Chichʼ lajesel skotol li abtejebal sventa milbaile.
¿Kʼusi chal li Vivliae?
¿Mi chkʼot van skʼakʼalil ti jun xa noʼox koʼontontik chijkuxie?
¿Kʼusi chanop?
Tana
Moʼoj
Yikʼaluk van
Li kʼusi chal li Vivliae
Mi lik ajvalilajuk ta Balumil li Jesuse, oy jun oʼontonal «cʼalal to tsta yorail chlaj scʼoplal li ue», jaʼ xkaltik, ta sbatel osil (Salmo 72:7).
¿Kʼusi to mas chal li Vivliae?
Ta skoj ti chlaj li chopol krixchanoetike, «jun noʼox yoʼnton te oyic o» li lekil krixchanoetike (Salmo 37:10, 11).
Tslajes paskʼopetik li Diose (Salmo 46:8, 9).
¿Mi xuʼ van xkuxet noʼox jol koʼontontik li avie?
Li kʼusi tsnop jlom krixchanoetike: Jlom krixchanoetike tsnopik ti mu stakʼ ti xkuxet noʼox jol koʼontontik ta skoj ti oy vokolil xchiʼuk ti ep kʼusitik muʼyuk tukʼ chkʼotanuk ta pasele. ¿Kʼusi chanop li voʼote?
Li kʼusi chal li Vivliae
Li yamigotak Diose xuʼ staik avi «li jun oʼontonal yuʼun Dios ti toj echʼ xa noʼox leke, ti jaʼ mu sta li snopben krixchanoetike» (Filipenses 4:6, 7).
¿Kʼusi to mas chal li Vivliae?
Li Diose jamal chal ti tslajes li vokolile xchiʼuk li kʼusitik muʼyuk tukʼ chkʼot ta pasele. Yuʼun xi chale: «Ta jpas ta achʼ skotol li kʼusitike» (Apokalipsis 21:4, 5).
Xuʼ jtatik jun oʼontonal mi oy ta jol koʼontontik ti chtun kuʼuntik li mantale (Mateo 5:3).