Kʼuyelan chichʼ akʼel li revistaetike

Li Jkʼel osil ta toyole Enero-marso

«Oy totil-meʼiletik ti toj tsots chaʼiik chloʼilaj xchiʼuk yalab xnichʼnabik ta sventa li lutsʼbaile, jech oxal mu skʼan xloʼilajik ta sventa taje. ¿Mi oy van kʼusi chal Vivlia ta sventa taje? [Akʼo stakʼ.] Kʼelavil kʼusi mantalil laj yal jtakbol Pablo [kʼelo Efesios 6:4]. Li mantal liʼe chalbe oxib srasonaltak ti toj tsots skʼoplal ti skʼan xloʼilaj xchiʼuk yalab xnichʼnabik li totil-meʼiletik ta sventa li lutsʼbaile.» Akʼo iluk li mantal ta pajina 12.

¡Despertad! Fevrero

«Ta skoj ti toj voʼne xa tsʼibabil li Vivliae, oy buchʼutik chalik ti mu xkʼot-o xchiʼuk li kʼusi chal li sientifikoetike. ¿Kʼusi cha nop voʼote? [Akʼo stakʼ.] Ep krixchanoetik toj labal sba chilik kʼusi chal li Vivliae [kʼelo Isaías 40:22]. Li mantal ta pajina 22 te chal mi xkʼot-o kʼusi chal Vivlia xchiʼuk li kʼusi chal sientifikoetike.»

Li Jkʼel osil ta toyole Enero-marso

«Junantik krixchanoetike tsjakʼik mi chpoxtavanik ta xchʼunel oʼontonal li yajrextikotak Jeovae. Ta melel moʼoj, pe ¿mi xa naʼ kʼu yuʼun? [Akʼo stakʼ.] Kʼelavil kʼusi laj yal Jesucristo ti kʼusi chichʼik-o ojtikinel li melel yajtsʼaklomtake [kʼelo Juan 13:34, 35]. Li mantal liʼe chakʼ ta ilel ti jaʼ tsobolutik-o yuʼun kʼuchaʼal jun mukʼta utsʼ-alalil li kʼanelale.» Akʼo iluk li mantal ta pajina 21.

¡Despertad! Marso

«Ta skoj ti ep jvokoltik ta chamel avie, ¿mi mu jechuk ti tspat tajek koʼontontik li kʼusi chal teksto liʼe? [Kʼelo Isaías 33:24.] Kʼalal mi kʼot ta pasele, ¿kʼu van yelan xa naʼ li kuxlejale? [Akʼo stakʼ.] Yoʼ to yakalutik smalael li skʼakʼalil taje, oy kʼusitik xuʼ jpastik sventa xkuch batel kuʼuntik li jvokoltik ta chamele. Li revista liʼe jaʼ chalbe smelolal.»