Li ta Balumile oy ep vokoliletik, ¿mi jaʼ van ta smul li Diose?
¿Kʼusi chal li Vivliae?
¿Mi jaʼ ta smul Dios ti oy vokolile?
¿Kʼusi chanop li voʼote?
Jaʼ
Maʼuk
Yikʼaluk van
Li kʼusi chal li Vivliae
«Li Diose mu snop cʼusi chopol; li Bochʼo echʼem svuʼele mu spas cʼusi muʼyuc lec» (Job 34:10). Li Diose maʼuk me chakʼ li choplejale xchiʼuk li vokoliletik oy ta Balumile.
¿Kʼusi to mas chal li Vivliae?
Li Satanas ti jaʼ «li ajvalil ta balumile», jaʼ li buchʼu chakʼ ti oyuk li vokoliletike (Juan 14:30).
Li choplejal xchiʼuk li vokoliletike, bakʼintike jaʼ ta skoj ti oy kʼusi muʼyuk lek chkʼot ta nopel yuʼun li krixchanoetike (Santiago 1:14, 15).
¿Mi ta onoʼox xkʼot skʼakʼalil ti muʼyuk xa chkil jvokoltike?
Li kʼusi tsnopik li jlom krixchanoetike: oy jlom krixchanoetike chalik ti xuʼ la xakʼbeik slajeb li svokol krixchanoetik mi oy kʼusi koʼol la snop tspasike, pe jaʼuk li jlome muʼyuk spatoj yoʼontonik mi xuʼ xjel skotol li kʼusitik oye. ¿Kʼusi chanop li voʼote?
Li kʼusi chal li Vivliae
Li Diose chakʼbe slajeb li vokoliletike. «Muʼyuk xa lajelal, muʼyuk xa at-oʼonton, muʼyuk xa okʼel ta skoj vokolil xchiʼuk mi jaʼuk xa kʼusi kʼux ta aʼiel» (Apokalipsis 21:3, 4).
¿Kʼusi to mas chal li Vivliae?
Li Diose jaʼ tstunes Jesus sventa chakʼbe slajel li choplejal yakʼoj li Diabloe (1 Juan 3:8).
Ta xnoj ta lekil krixchanoetik li Balumile xchiʼuk chkuxiik sbatel osil (Salmo 37:9-11, 29).