad
    • Configuración de privacidad
    • JW.ORG
    • Ochan
    Tako batel