Ta skoj ti poʼot xa xtal slajebal li kʼusitik toj chopol yuʼun Satanase, toj tsots me skʼoplal ti mu xijvay ta mantale. Li xchanobil liʼe te chakʼ ta ilel ti toj tsots skʼoplal ti lekuk jpastik orasione xchiʼuk ti nopajtikuk noʼox jpastik orasion sventa vikʼil-o jsatik ta mantale.

▪ ¿Kʼuxi chkakʼtik ta ilel ti jmalaoj tskoltautik li Diose?

Li xchanobil liʼe chakʼ kiltik kʼuxi xuʼ jchanbetik li j-alkʼop Miqueas ti oy smalael yuʼune. Jech noxtok, te ta jkʼelbetik skʼoplal li kʼusi chkʼot ta pasel kʼalal jutuk xaʼox tajek skʼan xakʼbe slajeb choplejal li Jeovae, vaʼun chkʼot ta pasel li kʼusi jmalaojtike. Ta slajebal une, te ta jchantik kʼusi skʼan jpastik sventa jtojtik ta vokol ti oy smalael yuʼun li Diose.

▪ ¿Kʼuxi tskoltautik li vukvoʼ bankilaletik xchiʼuk li vaxakvoʼ viniketik ti ichʼbil yeike?

Li loʼil ta Vivlia ti chalbe skʼoplal ti bat stsak ta kʼop Jerusalén li Senaquerib ta skʼakʼalil Ezequiase, ep kʼusitik jtunel chakʼ jchantik. Li ta xchanobil liʼe oy me kʼusitik toj tsots skʼoplal skʼan xchanik li buchʼutik oy ta sbaik xchabiel li tsobobbaile.

▪ Jchʼunbetik smantal li jchabichijetik ti biiltasbilik yuʼun Jeovae

▪ Jchabichijetik, chanbeik li Bankilal Jchabichijetike

Li ta xchanibal xchanobil liʼe te chakʼ ta ilel ti kʼuxi chchabi xchijik ta Balumil avi li Jeova xchiʼuk Jesuse. Xchiʼuk te chalbe skʼoplal ti kʼu yelan skʼan jtsaktik ta mukʼ ti lek chchabiutike. Li ta svoʼobal xchanobile te chakʼ ta ilel ti kʼu yelan skʼan spas yabtelik ta jchabichij li moletik ta tsobobbaile.

YAN MANTALETIK

8 Kʼuxi xuʼ xkakʼbetik kʼusitik chtun yuʼunik li yantike

15 «Ti chtun ta stojolal Diose jaʼ xpoxil chaʼi»

31 Kʼusitik kʼot ta pasel ta voʼne

TA PAJINA 1: Yakal chcholik mantal ta skotleb tren ta Tokio, jun jteklum ti bu mas ta 2,800,000 j-abteletik chanavik jujun kʼakʼale. Li cholmantal taje jaʼ chkoltavan sventa xichʼ cholbel mantal li krixchanoetik ti muʼyuk mas te ta snaike

JAPÓN

JAYIB JNAKLEJETIK:

126,536,000

JAYIB JCHOLMANTALETIK:

216,692

JAYIB PREKURSOR REGULARETIK:

65,245