Junchib slikeb jloʼiltik

Li Jkʼel osil ta toyole 1 yuʼun enero

«¿Mi mas van lek jkuxlejaltik xanaʼ ti jkotoltikuk ta jchʼuntik li mantal liʼe? [Kʼelo Evreos 13:18, vaʼun akʼo stakʼ.] Li Vivliae chalbutik ti skʼan sakuk jtalelaltik ta skotol li kʼusitike. Li revista ta sventa li u liʼe chalbe skʼoplal ti skʼan sakuk jtalelaltik ta skotole.»

Lekil aʼyejetik yakʼoj Dios

«Yakal chivulaʼajkutik jlikeluk sventa chkakʼkutik ta ilel kʼuxi ta chanel li Vivliae. Li foyeto liʼe yichʼoj voʼlajuneb xchanobil ti chakʼ ta ilel bu xuʼ jtatik ta Vivlia li stakʼobil li kʼusi ta jakʼbe jbatik ti tsotsik skʼoplale. [Akʼbo yil li baʼyel pajinae xchiʼuk li spat foyetoe.] ¿Mi oy avakʼojbe yipal sventa xavaʼibe smelolal li kʼusi chal Vivliae? [Akʼo stakʼ.] Chkakʼ avil ti toj kʼun ta chanel li jujun xchanobile. [Jamo ta xchanobil 3, vaʼun chanik li baʼyel parafo ta yoxibal sjakʼobile, laje kʼelo Apokalipsis 21:4, 5. Mi xuʼ chavile, kʼelik li yan parafoe xchiʼuk li tekstoetike.] Xuʼ xavichʼ komel li foyetoe. Toj lek ti xuʼuk avuʼun sventa jchantik junuk xchanobile. Mi lek chavaʼie, xuʼ jech-o jchantik batel. Ta yan veltae xuʼ jaʼ jchantik li baʼyel xchanobil ti jun noʼox pajina yichʼoje.»