Junchib slikeb jloʼiltik

Kʼu yelan xuʼ jlikestik chanubtasel ta Vivlia li ta baʼyel sabado yuʼun enero

«Epal krixchanoetik ti jelel kʼusi tsnopik ta sventa li Diose. Jlome tsnopik ti jaʼ li juʼelal ti mu stakʼ naʼel ti bu likem talele. Yantik xtoke tsnopik ti jaʼ jun jkʼanvanej Totil ta vinajele. ¿Kʼusi van stalelal oy yuʼun li Diose?» Akʼo stakʼ. Akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa li 1 yuʼun eneroe xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj talele. Akʼbo li revistaetike, vaʼun albo ti chasut yan velta sventa chachanik li yan sjakʼobile.

Li Jkʼel osil ta toyole 1 yuʼun enero

«Yakal chivulaʼajkutik jlikeluk sventa chkalbekutik skʼoplal jlomuk kʼusitik ti chakʼ kil jvokoltike, jaʼ ta sventa ti chcham li buchʼu jkʼanojtik tajeke. ¿Mi mu toj kʼuxuk ta aʼiel kʼalal chcham li kamigotaktike o li kutsʼ kalaltike? [Akʼo stakʼ.] Epal krixchanoetike jaʼ te tsta spatobil yoʼontonik kʼalal tskʼelik li teksto ta Vivlia liʼe. [Kʼelo Isaías 25:8.] Li jun revista liʼe chalbe skʼoplal kʼuxi tspat oʼontonal kʼalal chal Vivlia ti chakʼbe slajeb li lajelale xchiʼuk chal ti chchaʼkuxiik talel li buchʼutik chamem kuʼuntike.»

¡Despertad! Enero

«¿Mi mu epuk chil svokolik avi li utsʼ alaletike? [Akʼo stakʼ.] Jun pʼijil loʼil ta Vivlia chalbutik kʼuxi xuʼ stsatsubik li utsʼ alaletike. [Kʼelo Proverbios 24:3.] Epal krixchanoetike yilojik ti te tstaik pʼijil tojobtaseletik li ta Vivliae. Li revista liʼe chalbe skʼoplal jun pajina ta Internet ti stuk noʼox jech ti te lokʼemik ta Vivlia li kʼusi chale, taje ta moton chal li mantaletik sventa tskolta li utsʼ alaliletike.»