LI KʼUSITIK CHICHʼ CHANELE:

Li steklumal Jeovae xmuyubajik tajek ti xkoʼolaj kʼuchaʼal oyik ta jun paraiso yaʼeluke, ti jaʼ noʼox xuʼ te skʼupinik li ta jvokʼ s-organisasion ta Balumile. ¿Kʼuxi xuʼ xkakʼtik ta ilel ti ta jtojbetik ta vokol Dios li matanal taje xchiʼuk kʼuxi xuʼ jkolta jbatik sventa mas kʼupiluk sba xvinaje? Li sjakʼobiltak taje ta xichʼ takʼel li ta xchanobil liʼe.

Li ta xchanobil liʼe chalbutik li kʼusitik poʼot xa ta xkʼot ta pasele. Jech xtok, ta xalbutik kʼu yuʼun xuʼ junuk koʼontontik stsal kuʼuntik li mukʼta tsatsal vokolile.

Li ta balumil avie ti jaʼ te tspas mantal li Satanase, ep butik ti muʼyuk tukʼ chakʼ sbaik li krixchanoetike. Pe li yajtsʼaklomutik Kristoe kalojbetik Jeova ti tukʼ chkakʼ jbatik ta stojolale. Li ta xchanobil liʼe ta jkʼeltik kʼu yuʼun muʼyuk ta jkap jbatik li ta kʼopetik yuʼun balumile xchiʼuk kʼuxi xuʼ jchanubtas jol koʼontontik sventa muʼyuk ta jtikʼ jbatik ta politika o ta yan kʼusitik.

Li stestigoutik Jeovae ta jtsob jbatik ta salonetik sventa xkichʼtik ta mukʼ li Diose. Li ta xchanobil liʼe ta jchantik jayibuk tekstoetik ti chakʼ kiltik ti skʼan lek noʼox sakuk li jsalontike xchiʼuk ti chabibiluk noʼox kuʼuntike. Jech xtok ta jchantik kʼu yuʼun skʼan xijkoltavan ta takʼin sventa xichʼ vaʼanel yan salonetik yoʼ xichʼ ichʼel ta mukʼ li Jeovae.