Kʼuyelan chichʼ akʼel li revistaetike

Li Jkʼel osil ta toyole Avril-junio

«Jtos ti kʼusi mas tsots skʼoplal laj yil li Jesuse jaʼ li Ajvalilal yuʼun Diose. ¿Mi xa naʼ kʼusi jaʼ xchiʼuk kʼusi tspas ta mas jelavel li Ajvalilal taje? [Akʼo stakʼ.] Kʼelo avil kʼusi tspas ta sventa krixchanoetik li ajvalil Cristoe [kʼelo Juan 5:28, 29]. Ta melel xa muyubaj van snaʼel kʼusitik sbalil cha ta ta stojolal li Ajvalilal taje.» Akʼo iluk li mantal ta pajina 8.

¡Despertad! Mayo

«¿Mi ta van xchaʼta yav yan velta xa naʼ li takʼine? [Akʼo stakʼ.] ¿Mi anaʼoj ti xuʼ skoltautik Vivlia li avi kʼalal jaʼo oy jvokoltik ta takʼine? [Kʼelbo junuk teksto ti te tsakal tal li ta mantale.] Li mantal liʼe chal kʼuxi xuʼ skoltautik li tojobtaseletik ta Vivlia sventa stsal kuʼuntik kʼalal jaʼo oy jvokoltik ta takʼine.» Akʼo iluk li mantal ta pajina 18.

Li Jkʼel osil ta toyole Avril-junio

«Ta skoj ti ep kʼusitik chʼunbil ta sventa Jesuse, ep buchʼutik chalik ti mu stakʼ naʼel bu junukal ti melele xchiʼuk ti kʼusi noʼox la mas tsots skʼoplale jaʼ ti jchʼuntik ta stojolale. ¿Mi jech cha nop voʼote? [Akʼo stakʼ.] Li Vivliae chakʼ ta ilel kʼu yuʼun tsots skʼoplal ti akʼo xkojtikintik lek li Kajvaltik Jesucristoe [kʼelo 2 Pedro 1:8].» Akʼo iluk li mantal ta pajina 12.

¡Despertad! Junio

«Li avie mas xa sujomutik xchiʼuk mu xa noʼox jnaʼ kʼusitik ta jpastik li ta jkuxlejaltike, ¿mi mu jechuk? [Akʼo stakʼ.] ¿Kʼu van yuʼun? Epal krixchanoetike chalik ti jaʼ la jun srasonal li kʼusi chal liʼe [kʼelo 2 Timoteo 3:1]. Li revista liʼe chal kʼuxi chakʼ jvokoltik ti sujomutik xchiʼuk ti mu xa noʼox jnaʼ kʼusi ta jpastike. Jech xtok chal kʼuxi xuʼ jkʼel jbatik.»