Kʼuyelan chichʼ akʼel li revistaetike

Li Jkʼel osil ta toyole Enero-marso

«¿Mi oy xa jakʼbe aba kʼu yuʼun muʼyuk xa mas jal chi jkuxi avi jech kʼuchaʼal li buchʼutik chalbe skʼoplal ta Vivliae? [Akʼo stakʼ.] Li ta Vivliae chalbe skʼoplal krixchanoetik ti jutuk mu jmil jabil ikuxiike, jech kʼuchaʼal Matusalén o li Noee. Akʼo mi jech, xuʼ van mas jal xi jkuxiutik li voʼotike. ¿Mi xa naʼ kʼuxi? [Kʼelo Juan 5:24.] Li mantal liʼe chakʼ ta ilel mi melel jal ikuxiik li krixchanoetik taje xchiʼuk chal kʼusi skʼan jpastik sventa xi jkuxi sbatel osil li voʼotike.» Akʼo iluk li mantal ta pajina 18.

¡Despertad! Marso

Kʼalal mi jaʼ cha cholbe mantal junuk kerem o tsebe, kʼelik li pajina 26 yoʼ bu xcholet chyal li letra: a, b, c, d, e xchiʼuk f. Ta tsʼakale jujun xa jakʼbe batel mi melel o mu meleluk li kʼusi chal tee. Akʼo stakʼ batel. Kʼelo 2 Corintios 7:1. «Li mantal liʼe chalbe skʼoplal kʼusitik skʼan xa naʼ ta sventa li sikʼolajele xchiʼuk ti kʼuxi xuʼ xichʼ iktaele.»

Li Jkʼel osil ta toyole Avril-junio

«Li avie buchʼuuk xa noʼox xtuchʼ snupunel ta registro civil, ¿mi mu jechuk? ¿Kʼu yuʼun xa naʼ ti jech chkʼot ta pasele? [Akʼo stakʼ.] Ep nupultsʼakaletik tunem yuʼunik li tojobtasel liʼe [kʼelo 1 Corintios 10:24]. Li revista liʼe chalbe skʼoplal vaktos kʼusitik tsnuptanik li buchʼutik nupunemike xchiʼuk chakʼ ta ilel kʼusi sbalil tstabeik mi chakʼ ta xkuxlejalik li beiltasel chakʼ Vivliae.»

¡Despertad! Avril

«Kʼalal chcham junuk kutsʼ kalaltike, ¿mi mu jechuk xa naʼ ti jaʼ li kʼusi mas toj kʼux ta aʼiele? [Akʼo stakʼ.] Epal krixchanoetik staojbeik sbalil li kʼusi chal teksto liʼe [kʼelo Salmo 55:22]. Li revista liʼe chal kʼusitik xuʼ jpastik sventa xkuch batel kuʼuntik li at-oʼontone xchiʼuk chal kʼuxi xuʼ xkakʼbetik sventain Dios skotol li jvokoltike.»