REVISTA SVENTA CHICHʼ CHANEL:

Li Ajvalilal yuʼun Mesiase jaʼ li kʼusi tstunes Jeova sventa xakʼ kʼotuk ta pasel kʼusi tskʼan yoʼonton ta sventa li Balumile xchiʼuk ta sventa li krixchanoetike. Ta jchanbetik skʼoplal jayibuk tratoetik xchiʼuk ta jkʼeltik kʼuxi te stsakojbe skʼoplal li ajvalil ta vinajele. Taje tstsatsubtas xchʼunel koʼontontik ta sventa li Ajvalilal yuʼun Diose.

Li ta xchanobil liʼe ta jkʼeltik kʼusi spasojik tukʼil yajtuneltak Jeova ta voʼne xchiʼuk li avie. Li xchanel taje tskoltautik sventa oyuk sbalil xkiltik li mukʼta matanal kichʼojtik ti xuʼ koʼol chij-abtej abtej xchiʼuk li Diose.

Ep tsatsal preva tsnuptan xchʼunel koʼontontik li ta slajebal kʼakʼale. ¿Kʼusi xuʼ jchantik ta stojolal li tukʼil viniketik ta voʼne ti jechtik laj yilik prevaetik eke, jech kʼuchaʼal li Abraham xchiʼuk Moisese? Li xchanobil liʼe tstij koʼontontik sventa jaʼuk te batem jsatik ta stojolal li Jeovae xchiʼuk li Ajvalilal yuʼune, taje jaʼ tskoltautik sventa xkuch kuʼuntik.