Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun mayoe

«¿Mi xuʼ van jnaʼtik kʼuyelan li Diose? [Akʼo stakʼ.] Oy kʼusi toj tsots skʼoplal chkalbot ta sventa taje.» Kʼelbo li revista sventa avril-junio ta parafo 2, pajina 16 xchiʼuk li teksto ti jaʼ chalbe skʼoplal li loʼile. Akʼbo li revistaetike xchiʼuk albo mi xuʼ sut akʼel sventa xachanik li yoxibal sjakʼobile.

Li Jkʼel osil ta toyole Avril-junio

Kʼelo Génesis 2:16, 17, vaʼun xi xavale: «Oy krixchanoetik ti chalik ti snaʼoj xa onoʼox la Dios ti tspas smulik li Adán xchiʼuk Evae; yantik xtoke chalik ti snaʼojuk xa onoʼox lae, jecheʼ la li pʼijubtasel akʼbatik yuʼun li Diose. ¿Kʼusi chanop li voʼote? [Akʼo stakʼ.] Li mantal ta pajina 13 te chal kʼuxi tstunes spʼijilal Dios sventa tsnaʼ li kʼusitik chkʼot ta pasel ta jelavele».

¡Despertad! Mayo

«Oy junantike chalik ti chonbolometike kʼunkʼun ikʼataj talel ta krixchano, jaʼ noʼox ti mas la pʼij ibatike. ¿Kʼusi chanop voʼote? [Akʼo stakʼ. Kʼelo Salmo 139:14.] Melel onoʼox, li jtsʼibajom yuʼun salmoe mu xojtikin lek kʼu to kʼuyelan pasbil li jbekʼtal jtakopaltike. Li revista liʼe chalbe skʼoplal li kʼusitik jnaʼojtik xa avi ta sventa taje, xchiʼuk chalbe skʼoplal xtok kʼu yuʼun ti mu xijkoʼolaj xchiʼuk li chonbolometike.»