Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun avrile

«Li ichʼ voʼe jaʼ jtos ti kʼusi nopem xaʼiik spasel li yajtsʼaklom Cristoe. ¿Mi tsots van skʼoplal xanaʼ li ichʼ voʼe? [Akʼo stakʼ.] Li mantal liʼe chal jlom li kʼusitik tsots skʼoplal ta sventa taje.» Akʼbo yil Li Jkʼel osil ta toyole ti jaʼ li revista sventa avril-junioe xchiʼuk chanik li baʼyel sjakʼobil ta pajina 16. Xuʼ xakʼelbe junuk noʼox teksto. Akʼbo li revistaetike xchiʼuk albo ti chbat avulaʼan yan velta sventa chachanik li xchibal sjakʼobile.

Li Jkʼel osil ta toyole Avril-junio

«Ep kʼusitik chalik ta sventa li Jesuse. Oy jlome chalik ti jaʼ li Mesías albil onoʼox skʼoplale. Yantik xtoke, chalik ti jaʼ noʼox jun vinik ti lek yoʼontone, xchiʼuk li jlom xtoke chalik ti muʼyuk la xkuxi ta melele. ¿Kʼusi chanop voʼote? [Akʼo stakʼ.] Jech kʼuchaʼal chal li Vivliae toj tsots skʼoplal ti jnaʼtik li kʼusi melel ta sventa li Jesuse [kʼelo Juan 17:3]. Li revista liʼe chakʼ ta ilel li stakʼobiltak chakʼ Vivlia ta sventa li jlom kʼusi tsjakʼbe sbaik epal krixchanoetik ta sventa li Jesuse.»

¡Despertad! Avril

«Li voʼonkutike yakalunkutik skoltael li utsʼ alaletike. ¿Mi mu jechuk chavil ti toj ep kʼopetik li ta utsʼ alaletike? [Akʼo stakʼ.] Pe oy ep utsʼ alaletik ti staojik koltaele [kʼelo Salmo 119:105]. Li revista liʼe chal kʼuxi yichʼojik koltael yuʼun Vivlia li buchʼutik oy xchaʼnichʼonik o xchaʼalabike.»