Kʼuyelan chichʼ akʼel li revistaetike

Li Jkʼel osil ta toyole Enero-marso

«Oy xa sjayibaluk yuale, ep krixchanoetik la spasbeik svokʼesobil ninyo o la slokʼtabeik sveʼeb vakax sventa chakʼik ta ilel li kʼusi chal Vivlia ta sventa li svokʼel Jesuse [kʼelo Mateo 2:1, 11]. ¿Mi la avakʼ venta ti jelel kʼuyelan chal Vivlia jech kʼuchaʼal nopem xaʼiik tspas ta snaʼike? [Akʼo stakʼ.] Li mantal liʼe cha yalbot li kʼuyelan kʼot ta pasel ta melele.» Akʼo ta ilel li mantal ta pajina 31.

¡Despertad! Marso

«Akʼo mi ep krixchanoetik yichʼojik to ta mukʼ li Vivliae, tsnopik ti chʼabal xa sbalil junantik li kʼusitik te chale. ¿Kʼuxi cha nop voʼote? [Akʼo stakʼ. Kʼelo Romanos 15:4.] Li mantal liʼe chalbe smelolal kʼu yuʼun ti oy to sbalil li kʼusitik chal Vivliae, akʼo mi voʼne xa tajek yichʼoj tsʼibael li junantike.» Akʼo ta ilel li mantal ta pajina 28.

Li Jkʼel osil ta toyole Avril-junio

«Ep krixchanoetik chalik ti stuk noʼox mas tsots skʼoplal echʼem ti kʼu xa sjalil tal kuxlejal li Jesuse. ¿Mi jech chaval li voʼot eke? [Akʼo stakʼ.] Ep kʼusitik albil ta sventa li Cristoe, pe li teksto liʼe chal kʼu yuʼun tsots skʼoplal xkojtikintik li kʼusi melel ta stojolale [kʼelo Juan 17:3]. Mi cha kʼan cha naʼ li kʼusi chal ta melel Vivlia ta sventa li Jesuse xchiʼuk li kʼusitik chanubtasvane, li revista ti stuk noʼox jech lokʼ liʼe, ti jaʼ Li Jkʼel osil ta toyole jaʼ cha skoltaot.»

¡Despertad! Avril

«¿Mi mu jechuk ti mu noʼox xlokʼ-o yorail skotol li kʼusitik ta jkʼan ta jpastike? [Akʼo stakʼ.] Ta jkʼan chkakʼbot avil jun tojobtasel ti lek tunem yuʼun epal krixchanoetike [kʼelo Filipenses 1:10]. Li revista liʼe chal jun-chib mantaletik sventa kʼuxi xuʼ lek xa tunes li akʼakʼale.»