Kʼuyelan chichʼ akʼel li revistaetike

Li Jkʼel osil ta toyole Oktuvre-disiembre

«Li avie ep buchʼutik mu xa skʼan xnupunik, yuʼun chiʼik mi mu lekuk xkʼotik ta lokʼel. ¿Mi jtunel van xa naʼ li tojobtaseletik chakʼ sKʼop Dios sventa junuk yoʼontonik ta snupunelik li nupultsʼakaletike? [Akʼo stakʼ.] Jkʼeltik noʼox junuk avil li tojobtasel taje [kʼelo Colosenses 4:6]. Li revista liʼe chalbe skʼoplal oxtos mantaletik ti xuʼ jtunel yuʼunik li buchʼutik nupunemike.» Akʼo iluk li mantal ta pajina 10.

¡Despertad! Noviembre

Kʼelo 2 Timoteo 3:16. Vaʼun xi xavale: «¿Mi jech cha nop ti xuʼ jpat koʼontontik ta skotol li kʼusitik chal Vivliae? [Akʼo stakʼ.] Li mantal liʼe chchapbe skʼoplal mi koʼol li kʼusi chal Vivlia xchiʼuk li kʼusitik tabil xchiʼuk nabil ta sventa li voʼneal Egiptoe». Akʼo iluk li mantal ta pajina 15.

Li Jkʼel osil ta toyole Oktuvre-disiembre

«Jkotoltik ep kʼusitik muʼyuk lek chbat kuʼuntik ta pasel jujun kʼakʼal, ¿mi mu jechuk? Kʼu xa chi li voʼote, ¿mi oy van kʼusi yaloj Dios ti skʼan jpastik sventa xakʼbutik pertone? [Akʼo stakʼ.] Kʼelo avil kʼusi chal li Vivliae [kʼelo Efesios 4:32]. Jech, kʼalal chkakʼbetik perton li yantike, xuʼ jpat koʼontontik ti tspasutik ta perton li Dios eke. Li revista liʼe chal buchʼu skʼan xkalbetik ta jamal li jmultike xchiʼuk kʼu yuʼun skʼan jpastik jech.» Akʼo iluk li mantal ta pajina 22.

¡Despertad! Disiembre

«¿Mi oy ajakʼojbe aba kʼu yuʼun ta 25 yuʼun disiembre tspasbeik li skʼinal sVokʼel Ninyoe? [Akʼo stakʼ.] Ta jkʼan ta jkʼelbot junuk teksto ta Vivliae ti oy kʼusi labal sba chale [kʼelo Lucas 2:8]. Kʼuchaʼal chkiltik liʼ ta tekstoe, maʼuk ta yorail siktik vokʼ li Jesuse. Li revista liʼe chal kʼuxi lik talel jlom kʼusitik tspasik li ta skʼinal sVokʼel Ninyoe.»