Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun noviembree

«Li avie buyuk xa noʼox chvinaj paskʼop, milbail, chameletik ti muʼyuk xpoxile, nikel, nojelal ta voʼ o yan kʼusitik. Ta skoj taje oy buchʼu tsjakʼbe sbaik kʼu yuʼun chakʼ oyuk vokolil li Diose, yuʼun ep tajek sjuʼel, chkʼanvan, toj pʼij xchiʼuk tukʼ li kʼusitik tspase. Li voʼote ¿kʼusi chanop ta sventa taje?» Akʼo stakʼ. Albo akʼo skʼel 1 Juan 5:19, ta tsʼakale akʼbo jlikuk livro Chchanubtasvan. Koʼol xachanik li parafo 7 ta pajina 108. Albo lek skʼoplal ti jaʼ Satanás li buchʼu chakʼ oyuk vokoliletike yuʼun jaʼ ajvalil li ta balumile. Albo ti chasut yan velta sventa chachanik yan sjakʼobil ta sventa li kʼusi la aloʼiltaike.

Li Jkʼel osil ta toyole Oktuvre-disiembre

«¿Kʼusi chtal ta anopben kʼalal tot xi chichʼ alele?» Akʼo stakʼ. Albo akʼo skʼel Lucas 11:2, ta tsʼakale akʼbo Li Jkʼel osil ta toyole, jaʼ li sventa oktuvre-disiembree, xchiʼuk koʼol xachanik li baʼyel oxib parafo ta pajina 19. Lek xavalbe skʼoplal ti skʼan ojtikinel li Totile, li Jeovae, yuʼun jaʼ jech mas lek chkil jbatik xchiʼuk. Albo mi tskʼan skʼel li revistae xchiʼuk albo ti tsut akʼel yan veltae.

¡Despertad! Oktuvre

«Li voʼonkutike yakalunkutik skoltael li utsʼ alaletike. ¿Mi mu jechuk chavil ti toj ep utsʼ alaletik ti jaʼ noʼox stuk ants o vinik ta stsʼites li yalab o xnichʼnabe? ¿Mi oy van svokolik xanaʼ? [Akʼo stakʼ.] Li ta Vivliae oy ep mantaletik ti skoltaoj ep totil meʼiletike [kʼelo 2 Timoteo 3:16]. Li revista liʼe chalbe skʼoplal jun-chib mantaletik ti xuʼ skolta li totil o meʼil ti stuk tstsʼites yalab o xnichʼnabe.»