¿MI XVUL TA AJOL?
¿Mi akʼupinoj skʼelel Li Jkʼel osil ta toyole, ti achʼik to lokʼem tale? Mi jeche, paso preva mi xtakʼ avuʼun li kʼusitik liʼe:
¿Kʼusitik chlaj kʼalal mi kʼot skʼakʼalil li slajeb kʼusitike?
Chlaj skʼoplal li ajvaliletike, li paskʼope, li choplejale, li buchʼutik skʼanojik kʼusitik chopole, li relijionetik ti sokesojbeik yoʼonton Dios xchiʼuk krixchanoetike (1/5, paj. 3-5).
¿Buchʼu jaʼ skʼoplal li Gog ta Magog ti te chal ta slivroal Ezequiele?
Maʼuk skʼoplal li Diabloe. Xaval yaʼele jaʼ skʼoplal skotol li jteklumetik ta balumil ti tslajesbeik yaʼi skʼoplal li steklumal Jeova kʼalal chlik li mukʼta tsatsal vokolile (15/5, paj. 29, 30).
¿Kʼusi vaktos tskoltautik sventa junuk noʼox koʼontontik xijyijub?
Li Vivliae chal ti skʼan 1) bikʼit xkakʼ jbatik, 2) oyuk lek jpʼijiltik, 3) muyubajkutik noʼox, 4) oyuk kʼusi jpastik ta stojolal yantik, 5) oyuk kamigotaktik xchiʼuk 6) jnaʼtikuk stojel ta vokol. Mi chkakʼ ta jkuxlejaltik taje jaʼ tskoltautik sventa junuk noʼox koʼontontik kʼalal mi lijyijube (1/6, paj. 8-10).
Ta skoj li skʼelobiltak juʼelal la spas Jesuse, ¿kʼuxi laj yakʼ ta ilel ti oy slekil yoʼontone?
Li Jesuse la skʼatajes 380 litro voʼ ta lekil vino li ta jun skʼinal nupunel ta Kanae. Ta yan kʼakʼal xtoke, ta jun skʼelobil juʼelal la smakʼlin mas ta voʼmil krixchanoetik (Mateo 14:14-21; Juan 2:6-11). Kʼalal jech la spase, laj yakʼ ta ilel ti oy slekil yoʼonton jech kʼuchaʼal li Stote (15/6, paj. 4, 5).
Akʼo mi jpasmulilutik, ¿kʼuxi jnaʼojtik ti xuʼ jlekubtasbetik yoʼonton li Diose?
Li Job, Lot, David xchiʼuk yantik yajtuneltak Diose oy la spas smulik. Akʼo mi jech, ta skoj ti la xchʼunbeik smantale, lek ilatik yuʼun li Diose. La sutes yoʼontonik ta melel xchiʼuk la stukʼibtas li xkuxlejalike. Jaʼ jech xuʼ jpastik ek (1/7, paj. 12, 13).
Kʼalal mi laj yichʼ lajesel skotol li jecheʼ relijionetike, ¿mi chlaj skotolik li buchʼutik te oyike?
Moʼoj. Yuʼun li ta Zacarías 13:4 kʼalal ta 6 chakʼ ta ilele ti oy jnitvanejetik ta relijion chiktaik li srelijionike xchiʼuk tspas sbaik ti muʼyuk tikʼilik ta jecheʼ relijione (15/7, paj. 15, 16).
Sventa xbat ta paskʼop li Barake, ¿kʼu yuʼun la skʼan ti akʼo xbat chiʼinatikuk yuʼun li Deborae?
Li Barake oy lek xchʼunel yoʼonton. Maʼuk la skʼanbe Dios ti akʼo x-akʼbat mas yabtejebtak sventa paskʼope; jaʼ la skʼan ti akʼo bat chiʼinatuk yuʼun jun yajkʼopojel Dios sventa stsatsubtasbat yoʼontonik xchiʼuk li sviniktake (Jueces 4:6-8; 5:7) (1/8, paj. 13).
¿Kʼusitik xuʼ snopbe skʼoplal li jun yajtsʼaklom Kristoe?
Xuʼ snopbe skʼoplal li kʼusitik spasoj Jeovae, li kʼusitik chal Vivliae, li mukʼta matanal ti xuʼ jkʼopontik li Jeovae xchiʼuk li matanal pojelal laj yakʼ ta skoj ti skʼanojutike (15/8, paj. 10-13).
Yoʼ xakʼ ta ilel ti muʼyuk chchiʼin chopol krixchanoetik li jun yajtsʼaklom Kristoe, ¿buchʼu skʼan mu slekomin?
Melel onoʼox ti skʼan xkakʼ ta ilel slekil koʼontontik ta stojolal li krixchanoetike. Pe li jun stestigo Jeovae mu me lekuk ti jaʼ xkʼot ta slekom li buchʼu muʼyuk yichʼoj voʼe xchiʼuk ti muʼyuk chtun ta stojolal Diose (1 Korintios 15:33) (15/8, paj. 25).
¿Kʼu yuʼun kʼunib xchʼunel yoʼonton li Pedroe xchiʼuk kʼuxi la stsatsubtas yan velta?
Li jtakbol Pedroe laj yakʼ ta ilel xchʼunel yoʼonton kʼalal xanav ta ba nabe (Mateo 14:24-32). Pe kʼalal la skʼel li ikʼaloʼe, xiʼ. Akʼo mi jech, tukʼ la skʼel batel li Jesuse xchiʼuk la skʼanbe koltael (15/9, paj. 16, 17).
Jech kʼuchaʼal chal Echos 28:4, ¿kʼu yuʼun la snopik ti jaʼ jun jmilvanej li Pablo li krixchanoetik ta Maltae?
Kʼalal tiʼat ta chon li Pabloe, laj van snopik ti jaʼ akʼbat kastigo yuʼun li Dike, o Dicea, jun smeʼ diosik sventa tukʼilal (1/10, paj. 9).
¿Kʼusi chakʼ jchantik kʼalal jaʼ bat ta yoʼonton smeltsanel veʼlil xchiʼuk yan kʼusitik li Martae?
Jun veltae, li Martae jaʼ bat ta yoʼonton smeltsanel veʼlil xchiʼuk yan kʼusitik. Pe albat yuʼun Jesus ti jaʼ lek la spas li Mariae, yuʼun «jaʼ la stʼuj li kʼusi leke». Li voʼotik eke skʼan jkʼeltik lek sventa mu xchʼay-o koʼontontik li ta kʼusitik mu masuk tsots skʼoplal sventa jaʼuk jpasbetik li yabtel Diose (15/10, paj. 18-20).