Kʼuyelan chichʼ akʼel li revistaetike

Li Jkʼel osil ta toyole Enero-marso

«¿Mi mu jechuk xa naʼ ti toj vokol chaʼi jun meʼil ti stuk tstsʼites yalabtake? [Akʼo stakʼ.] Li Vivliae chal ti skʼan oyuk ta koʼontontik li buchʼutik jech oy svokolike (kʼelo Salmo 41:1). Li mantal ta pajina 22 te chal kʼusi skʼan jpastik ta stojolal li meʼiletik ti stuk tstsʼites yalabike.»

¡Despertad! Enero

«Jlome chalik ti xchʼunel oʼontonale, jech noʼox la, chʼabal la srasonal. ¿Kʼusi cha nop? [Akʼo stakʼ.] Jech kʼuchaʼal chal Vivliae, skʼan oyuk lek yibel li xchʼunel koʼontontike [kʼelo 1 Juan 4:1]. Li mantal ta pajina 28 liʼe chalbe skʼoplal kʼuxi xuʼ jnaʼtik ti oyuk lek yibel li xchʼunel koʼontontike.»

Li Jkʼel osil ta toyole Enero-marso

«Li Jesuse la stak batel yajtsʼaklomtak sventa xbat xcholik mantal ta sjunul Balumil, ¿mi anaʼoj ti ikʼopojik ta yantik kʼopetik sventa spas yuʼunik taje? [Akʼo stakʼ. Kʼelo Hechos 19:6.] Li ta mantal liʼe chalbe chib srasonal ti kʼu yuʼun laj yichʼik li matanal taje, chal kʼusi lek kʼot ta pasel yuʼun xchiʼuk kʼuyelan chichʼ cholel li mantal avie.» Akʼo iluk li mantal ta pajina 25.

¡Despertad! Fevrero

«¿Mi avakʼoj venta ti mas xa ep buchʼutik chalbeik skʼoplal vampiro xchiʼuk j-akʼchameletike? Kʼusi cha nop voʼote, ¿mi muʼyuk xiʼel xa naʼ kʼalal ta jtikʼ jbatik li ta kʼusi mu stakʼ nabel lek smelolale? [Akʼo stakʼ.] Kʼelo avil li pʼijubtasel laj yakʼbe Dios li j-israeletik ta voʼnee [kʼelo Deuteronomio 18:10-12]. Li revista liʼe chal kʼuyelan chil Dios li kʼusi mu stakʼ nabel lek smelolale.»