Svulesobil ta joltik li kʼusi jchanojtik ta Chanob vun sventa Kabteltik yuʼun Diose

Li sjakʼobiltak liʼe ta xichʼ alel ta tsobajel yuʼun Chanob vun sventa Kabteltik yuʼun Dios ta xemanail 26 yuʼun avril ta 2010. Li buchʼu oy ta sba li chanob vune jaʼ ta svules ta joltik li kʼusi la jchantik ta xemanail 1 yuʼun marso kʼalal ta 26 yuʼun avril ta 2010, taje chjalij 20 minuto.

1. ¿Kʼusi skʼan jtsaktik ta venta kʼalal ta jtʼuj kamigotaktike? (Rut 1:16, 17.) [w09 15/8 paj. 21 § 13.]

2. ¿Kʼusi chchanubtasutik li sloʼilal Noemí ta sventa ti skʼan jpat koʼontontik ta stojolal Diose? (Rut 1:20, 21.) [w08 15/2 paj. 5, 6 § 14, 15.]

3. ¿Kʼusi ch-akʼbat yilik ta sventa xchopol talelal Elí li totil-meʼiletike? (1 Sam. 2:22-25.) [fy kap. 7 § 10, 11.]

4. Li Jeovae, ¿kʼu yuʼun la slokʼes ta ajvalil li Saule? (1 Sam. 13:13.) [w07 15/6 paj. 27, 29 § 8, 15.]

5. Kʼalal mol xaʼox xchiʼuk sak xaʼox sjol li Samuele, ¿kʼusi lek skʼelobil laj yakʼ ta sventa ti skʼan jpastik orasion ta stojolal li yantike, xchiʼuk kʼusi chakʼ ta ilel taje? (1 Sam. 12:2, 23.) [w07 1/6 paj. 29 § 14, 15.]

6. ¿Kʼu yuʼun laj yalbe steklumal Jeova ti jaʼ lek li xchʼunel mantale, ti jaʼ mu sta jech li smoton chichʼ milbele? (1 Sam. 15:22.) [w07 15/6 paj. 27, 28 § 7, 11.]

7. ¿Kʼu yelan skʼan jnopbentik ta stojolal li krixchanoetik ta jcholbetik mantale, xchiʼuk kʼu yuʼun? (1 Sam. 16:7.) [w08 15/1 paj. 15 § 12.]

8. ¿Kʼu yelan laj yakʼ ta ilel ti skʼanoj xchiʼuk ti bikʼit snaʼ xakʼ sba Jonatán kʼalal la skolta xchiʼuk la spatbe yoʼonton li yamigo Davide? (1 Sam. 23:17.) [lv paj. 28 § 10, tsʼib ta yok vun.]

9. ¿Kʼusi lek laj yakʼ ta ilel David ti kʼalal laj yichʼ ilbajinele xchiʼuk ti kʼalal oy kʼusitik muʼyuk tukʼ laj yichʼ pasbele? (1 Sam. 24:2-7.) [w08 15/12 paj. 10 § 12, 13.]

10. ¿Kʼu yuʼun xibal sba ti ta jkʼan ta jkʼopontik li animaetike? (1 Sam. 28:8-19.) [bh kap. 10 paj. 101 § 12.]