Junchib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun eneroe

«Ta jkʼan ta jnaʼkutik, ¿mi xanabe kʼusi sbi li Diose? [Akʼo stakʼ.] Kʼelo avil kʼusi chal liʼe.» Akʼbo yil li revista Li Jkʼel osil ta toyole li sventa 1 yuʼun eneroe, vaʼun kʼelik li mantal ta slajeb pajinae xchiʼuk kʼelik junuk li tekstoetik te yichʼoj tale. Akʼbo li revistaetike xchiʼuk albo ti chasut yan velta sventa chachanik yan sjakʼobil ta sventa li kʼusi la aloʼiltaike.

Li Jkʼel osil ta toyole 1 yuʼun enero

«Ep buchʼutik chalilanbeik skʼoplal ti chlaj li Balumile xchiʼuk jaʼ chiʼik-o li krixchanoetike. ¿Kʼusi chanop voʼote? [Akʼo stakʼ.] Li Vivliae chal ti chtal onoʼox jun lajebale, pe chalbutik xtok ti oy buchʼu kuxul chkomike [kʼelo 1 Juan 2:17]. Li revista liʼe ta stakʼbutik chanib sjakʼobiltak ta sventa li slajeb Balumile.»

¡Despertad! Enero

«Li voʼonkutike yakalunkutik skoltael li utsʼ alaletike. ¿Mi tsots van skʼoplal xanaʼ ti xakʼ ta xkuxlejal utsʼ alaliletik li kʼusi laj yal Jesús liʼe? [Kʼelo Hechos 20:35 ta xchaʼvokʼal, vaʼun akʼo stakʼ.] Xchanubtasel li alab nichʼnabiletik sventa oyuk ta yoʼontonik skoltael li yantike toj vokol, yuʼun li krixchanoetike jaʼ noʼox tspas li kʼusi tskʼan stukike. Li mantal liʼe chalbe jaytosuk skʼoplal kʼusi xuʼ spasik li totil meʼiletik sventa skolta li yalab xnichʼnabike.»